BIAPHUAN 21:27 - Lai (Hakha) Common Language Bible 2006

²⁷ Sihmanhsehlaw a thurhnawmmi cu khi khua chungah ahohmanh an lut kho lai lo; ningzah awk thil a tuahmi hna le lih a chimmi hna zong ahohmanh an lut kho lai lo. Tuufa nunnak cauk chung i an min aa ṭialmi lawnglawng cu khuapi chungah cun an lut kho lai.

Laibaibal Thiang (BSI)

²⁷ Asinain cuka ah cun a thurhnawmmi zeihmanh a lut lai lo, fihnungmi thil chuahtertu le lihchimmi zong an lut lai lo, Tuufano Nunnâk Cauk i min ṭialmi lawng an lut lai.

BIAPHUAN 21:27 ပူးပေါင်းရင်းမြစ်များ

SALM 101:8

Ni khat hnu ni khat in miṭhalo cu ka daihter hna lai i Ṭhat lonak a tuahtu vialte cu Bawipa khuapi chungin ka dawi dih hna lai.

EXODUS 32:32

Asinain an sualnak cu ngaithiam ko sawh hna. Cun na ngaihthiam khawh hna lo a si le nangmah nih na ṭialmi cauk chung khan keimah ka min tu kha hlo ko,” a ti.

ISAIAH 35:8

Cuka ah cun lam nganpi pakhat a um lai i a min ah “Thiannak Lam” ti a si lai. Hi lam cu misual mi nih an zul lai lo i hi lam a zulmi cu mihrut nih an pialter kho hna lai lo.

ISAIAH 52:1

Jerusalem, ṭhawng law ngan ṭhan tuah! Pathian khua thiang, sunparnak in i thuam tuah! Cuarpar tan lomi cu na kutka chungin ahohmanh an lut ti lai lo.

ISAIAH 60:21

Na mi nih an dihlak in ahmaanmi thil kha an tuah lai i ram kha zungzal in an co lai. Ka lianhngannak kha mi vialte sin i langhter awkah annih cu ka phun hna i ka ser hna.

EZEKIEL 44:9

Mah hihi Bawipa Pathian bia an si: Ramdangmi ahohmanh, lungthin in siseh, pum in siseh, cuarpar tan lo a simi cu ka hmunthiang chungah an lut kho lai lo, Israel mi lak i a ummi hmanh ramdangmi cu ahohmanh an lut kho lai lo.

JOEL 3:17

“Khi tikah Israel, nangmah nih keimah cu Bawipa Pathian ka si kha na hngalh lai i A thiangmi ka tlang Zion i ka um kha na hngalh fawn lai. Jerusalem cu khua thiang a si lai i Ramdangmi nih an tei bal ti lai lo.

LEVITIKAS 13:46

Cu zawtnak a ngeih chung cu thianglo a si lai; amah cu thianglo a si ko; riahhmun lengah amah lawngin a um lai.

ZEKHARIAH 14:21

Jerusalem le Judah ram chung i a ummi um vialte cu ralkapbu Bawipa caah an thiang dih lai i raithawitu vialte kha an ra lai i tlawmpal kha an lak hna lai i an chungah sa kha an chuan hna lai. Cucaah cu caan a phak tikah cun, ralkapbu Bawipa inn chungah khan chawlet-chawhrawl pakhat hmanh hmuh an si ti lai lo.

NAMBAR 12:15

Cu bangin Miriam cu riahhmun lengah ni sarih chuah a si i mi cu Miriam luh a si ṭhan hlantiang cu i thawh loin an um.

NAMBAR 5:3

pa siseh nu siseh na chuah hna lai, riahhmun lengah na chuah hna lai, zeitintiah a laifang i ka umnak an riahhmun cu an thurhhnawmh nakhnga lo,” tiah a ti.

MATTHAI 13:41

Mi Fapa nih hin vancungmi kha a thlah hna lai i a Pennak chung i ṭhat lonak a tuahtu vialte hna le mi a sualtertu vialte hna kha an pumh hna lai i

MARKA 7:2

A zultu cheukhat cu kut ṭawl loin rawl an ei kha an hmuh hna — a sullam cu Farasi mi hna nih cuticun nan kut nan i ṭawl awk a si, an tining in an i ṭawl lo tinak a si.

LUKA 10:20

sihmanhsehlaw thlarau ṭhalo nih nan nawl an in ngaih hna caah khan i lawm hlah u, vancung i nan min ṭial a si ca tu ah khan i lawm tuah u,” a ti hna.

EFESA 5:5

Hihi fiang tein i theih u: nu le pa sualnak a tuahmi le dawhcah loin khua a sami le a hak a kaumi cu Khrih Pennak chung le Pathian Pennak chungah covo zeihmanh an ngei lai lo (hakkauh hi siasal biak phun khat a si).

FILIPI 4:3

Cun ka ṭuanhawi, nangmah zong, kha nu hna kha rak bawm hna ti kan duh. Zeicahtiah Klement le ka ṭuanhawi dang vialte, nunnak cauk chungah an min aa ṭialmi vialte he, Thawngṭha karhter kha fak piin an ka bawmh.

1TIMOTE 1:10

nu le pa sualnak a tuahmi hna le nu le pa kong ah ningcanglo in khua a sami hna le minung fir a hmangmi hna le lihchim a hmangmi hna le tehte dinglo a simi hna le cawnpiaknak ahmaanmi he aa tlak lomi thil a tuahmi hna ca tu ah khan tuah a si.

HEBRU 12:14

Midang he rem i zuam u law nunnak thiang in nun i zuam u, zeicahtiah nunnak thiang ngeih loin ahohmanh nih Pathian cu an hmu kho lai lo.

2 PETER 3:13

Sihmanhsehlaw kannih cu Pathian nih a kan kamhmi van thar le vawlei thar, dinnak a umnak inn kha kan hngak.

BIAPHUAN 13:8

Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si.

BIAPHUAN 20:12

Cun mithi mi kha, a ngan he a hme he, bawiṭhutdan hmai i an ṭhut kha ka hmuh. Cauk kha an kau hna, cun cauk a dang pakhat, nunnak cauk zong kha an kau ve. Mithi cu an rak tuahmi cauk chung i aa ṭialning khan an bia an ceih hna.

BIAPHUAN 20:15

Nunnak cauk chungah an min aa ṭial lomi paoh cu mei tili chungah cun an paih hna.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

BIAPHUAN 3:5

Teitu a simi hna cu hi bantukin puan rang an i aih lai i a nungmi hna cauk chung khan an min cu ka hlo lai lo. Ka Pa le a vancungmi hna hmaiah langhngan in, hi hna cu ka mi an si, ka ti lai.