BIAPHUAN 22:10 - Lai (Hakha) Common Language Bible 2006

¹⁰ Cun hitihin a ka ti, “Hi cauk chung i aa ṭialmi profet chimchung bia hi a thli in i chiah ko hlah. Zeitintiah hi thil vialte cu a tlin lainak caan a nai cang.

Laibaibal Thiang (BSI)

¹⁰ Cun ka sinah, “Hi cauk chung i chimchungbia hna hi thup hna hlah, zeitintiah a cân kha a nai cang.

BIAPHUAN 22:10 ပူးပေါင်းရင်းမြစ်များ

ISAIAH 13:6

Nganfak in ai tuah u! Bawipa ni cu a nai cang, Lianngan Bik nih rawhnak a tlunter lai ni cu a nai cang.

ISAIAH 8:16

Pathian nih a ka pekmi bia kha ka zultu hna nih ṭha tein an zohkhenh awk le an i ken awk a si.

EZEKIEL 12:23

Annih cu thawh hna law mah hihi Bawipa Pathian bia a si, tiah chim hna: Hi phungthluk bia hi ka donghter cang lai; Israel ram chungah theih a si ṭhan bal ti lai lo, a ti. Cun annih cu, ‘Cu caan cu a nai ngaingai cang i langhnak cu a tling taktak lai,’ tiah chim hna, a ti.

DANIEL 12:4

Sihmanhsehlaw Daniel, hi bia cu bia thli ah chia hna law donghnak caan a phak hlantiang cauk cu phit ko. Mi tampi cu lungdong in an um lai i dantatnak cu a rit ngaingai lai,” tiah a ti.

DANIEL 12:9

Cun a ka leh i, “Daniel va kal ko, zeicahtiah hi bia hna cu donghnak caan a phak hlantiang biathli le biathup ah chiah awk an si.

DANIEL 8:26

Zanlei raithawinak hna kong le zinglei raithawinak hna kong i phuannak na hmuhmi an sullam hi biatak a simi an si; Sihmanhsehlaw langhnak na hmuhmi hi na thuh rih hna lai, Zeicahtiah hi langhnak a vung tlin tik khi cu hmaileipi ah khin a si te lai,” tiah a ti.

MATTHAI 10:27

Mui lak i kan chimhmi hna hi chun khua ceu ah va chim chin u, cun a thli in nan theihmi hi inn par in va au pi u.

ROM 13:11

Atu caan hi zei caan dah a si cang ti kha nan hngalh caah hihi nan tuah awk a si. Atu cu nan i hlauh awk caan a si cang, zeicahtiah khamh kan si lai caan cu kan rak zumh ka nakkhan atu ah cun kan naih deuh cang.

ROM 13:12

Zan cu a dih dengmang cang, khua a ceu dengmang cang. Muihnak thil a simi tuah kha ngol cang u si law ceunak chung i raldoh awkah hriamnam kha i lak u sih.

2 THESALON 2:3

Ahohmanh i hlenter hna hlah u. Zeicahtiah cu Ni cu donghnak ral thawhnak a phanh hlan le hell kal ding a simi Miṭhalo Pa a chuah hlanah cun, a phan lai lo.

1 PETER 4:7

Zeizong vialte donghnak caan hi a nai ko cang. Cucaah cun thla nan cam khawh nakhnga, mah le mah aa uk khomi le ralring tein a ummi nan si lai.

BIAPHUAN 1:11

A ka thawh i, “Na hmuhmi kha ṭial law na ṭialnak cauk cu Khrihfabu pasarih kha kua hna: cu Khrihfabu hna cu Efesa khua le Smyrna khua le Pergamum khua le Thiatira khua le Sardis khua le Filadelfia khua le Laodisia khua i a ummi kha an si,” tiah a ti.

BIAPHUAN 1:3

Hi cauk a relmi le hi profet bia a ngai i hi cauk chung i aa ṭialmi a zulmi cu lunglawmmi an si. Zeicahtiah hi thil vialte a tlin lai caan cu a naite cang.

BIAPHUAN 10:4

Bia an chim dih cangka cun ṭial kaa tim i sihmanhsehlaw vancung in aw pakhat nih, “Khuari pasarih nih an chimmi kha biathli ah chia, ṭial rih hlah,” tiah a run ka ti kha ka theih.

BIAPHUAN 22:16

“Keimah, Jesuh nih, Khrihfabu chung i a ummi nannih sinah hi bia cu thanh awkah ka vancungmi kha ka run thlah. Kei cu David tefa kha ka si, kei cu deirel arfi ceu cu ka si,” a ti.

BIAPHUAN 22:18

Keimah Johan nih hi cauk chung i aa ṭialmi profet bia a theimi paoh kha ralrinnak kan pek hna: hi bia ah ahohmanh nih bia dang a chap ahcun, hi cauk chungah aa ṭialmi hremnak kha a dantatnak ah Pathian nih a chap lai.

BIAPHUAN 22:20

Hi thil vialte hi ahmaan dih tiah tehte a khaangtu nih, “Tuan ah ka ra hrimhrim lai,” a ti. Cu bantuk cun si ko seh. Bawipa Jesuh, ra ko cang!

BIAPHUAN 22:7

Cun Jesuh nih, “Ngai hmanh, ka ra zau lai. Hi cauk chung i aa ṭialmi profet bia a zulmi cu lunglawmmi an si,” a ti.

BIAPHUAN 22:9

Sihmanhsehlaw a ka thawh i, “Tuah hlah. Kei zong nangmah bantukin sal ka si ve ko; na unau profet hna le hi cauk chung i aa ṭialmi bia a zulmi na unau hna bantukin sal ka si ve ko. Pathian tu bia ko,” a ti.

BIAPHUAN 5:1

Bawiṭhutdan cung i a ṭhumi nih cun cazual pakhat a orhlei kut in aa put kha ka hmuh i cu cazual cu a chunglei he a lenglei he aa ṭial dih i cakhenh pasarih in an khenh chih.