BIAPHUAN 21:19 - Lai (Hakha) Common Language Bible 2006

¹⁹ Khua kulhnak vampang hram cu lung man sung a phunphun in an ṭamh. A tang nung bik lung cu jasper lungvar a si, a pahnihnak cu safaiar lungvar a si, a pathumnak cu agate lungvar a si, a palinak cu emeral lungvar a si,

Laibaibal Thiang (BSI)

¹⁹ Khualipi vampang hrambunhnâk hna cu a sunglawimi lungvar a phunphun in ṭamhmi an si, hrambunh pakhatnâk cu jasper a si, pahnihnâk cu sapphire a si, pathumnâk cu chalcedony a si i palinâk cu emerald a si,

BIAPHUAN 21:19 ပူးပေါင်းရင်းမြစ်များ

PHUNGTHLÛKBIA 3:15

Fimnak cu rubi lungvar man sungmi nakin a sung deuh, na hlawn vialte ah amah tluk zeihmanh an um lo.

EZEKIEL 28:13

Pathian dum Eden dum chungah khan na rak um i Lungvar a phunphun in naa ṭamh: Naa ṭamhnak lungvar hna cu sardin le khrisolaih le lunghring le topaz le karnelian le jasper a hringmi le lapis lazuli le safaiar le karbankal le emeral an si. A ring cherhmarhmi na ṭhi cu sui an si i Naa menhmi na hniar hna cu hrin na si ni i an in serpiakmi kha an si.

BIAPHUAN 21:11

Cu khua cu Pathian sunparnak in a cer. Khualipi cu lung man sung, jasper lungvar bantukin a tleu i thlalang bantukin a fiim.

BIAPHUAN 4:3

A hmai cu jasper lungvar le karnelian lungvar bantukin a tleu i bawiṭhutdan velchum ah cun emeral lungvar mui a kengmi chuncha kha, aa zel.