BIAPHUAN 3:12 - Lai (Hakha) Common Language Bible 2006

¹² Teitu a simi cu ka Pathian biaknak inn chungah khan tungpi ah ka ser lai i cu biakinn cu zeitikhmanh ah a chuahtak lai lo. Amah cungah cun ka Pathian min kha ka ṭial lai i ka Pathian khualipi, a min Jerusalem thar a simi zong kha a cungah cun ka ṭial lai. Cu khualipi cu ka Pathian sinin vancung khin a rung ṭum lai. Cun a cungah cun ka min thar zong ka ṭial fawn lai.

Laibaibal Thiang (BSI)

¹² A teitu hna cu ka Pathian ṭempal tungah ka ser hna lai i cu hmun in a chuak ti lai lo. Amah ah ka Pathian he, ka Pathian khua, Jerusalem thar, ka Pathian sinin van i a rungṭummi min he ka ṭial lai. Cun amah cungah ka min thar ka ṭial lai.

BIAPHUAN 3:12 ပူးပေါင်းရင်းမြစ်များ

1 SIANGPAHRANG 7:21

Tungpi cu biaknak inn innleng ah khan a bunh hna; thlanglei kamah khan tungpi cu a bunh i a min ah Jakhin a sak; cun chaklei kamah tungpi kha a bunh i a min ah Boaz a sak.

SALM 46:4

Pathian khua, Cung Nung Bik Pathian inn thiang ah lawmhnak a ratpitu tiva pakhat a um.

SALM 48:8

Lianngan Bik Bawipa kan Pathian khualipi chungah, Pathian nih a tuahmi thil cu a theih in kan rak theih. asinain atu cu a hmuh in kan hmuh cang; khuapi cu him tein a zohkhenh zungzal lai.

SALM 87:3

Pathian nih nangmah kong ah a chimmi bia sunglawi cu ngai tuah, Maw Pathian khualipi; Selah

ISAIAH 62:2

Jerusalem, miphun hna nih, teitu na si kha an hmuh lai! An siangpahrang vialte nih na sunparnak kha an hmuh lai. Min thar in auh na si lai i cu min cu Bawipa hrimhrim nih an pek lai.

ISAIAH 65:15

Ka thimmi ka mi hna nih cun nan min cu chiatserhnak ah an hman lai. Bawipa nih kan thah hna lai. Sihmanhsehlaw ka nawl a zulmi cu min thar ka pek hna lai.

JEREMIAH 1:18

Nihin ah hin nangmah cu, Judah ram siangpahrang hna le bawi hna le tlangbawi hna le mi zapi hna he aa tawng dingah kan ser, kulhmi khuapi, thir tung le dar vampang bantuk na si lai.

EZEKIEL 40:49

Innleng cu a sau dong kul a si i a kauh dong hleihnih a si; hungkainak ah cun lamhbak pahra a um i innka tung pawngah cun a kap hnih in tung ngan pipi an um.

EZEKIEL 48:35

Khuapi velchum cu dong sang khat le thong riat a si lai i cu caan thawk in khuapi cu a min ah Bawipa Umnak Hmun ti a si lai.

MARKA 12:16

Pakhat an rak pek i, “Aho hmai le aho min dah mah hihi an si?” tiah a hal hna. Annih nih, “Siangpahrang hmai le min,” tiah an leh.

GALATI 2:9

Hruaitu pawl Jeim, Peter le Johan nih khan Pathian nih hi rian a ka pek kha an hngalh i cucaah Barnabas le keimah kha kan kut an kan tlaih. Rianṭuan ṭi cio bantukin, kannih nih Jentail mi hna sin i rian ṭuan i annih nih Judah mi hna sin i rianṭuan kha kan hna a tla.

EFESA 3:15

amah hi vawlei cung i khua a sami innchungkhar vialte nih an min an i laknak hram a si.

HEBRU 12:22

Sihmanhsehlaw nannih nih nan phakmi tlang cu Zion Tlang le Pathian nung khualipi van Jerusalem, vanmi a thongthong in an umnak kha a si.

HEBRU 13:14

Hi vawlei ah hin kannih caah zungzal hmun ding khua a um lo, a ra laimi khua tu kha kan cuan.

1JOHAN 4:4

Sihmanhsehlaw ka fale hna, nannih cu Pathian ta nan si i nal profet kha nan tei cang hna; zeicahtiah nan chung i a ummi Thlarau kha vawlei mi a simi hna chung i a ummi thlarau nakin a ṭhawng deuh.

BIAPHUAN 14:1

Khua ka hun zoh i Zion Tlang i Tuufa a dir ko kha ka hmuh; a sinah cun mi sing khat sang li le thong li an um i cu hna cu an cal i amah min le a Pa min khenhmi kha an si.

BIAPHUAN 17:14

Annih nih Tuufa kha an doh lai; sihmanhsehlaw Tuufa le Tuufa nih a kawh hna i a thim hna i zumhawktlak zultu a simi hna nih khan an tei hna lai, zeicahtiah Tuufa cu bawi vialte Bawipa le siangpahrang vialte Siangpahrang a si,” a ti.

BIAPHUAN 2:11

“Hna nan ngeih ahcun, Thlarau nih Khrihfabu hna sinah a chimmi bia kha ngai ko u! “Teitu a simi cu thih hnihnak nih harnak a pe kho hna lai lo,” a ti.

BIAPHUAN 2:17

“Hna nan ngeih ahcun Thlarau nih Khrihfabu sinah a chimmi bia cu ngai tuah u. “Teitu a simi hna cu thuhmi manna changreu kha tlawmpal in ka pek hna lai. Cun lung rang zong pakhat cio in ka pek hna lai i cu lung cungah cun a cotu cio lawng nih a sullam an hngalhmi min thar kha an i ṭial cio,” tiah a ti.

BIAPHUAN 2:7

“Hna nan ngeih ahcun, Thlarau nih Khrihfabu hna sinah a chimmi bia cu ngai ko u! Teitu a simi cu, Pathian Dum chung i a ummi nunnak thingkung theitlai einak nawl kha ka pek hna lai,” a ti.

BIAPHUAN 21:2

Cun Khua Thiang, Jerusalem thar kha Pathian sinin vancung in a rung ṭum cu ka hmuh, va ngei lai ngaknu nih a va ding ton awkah aa ṭamh bantuk khin aa ṭamh.

BIAPHUAN 22:4

Annih nih a hmai an hmuh lai i a min cu an cal ah aa ṭial lai.

BIAPHUAN 3:5

Teitu a simi hna cu hi bantukin puan rang an i aih lai i a nungmi hna cauk chung khan an min cu ka hlo lai lo. Ka Pa le a vancungmi hna hmaiah langhngan in, hi hna cu ka mi an si, ka ti lai.