BIAPHUAN 22:16 - Lai (Hakha) Common Language Bible 2006

¹⁶ “Keimah, Jesuh nih, Khrihfabu chung i a ummi nannih sinah hi bia cu thanh awkah ka vancungmi kha ka run thlah. Kei cu David tefa kha ka si, kei cu deirel arfi ceu cu ka si,” a ti.

Laibaibal Thiang (BSI)

¹⁶ “Kei Jesuh nih, hi thil hna hi kawhhran hna sin i hngalhter awkah ka vanmi ka thlah. Keimah cu David Tefa le a Hrampi, Deirel Arfi Ceu ka si.

BIAPHUAN 22:16 ပူးပေါင်းရင်းမြစ်များ

ISAIAH 11:1

Siangpahrang David ciruang hi haumi thingkung bantuk a si; chumhmui in nge thar an corh bantukin David tefa chungin siangpahrang thar pakhat a chuak lai.

ISAIAH 14:12

Babilon siangpahrang, Deirel arfi ceu, nang cu vancung in na tla cang! Hlanah cun miphun tampi kha na rak tei hna, sihmanhsehlaw atu cu vawlei ah an in hlonh cang.

ZEKHARIAH 6:12

Cun amah cu na thawh lai i, ‘Mah hihi ralkapbu Bawipa bia a si: Hi pa hi Thing Nge timi cu a si lai; a umnak vawlei khan a hung ṭhang lai i Bawipa biakinn kha a sak lai.

NAMBAR 24:17

Amah cu ka hmuh, sihmanhsehlaw atu i a si bantuk hi a si lo, Amah cu ka zoh, sihmanhsehlaw atu naite i a si bantuk hi a si lo: Jakob chungin arfi pakhat a chuak lai i Israel chungin bawifung pakhat a chuak lai; Moab cal cu a khuai lai i Sheth fapale hna cu a den dih hna lai.

MATTHAI 1:1

Jesuh Khrih chuahkehnak cu hitihin a si. Amah cu David tefa kha a si i David cu Abraham tefa kha a si.

MATTHAI 2:2

“Judah siangpahrang a si lai dingmi ngakchia a chuakmi cu khuazei ah dah a um? A arfi nichuahlei in a chuah kha kan hmuh i amah biak awkah cun atu hi kan ra,” an ti.

MATTHAI 22:42

“Messiah kong hi zeitindah nan ruah? Aho hrinsor dah a si?” tiah a hal hna. Annih nih “David hrinsor a si,” tiah an leh.

MATTHAI 22:45

David nih Messiah cu Bawipa, tiah a ti ahcun zeitindah amah cu David hrinsor cu a si khawh lai?” tiah a ti hna.

LUKA 1:78

Zeicahtiah, kan Pathian cu zaangfah thiammi le minunnem a si: Khamhnak khuaceu ṭha cu kan cungah a tlunter lai i

LUKA 20:44

David nih khan ‘Bawipa’ tiah a ti ṭung ahcun, zeitindah Messiah cu David fapa cu a si khawh lai?” tiah a ti.

ROM 15:12

Isaiah nih khan aa thawh ṭhan i, “Jesse tefa pakhat a ra lai i Jentail mi hna uktu ah ser a si lai, Cun annih nih amah cu an i bochan lai,” a ti bang khan a si.

ROM 9:5

Hebru mi a kan hringsortu hna tefa kha an si, cun Khrih zong kha minung lei cun anmah phun a si. Zeizong vialte a uktu Pathian cu zungzal in thangṭhat si ko seh! Amen.

2 PETER 1:19

Cucaah cun profet hna nih an rak chimmi bia kha kan zumh chinchin. Cu bia cu nannih zong nih ṭha tein nan ngaih ahcun a ṭha lai, zeicahtiah khua a hung dei i deirel arfi nan lung chung i a hung ceu hlantiang, muihnak hmun i a ceumi mei-inn bantuk khi, cu bia cu a si.

BIAPHUAN 1:1

Hi cauk hi Jesuh Khrih nih a phuanmi thil kong a si. Cu a phuanmi cu a um zau dingmi thil, Pathian nih a sal hna hmuhsak awkah a pekmi kha a si. Cu thil hna cu Khrih nih a sal Johan kha a hngalhter i cu hngalhtertu ah cun a vancungmi kha a thlah i

BIAPHUAN 1:11

A ka thawh i, “Na hmuhmi kha ṭial law na ṭialnak cauk cu Khrihfabu pasarih kha kua hna: cu Khrihfabu hna cu Efesa khua le Smyrna khua le Pergamum khua le Thiatira khua le Sardis khua le Filadelfia khua le Laodisia khua i a ummi kha an si,” tiah a ti.

BIAPHUAN 1:4

Asia peng chung i a ummi Khrihfabu pasarih kha Johan nih bia kan cah hna: Atu i a um liomi le a rak um cangmi le a um lai ding a simi Pathian le a bawiṭhutdan hmai i a ummi thlarau pasarih le Jesuh Khrih nih vel le daihnak in pe ko hna seh.

BIAPHUAN 2:11

“Hna nan ngeih ahcun, Thlarau nih Khrihfabu hna sinah a chimmi bia kha ngai ko u! “Teitu a simi cu thih hnihnak nih harnak a pe kho hna lai lo,” a ti.

BIAPHUAN 2:17

“Hna nan ngeih ahcun Thlarau nih Khrihfabu sinah a chimmi bia cu ngai tuah u. “Teitu a simi hna cu thuhmi manna changreu kha tlawmpal in ka pek hna lai. Cun lung rang zong pakhat cio in ka pek hna lai i cu lung cungah cun a cotu cio lawng nih a sullam an hngalhmi min thar kha an i ṭial cio,” tiah a ti.

BIAPHUAN 2:7

“Hna nan ngeih ahcun, Thlarau nih Khrihfabu hna sinah a chimmi bia cu ngai ko u! Teitu a simi cu, Pathian Dum chung i a ummi nunnak thingkung theitlai einak nawl kha ka pek hna lai,” a ti.

BIAPHUAN 22:1

Vancungmi nih cun nunnak tiva zong a ka hmuhsak, cu tiva cu Pathian le Tuufa bawiṭhutdan hram in khuapi laifang ah a rung luangmi a si i thlalang bantukin a fiim.

BIAPHUAN 22:11

Miṭhalo cu ṭhat lonak kha tuah lengmang ko seh, fihnung a simi cu fihnung kha tuah lengmang ko seh, miṭha a simi cu ṭhatnak kha tuah lengmang ko seh, mithiang a simi cu thiannak kha tuah lengmang ko seh,” a ti.

BIAPHUAN 22:20

Hi thil vialte hi ahmaan dih tiah tehte a khaangtu nih, “Tuan ah ka ra hrimhrim lai,” a ti. Cu bantuk cun si ko seh. Bawipa Jesuh, ra ko cang!

BIAPHUAN 22:6

Cun vancungmi nih khan a ka thawh i, “Hi bia hi biatak an si i zumhawktlak an si. A Thlarau kha profet hna a petu Bawipa Pathian nih, tuante ah a tlung zau ding thil kha a sal hna hmuhsak awkah, a vanmi kha a run ka thlah,” a ti.

BIAPHUAN 3:13

“Hna nan ngeih ahcun, Thlarau nih Khrihfabu hna sinah a chimmi bia cu ngai tuah u,” a ti.

BIAPHUAN 3:22

“Hna nan ngeih ahcun, Thlarau nih Khrihfabu hna sinah a chimmi bia cu ngai tuah u,” a ti.

BIAPHUAN 3:6

“Hna nan ngeih ahcun, Thlarau nih Khrihfabu hna sinah a chimmi cu ngai tuah u,” a ti.

BIAPHUAN 5:5

Cu tikah upa pakhat nih khan a hun ka chawnh i, “Ṭap hlah! Zohhmanh, Judah phun chungin a chuakmi Chiandeih, David tefa milianngan nih khan, teinak a hmuh cang i cakhenhnak pasarih kha a phoih khawh hna i cazual kha a kau khawh,” tiah a ti.