BIAPHUAN 21:11 - Lai (Hakha) Common Language Bible 2006

¹¹ Cu khua cu Pathian sunparnak in a cer. Khualipi cu lung man sung, jasper lungvar bantukin a tleu i thlalang bantukin a fiim.

Laibaibal Thiang (BSI)

¹¹ Pathian sunparnâk a ngeimi, a ceuning cu a sunglawi bik lungvar bantuk, jasper le crytal lungvar bantuk a si.

BIAPHUAN 21:11 ပူးပေါင်းရင်းမြစ်များ

JOB 28:17

Sui le thlalang nih an tluk kho lo i Sui thiang hlawn zong nih a thleng kho lo.

ISAIAH 4:5

Cun Zion Tlang cung le khika i aa pummi vialte hna cungah Bawipa nih chun ah minmei a zamter lai i zan ah meikhu le a ceumi meizik kha a umter lai. Pathian sunparnak nih khua cu a pumpi in a khuh lai i a hum a zual lai.

EZEKIEL 1:22

Thilnung hna lu cungah cun cungkhuh bantuk hi a um i thlalang bantukin a tleu i an lu cungah cun aa samh.

EZEKIEL 1:26

Cun an lu cung i a ummi cungkhuh cungah cun bawiṭhutdan bantuk, safaiar lungvar, bawiṭhutdan a lomi kha a um i cu cungah cun minung pumruang a lomi pakhat a ṭhu.

EZEKIEL 28:16

Na chawlehnak kha a ngan tuk cang i phung zulh duh lonak kha na lung chungah a khat i a pingah na kal, Cucaah ningzahnak in Pathian tlang cung khan kan ṭhumh i Nangmah cawngtu cherub nih khan an dawi i, Mei bantukin sen himhiam in a linmi lunglak khan an ṭhawl.

EZEKIEL 43:2

i Israel Pathian sunparnak cu nichuahlei in a rat kha ka hmuh. A aw cu ti thawng nganpi bantuk a si i vawlei cu a sunparnak cun a ceu.

EZEKIEL 48:35

Khuapi velchum cu dong sang khat le thong riat a si lai i cu caan thawk in khuapi cu a min ah Bawipa Umnak Hmun ti a si lai.

BIAPHUAN 15:8

Biakinn cu Pathian sunparnak le lianhngannak meikhu in a khat i vancungmi pasarih nih hremnak pasarih an tlunpimi a dih hlantiang ahohmanh biakinn chungah cun an lut kho lo.

BIAPHUAN 22:1

Vancungmi nih cun nunnak tiva zong a ka hmuhsak, cu tiva cu Pathian le Tuufa bawiṭhutdan hram in khuapi laifang ah a rung luangmi a si i thlalang bantukin a fiim.

BIAPHUAN 22:5

Zan a um ti lai lo i meiinn siseh, ni ceunak siseh, an herh ti lai lo, zeicahtiah Bawipa Pathian cu an ceunak a si lai i annih cu siangpahrang bantukin uktu zungzal in zungzal tiang an si lai.

BIAPHUAN 4:3

A hmai cu jasper lungvar le karnelian lungvar bantukin a tleu i bawiṭhutdan velchum ah cun emeral lungvar mui a kengmi chuncha kha, aa zel.

BIAPHUAN 4:6

Bawiṭhutdan hmaiah cun thlalang fim bantuk a simi rili a um. Bawiṭhutdan cu a hnulei, a hmailei le a sirlei veve in saram nung pali nih an kulh i cu saram hna cu hmailei he hnulei he mit in an khat.