BIAPHUAN 22:6 - Lai (Hakha) Common Language Bible 2006

⁶ Cun vancungmi nih khan a ka thawh i, “Hi bia hi biatak an si i zumhawktlak an si. A Thlarau kha profet hna a petu Bawipa Pathian nih, tuante ah a tlung zau ding thil kha a sal hna hmuhsak awkah, a vanmi kha a run ka thlah,” a ti.

Laibaibal Thiang (BSI)

⁶ Cuticun anih nih ka sinah, “Hi bia hna hi biatak le zumhtlâk an si,” tiah a ti. A thiangmi Profet hna Pathian nih a um zau laimi thil hna kha a sal hmuhsak dingin a vanmi a run thlah.

BIAPHUAN 22:6 ပူးပေါင်းရင်းမြစ်များ

GENESIS 41:32

Faro nih voi hnih tiangtiang in na manh cu, hi thil hi Pathian nih a ruah cang i a rauh hlanah a tlunter lai tinak caah a si.

DANIEL 3:28

Khi tikah Nebukhadnezzar nih cun aa thawh i, “Shadrak, Meshak le Abednego Pathian cu thangṭhat si ko seh. Amah an i bochan ca i siangpahrang nawlbia hmanh zul duh loin a um i an Pathian hleiah pathian dang biak nakcun mei chung i paih hmanh a duh deuhmi a salle hna cu, khamh awkah Amah nih a vancungmi kha a run thlah.

DANIEL 6:22

Ka Pathian nih chiandeih hna cu an kaa phih awkah a vancungmi kha a run thlah hna i cucaah ka cungah zeihmanh ṭhat lonak an tuah lo, zeicahtiah amah nih a ka hmuh ning ah kei cu a sual lomi ka si i cuhleiah maw siangpahrang, nangmah cungah ṭhat lonak zeihmanh ka tuah lo,” tiah a ti.

MATTHAI 13:41

Mi Fapa nih hin vancungmi kha a thlah hna lai i a Pennak chung i ṭhat lonak a tuahtu vialte hna le mi a sualtertu vialte hna kha an pumh hna lai i

LUKA 1:70

Hlanliopi ah a profet thiang hna sinin,

LUKA 16:16

“Moses Phungbia le profet ṭialmi ca hna cu Tipil petu Johan chan tiang caah khan an si; cu ri cun Pathian Pennak Thawngṭha cu chim a si i a mi kip cu heh tiah an lut.

LAMKALTU 12:11

Khi tikah Peter cu a lung a hung fim i, “Atu cu hihi ahmaan tiah ka hngalh cang! Bawipa nih a vancungmi kha a run thlah i Herod kut chung le Judah mi nih ka cungah an i ruahchihmi vialte chungin a ka khamh,” tiah a ti.

LAMKALTU 3:18

Pathian nih hlan lio pi in a profet vialte hna sin khan, ka Messiah nih cun fahnak a in lai, ti kha a rak thanh chung cang i cu a bia cu hiti ning hin a tlinter.

ROM 1:2

Cu Thawngṭha cu Pathian nih hlanpi in a profet hna sinin a rak kan kamh i Cathiang chung i a rak i ṭialmi kha a si i

1 KORIN 14:32

Pathian bia chimnak caah Pathian nih an pekmi hna laksawng cu a chimtu nih khan a uk awk a si,

1 KORIN 7:29

Ka u le ka nau hna, ka chim duhmi cu hihi a si: caan hi tampi a tang ti lo i cucaah cun atu ri hin cun nupi ngeimi nih a ngei lo bantukin um hna seh;

2 THESALON 1:7

sifah a ingmi nan cung le kanmah cung zongah damnak a tlunter lai. Bawipa Jesuh nih a vancungmi miṭhawng hna le

HEBRU 12:9

Minung kan pale kong hi ruat hmanh u, an kan chimhhrin i kan upat hna, cucaah cun nunnak kan hmuh nakhnga, thlarau lei kan Pa chinchin cu zeitluk in dah a bia kan ngaih chinchin awk a si.

2 PETER 1:21

Zeicahtiah profet bia cu minung duhnak chung menmen in a chuakmi a si lo, sihmanhsehlaw Pathian sinin a rami bia kha mi nih an chim tikah, Thiang Thlarau nih a fial hna caah a si.

2 PETER 3:2

Hlan liopi ah profet mithiang hna nih an rak chimmi bia le kan Bawipa le kan Khamhtu nih nawl an pekmi hna, a lamkaltu pawl nih an in chimhmi hna kha, philh hlah u ti kan duh hna.

BIAPHUAN 1:1

Hi cauk hi Jesuh Khrih nih a phuanmi thil kong a si. Cu a phuanmi cu a um zau dingmi thil, Pathian nih a sal hna hmuhsak awkah a pekmi kha a si. Cu thil hna cu Khrih nih a sal Johan kha a hngalhter i cu hngalhtertu ah cun a vancungmi kha a thlah i

BIAPHUAN 18:20

Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!

BIAPHUAN 19:9

Cun vancungmi nih cun a ka thawh i, “Mah hihi ṭial tuah: Tuufa nupi ṭhitnak puai i sawmmi hna cu milunglawm an va si dah!” a ti. Cun vancungmi nih cun, “Hi bia hi Pathian bia ngaingai an si,” a ti fawn.

BIAPHUAN 21:5

Cun bawiṭhutdan i a ṭhumi nih cun, “Atu cu thil vialte kha a thar in ka ser dih cang hna,” a ti. A ka thawh i, “Hi bia hi ṭial hna, zeicahtiah ahmaanmi le zumhawktlak a simi bia an si,” a ti.

BIAPHUAN 21:9

Vancungmi pasarih hna lak i pakhat, hremnak hmanung bik pasarih in a khatmi kanto pasarih aa putmi kha ka sinah a ra i, “Ra hmanh, Tuufa nupi, va ngei lai ngaknu cu kan hmuhsak lai,” a ti.

BIAPHUAN 22:1

Vancungmi nih cun nunnak tiva zong a ka hmuhsak, cu tiva cu Pathian le Tuufa bawiṭhutdan hram in khuapi laifang ah a rung luangmi a si i thlalang bantukin a fiim.

BIAPHUAN 22:16

“Keimah, Jesuh nih, Khrihfabu chung i a ummi nannih sinah hi bia cu thanh awkah ka vancungmi kha ka run thlah. Kei cu David tefa kha ka si, kei cu deirel arfi ceu cu ka si,” a ti.

BIAPHUAN 22:7

Cun Jesuh nih, “Ngai hmanh, ka ra zau lai. Hi cauk chung i aa ṭialmi profet bia a zulmi cu lunglawmmi an si,” a ti.

BIAPHUAN 4:1

Hi dih hin langhnak a dang pakhat ka hmuh ṭhan i vancung ah khin innka pakhat aa hungmi kha ka hmuh. Cun hlan deuh ah ka rak theihmi aw, muko aw bantuk a simi kha, a hung thang i, “Hika ah hin hung kai law, hi dih hin zeidah a um lai ti kha kan hmuhsak lai,” a ti.