BIAPHUAN 3:10 - Lai (Hakha) Common Language Bible 2006

¹⁰ Lungsau in um tuah, tiah kan timi kha na zulh caah, vawleicung mi vialte hneksaknak ding caah vawlei cung dihlak ah a tlung laimi harnak caan kha tong loin kan luatter lai.

Laibaibal Thiang (BSI)

¹⁰ Zeicatiah lungsau in ka nawlpêk nâ tlaih caah, lei minung hna hneksak dingin vawlei dihlak i a phân hngami teminnâk chungin kei zong nih kan luatter ve lai.

BIAPHUAN 3:10 ပူးပေါင်းရင်းမြစ်များ

ISAIAH 24:17

Vawleicung mi hna! Thil ṭihnung le khor le rap nih an in bawh ko hna.

DANIEL 12:10

Mi tampi cu an i thianh lai i an thiang lai, vaar virver in an um lai, sihmanhsehlaw miṭhalo hna nih cun an hngal lai lo i ṭhat lonak kha an tuah lengmang ko lai, hruaitu fim hna lawng nih khan an hngalh lai.

ZEKHARIAH 13:9

Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

MATTHAI 24:14

Cun miphun vialte hna ca i tehte si awkah Vancung Pennak kong Thawng Ṭha hi khuazakip ah chim a si lai — cun cu hnu lawngah cun donghnak cu a si lai!

MATTHAI 26:41

Tukforhnak chungah nan luh nakhnga lo hngilh lo tein um u law thlacam tuah u. Thlarau nih cun a huam ko, sihmanhsehlaw titsa cu a der,” tiah a ti.

MATTHAI 6:13

Tukforhnak chungah kan phakter hlah, Mi Ṭhalopa sin khan him tein kan khamh tuah.

MARKA 14:9

Hihi philh hlah u: Vawlei cung khuazakip i thawngṭha an chimnak paoh ah hi nu nih a tuahmi hi amah philh lonak caah an chim camcin lai,” tiah a ti.

LUKA 2:1

Khi caan ah Siangpahrang Awkastas nih nawlbia a chuah i, ‘Ram chung i a ummi vialte nih milu relnak caah nan min nan i thla dih lai,’ tiah a ti.

JOHAN 17:6

“Hi vawlei chungin na kawh hna i na ka pekmi hna sinah hin, na min cu ka langhter cang; nangmah ta an si i annih cu nangmah nih keimah na ka pekmi an si. Na bia kha an ngaih i

ROM 1:8

A hmasa bik ah, nan dihlak ruangah ka Pathian cu Jesuh Khrih thawngin ka lawmh; zeicahtiah vawlei khuazakip ah nan zumhnak thawng hi an rak theih dih cang.

1 KORIN 10:13

Tukforhnak nan cung i a tlungmi hi midang zong nih an in cio tawnmi an si ko. Pathian nih a biakamnak cu a zulh ko lai i nan in khawh leng tiangin tukforhnak cu nan cungah a tlunter lai lo. Tukforhnak nan in tikah in khawhnak thazang an pek hna lai i chuah khawhnak lam zong an serpiak hna lai.

EFESA 6:13

Cucaah atu hin Pathian ralthuam kha i hruk u. Cun ni ṭhalo kha a hung phanh tikah nan ral cu nan rak doh khawh lai i a donghnak tiang nan i tuk hnu zongah nan hmun ah cun fek tein nan dir kho lai.

2TIMOTE 2:12

Kan in khawh peng ahcun, a uk zong amah he kan uk ṭi lai. Kan hlawt ahcun, amah zong nih a kan hlawt ve lai.

JEIM 3:12

Ka u le ka nau hna, theipi kung nih oliv thei a tlai bal lo, mitsur ruang nih theipi a tlai bal fawn lo; ti al zong nih ti thlum a chuahter kho ve lo.

1 PETER 4:12

Ka dawtmi ka hawile hna, a fakmi temhinnak nan in caah hin, nan khuaruahhar hlah u, kan cungah a um bal theng lomi thil a tlung tiin ruat hlah u.

2 PETER 2:9

Cuticun Pathian nih harnak an inmi chungin Pathian a ṭihmi hna khamh cu a thiam i miṭhalo pawl cu Biaceih Ni tiang dantatnak tang i chiah cu a thiam.

BIAPHUAN 1:9

Kei cu nan unau Johan kha ka si. Jesuh ah kan i pehtlaihnak thawngin hremnak nan innak ah ka ing ve, nan umnak a Pennak chungah khan ka um ve i temhinnak nan inmi kha ka ing ve. Pathian bia ka chim ca le Jesuh nih a phuanmi biatak ka phuan ruangah, Patmos tikulh ah khan an ka chiah.

BIAPHUAN 11:10

Hi profet pahnih hna nih hin vawleicung mi kha temhnak tampi an pek hna caah, hi hna pahnih an thihnak ah hin vawlei cung mi cu an i lawm lai i an thihnak cu an tuk an aih lai i pakhat le pakhat laksawng an i ṭhen lai.

BIAPHUAN 13:10

Tlaih awk a simi cu tlaih a si hrimhrim ko lai; vainam in thah awk a simi cu vainam in thah a si hrimhrim ko lai. Hi ah hin Pathian mi hna nih in khawhnak an ngeih le zumhawktlak an si kha an langhter awk a hau,” a ti.

BIAPHUAN 13:14

Cun vawleicung i khua a sami vialte cu, khuaruahharnak a tuahmi khan a hlen hna; cu khuaruahharnak hna cu sahrang pakhatnak hmaika i tuahnak nawl pek a simi khuaruahharnak kha an si. Vainam in thahhrulhmi a si nain a nungmi sahrang upatnak caah khan milem pakhat nan ser lai, tiah vawlei cung mi vialte kha sahrang nih cun a ti hna.

BIAPHUAN 13:8

Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si.

BIAPHUAN 14:12

Pathian mi hna, Pathian nawl a ngai i Jesuh cungah zumh awk tlak in khua a sami hna nih cun, hi zawn ah hin in khawhnak an ngeih awk a hau.

BIAPHUAN 14:6

Vawlei cung mi vialte, phun kip, ram kip, holh kip le mi kip sin i thanh awk a simi, zungzal Thawngṭha aa phorh i vanlai i a zuangmi vancungmi pakhat kha ka hmuh.

BIAPHUAN 16:14

Annih cu khuachia thlarau, khuaruahharnak a tuah khomi kha an si. Cu thlarau pathum hna cu vawleicung khuazakip ah khan an kal i vawleicung siangpahrang vialte kha an pumh hna. Cu bantukin hmunkhat ah an pumh hna cu, Lianngan Bik Pathian ni lianngan ni ah pakhat le pakhat i do hna seh ti caah a si.

BIAPHUAN 17:2

Vawlei cung siangpahrang hna nih hlawhhlangnu milianngan nu he cun sualnak an tuah i a sualnak zu an dinnak cun vawlei cung mi cu an ri dih,” a ti.

BIAPHUAN 17:8

Na hmuhmi sahrang kha hlanah cun a rak nung, asinain atu cu a nung ti lo, rawhralnak a phak hlanah dongh hngal lo khor chung khan a hung chuak lai. Vawlei cung i khua a sami, vawlei ser hlan in nunnak cauk chungah an min a rak i ṭial lomi hna nih khan, sahrang cu an hmuh tikah an khuaruah a har lai, zeicahtiah voi khat cu a rak nung, atu cu a nung ti lo, asinain a hung chuak ṭhan lai.

BIAPHUAN 2:10

Sifahnak na in dingmi kha zeihmanh ṭih hna hlah. Hi bia hi ngai hmanh. Khuachia nih khan nangmah hneksaknak caah nanmah lak i a cheu cu thong ah a thlak hna lai; harnak na inmi cu ni hra chung a si lai. Thih tiangin ka cungah zumhawktlak tein um ko; cun nunnak suiluchin kha kan pek lai.

BIAPHUAN 3:8

Na tuahmi kha ka hngalh; na thazang a tlawm nain kan cawnpiakmi na zulh le ka cungah zumh awk tlak na si kha ka hngalh. Innka pakhat kaan hunpiak i ahohmanh nih an khar kho lai lo.

BIAPHUAN 6:10

Fak piin an au i, “A lianngan bik Pathian, a thiang i a taktak a simi Pathian, vawleicung mi, a kan thattu hna hi zei can dah kan phuhlam loin na um hna lai i an biaceih loin na um hna lai,” an ti.

BIAPHUAN 8:13

Cun khua ka hun zoh i vanlai ah sang piin a zuangmi mupi pakhat nih aw fakpi i, “Ṭih a va nung thiam dah! Ṭih a va nung thiam dah! A dang vanmi pathum hna nih an muko an tum ve tikah vawlei mi vialte hna caah zeitluk riamruam in dik ṭih a nun lai!” a ti.