BIAPHUAN 21:8 - Lai (Hakha) Common Language Bible 2006

⁸ Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

Laibaibal Thiang (BSI)

⁸ Asinain miralchia, zumlotu, fihnungmi, lainawngmi, horduh cuaimi, doihthiammi, milem biami hna le lih chimmi vialte umnâk ding cu mei le kât mei tili, thih voihnihnâk cu a si.

BIAPHUAN 21:8 ပူးပေါင်းရင်းမြစ်များ

PHUNGTHLÛKBIA 19:5

A dinglo tehte cu dantat loin a luat lai lo, Lih a chimtu cu a luat ve lai lo.

PHUNGTHLÛKBIA 19:9

A dinglo tehte cu dantat loin a luat lai lo, Lih lawng a chim lengmangmi cu a rawk lai.

ISAIAH 51:12

Bawipa nih aa thawh i, “Nanmah thazang an petu hna cu keimah ka si. Cucaah cun zeicahdah ram nakin sau deuh a nung hlei lomi, a thi khomi minung cu nan ṭih hna?

ISAIAH 57:11

Bawipa nih aa thawh i, “Zei pathian nan ṭih hna caah dah keimah kha a philh in nan ka philh? Sau tuk dai tein ka um caah maw keimah cu nan ka ṭih ti lo?

ISAIAH 9:15

Lu cu tar le hmaizahmi kha an si, mei cu cawnpiaknak hmaanlo a cawnpiaktu hna profet kha an si.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

MATTHAI 10:28

Pum cu a that kho ko nain thlarau a that kho lomi cu va ṭih hlah u; hell chungah pum he thlarau he a that khotu Pathian tu kha va ṭih u.

MATTHAI 25:25

Cucaah kan ṭih i na tangka cu vawlei chungah ka va thuh. Zohhmanh na ta kha a ningte in, hihi a si ko,’ tiah a ti.

MATTHAI 8:26

Jesuh nih cun, “Zeicahdah cu ti lawmmam cun nan thin a phan? Nan hei ka bochan lo hringhran dah!” tiah a leh hna. Cun a tho i thli le tilet cu nawl a pek hna i dai zirziar tein rili cu a um ṭhan.

MARKA 9:44

Cuka ah cun an tholung kha an thi ti lo i mei kha a mit ti lo.

JOHAN 8:44

Nannih cu nan pa Khuachia fa kha nan si i tuah nan duhmi cu nan pa duhnak kha a si. Amah cu a hramthawk tein lainawng a rak si. Biatak kha zeitikhmanh ah a ṭanh bal lo, zeicahtiah a chungah biatak zeihmanh a um lo. Lih a chim tikah a tuah tawn zungzalmi kha a tuah a si ko, zeicahtiah anih cu milihchim a si i lih vialte pa a si.

DEUTERONOMI 20:8

Cun cu hleiah bawi hna nih cun mizapi sinah cun, ‘Thinphang le lungder nan um maw? Cu pa cu a inn ah kir ṭhan seh, a hawile lung zong kha amah lung bantukin a zor sual lai,’ tiah an chim lai.

2 THESALON 2:9

Miṭhalo Pa cu Satan ṭhawnnak in a ra lai i khuaruahharnak a phunphun le hlennak hmelchunhnak a phunphun kha a tuah hna lai i

1TIMOTE 4:2

Hi cawnpiaknak hi lihchim hmangmi hna nih lih in mi an cawnpiak hnanak chungin a chuakmi a si; annih cu an chiaṭha thleidannak a thimi, thir lin nih a kangh ca i a ngongmi an si.

TITAS 1:16

Pathian kan hngalh ti cu an ti, sihmanhsehlaw an tuahnak nih an chimmi cu a si lo ti kha a langhter. Mi huat awkin an um, nawl ngai loin khua an sa i thil ṭha tuah dingah an i tlak lo.

HEBRU 12:24

Biakamnak thar a sertu Jesuh sin le Abel thisen nih a chimmi thil nakin a let tam piin a ṭha deuhmi thil kong a chimtu a thletmi a thisen sin kha nan phan cang.

HEBRU 13:4

Ṭhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.

1JOHAN 2:22

A si ahcun, aho cu dah lihchimpa cu a si kun? Jesuh cu Khrih a si lo, a titu kha a si. Hi pa hi Khrih Ral cu a si — Pa he Fapa he a hlawt hna.

1JOHAN 3:15

A unau a huami paoh cu lainawng a si i lainawngmi nih cun an chungah zungzal nunnak an ngei lo ti kha nan hngalh.

1JOHAN 5:10

Cucaah Pathian Fapa a zummi paoh nih cun a lung chungah Pathian i tehte a khaannak bia kha a ngei; sihmanhsehlaw Pathian a zum lomi nih cun Pathian kha lihchim ah a canter i cucu zeicahdah a si ti ahcun, Pathian nih a Fapa kong i tehte a khaanmi kha a zumh lo caah a si.

BIAPHUAN 14:10

Pathian zu, a thinhunnak zu, a thinhunnak hrai chung i ti cawh hrimhrim loin thletmi kha an din lai. Cu a dingmi vialte cu vancungmi mithiang hna le Tuufa hmaiah, mei chung le kat chungah, hrem an si lai.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

BIAPHUAN 2:11

“Hna nan ngeih ahcun, Thlarau nih Khrihfabu hna sinah a chimmi bia kha ngai ko u! “Teitu a simi cu thih hnihnak nih harnak a pe kho hna lai lo,” a ti.

BIAPHUAN 2:2

Na tuahmi kha ka hngalh ko; zeitluk in dah naa zuam le zeitluk in dah lungsau in na um kha ka hngalh. Mi ṭhalo na in khawh hna lo kha ka hngalh i lamkaltu an si na loin lamkaltu kan si aa timi hna na hneksak hna le milip an si na hliah khawh kha ka hngalh.

BIAPHUAN 21:27

Sihmanhsehlaw a thurhnawmmi cu khi khua chungah ahohmanh an lut kho lai lo; ningzah awk thil a tuahmi hna le lih a chimmi hna zong ahohmanh an lut kho lai lo. Tuufa nunnak cauk chung i an min aa ṭialmi lawnglawng cu khuapi chungah cun an lut kho lai.

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.

BIAPHUAN 9:17

Cun langhnak ka hmuhmi ah cun rangtum hna le an cung i aa citmi cu ka hmuh hna: an ṭangphaw cu mei bantukin a sen, safaiar lungvar bantukin a dum i kat bantukin a eng. Rangtum cu an lu chiandeih lu bantuk an si i an kaa chungin mei le meikhu le kat kha an chuak.

BIAPHUAN 9:21

Cun an lainawn le an pumsa camh le an pumsa sualnak le an fir zong kha an i ngaihchih hlei fawn lo.

BIACEIHTU 7:3

Cucaah mizapi hnatheih ah, ‘A thin a phangmi le a tha a thermi paoh inn ah kir hna seh,’ tiah va thanh tuah,” tiah a ti. Cun Gideon nih a hneksak hna; sang hnih le thong hnih an kir i sang khat an tang.