BIAPHUAN 2:26 - Lai (Hakha) Common Language Bible 2006

^26-28 Teitu a simi hna le tuah hna seh ti ka duhmi a dongh tiangin a tuahmi hna cu, ka Pa sinin ka hmuhmi nawl ngeihnak kha annih zong ka pek ve hna lai. Miphun dang uknak nawl kha ka pek hna lai i annih cu thirfung in uknak nawl le tlak-um bangin khuainak nawl kha ka pek hna lai. Cun deirel arfi zong kha ka pek hna lai.

Laibaibal Thiang (BSI)

²⁶ Cun teitu le a dongh tiang ka rian a pehzulhtu sinah miphun hna cung i ṭhawnnâk ka pêk lai i

BIAPHUAN 2:26 ပူးပေါင်းရင်းမြစ်များ

SALM 2:8

Ka hal law, miphun vialte hi nangmah kan pek dih lai; vawlei hi a dihlak in nangmah ta a si lai.

SALM 2:9

Thirfung in na uk hna lai i tlak um bangin na khuai dih hna lai,” a ti.

SALM 49:14

Tuu bantukin a thi dingin ruah an si cang i an tuukhal cu thihnak a si lai. Miding mi nih khan zinglei ah an tei hna lai i mithi hna ram ah an pum cu a thu a man lai, cuka cu an inn in aa hlatmi hmun a si lai.

DANIEL 7:18

Sihmanhsehlaw Cung Nung Bik mithiang hna nih cun siangpahrang ṭhawnnak kha an hmuh lai i zungzal in an i ngeih lan lai,” tiah a ti.

DANIEL 7:22

Cun zungzal in a nungmi nih cun biakhiahnak kha Cung Nung Bik mithiang hna ca i a ṭha lei in a tuah i mithiang mi hna nih cun siangpahrang ṭhawnnak an hun hmuh caan kha a hung phan.

DANIEL 7:27

Siangpahrang sinak siseh, bawi sinak siseh, vanrang tang i a ummi pennak hna lianngannak vialte cu siangpahrang ṭhawnnak an ngeihmi cu zungzal hmunmi ṭhawnnak a si lai i peng kip le ram kip nih an rian an ṭuanpiak hna lai i an nawl an ngaih hna lai,” a ti.

MATTHAI 10:22

Mi kip nih nannih cu keimah ruangah an in huat hna lai, sihmanhsehlaw a dongh tiangin aa tlaih pengmi cu khamhnak nan hmu lai.

MATTHAI 19:28

Jesuh nih cun, “Chan Thar chungah Mi Fapa hi ka bawi ṭhutdan cung i ka ṭhut tikah nannih a ka zultu hleihnih hna zong hi Israel mi phun hleihnih kha an biaceihpiak awkah bawi ṭhutdan cungah nan ṭhu ve lai.

MATTHAI 24:13

Sihmanhsehlaw a dongh tiangin a fekmi cu khamh an si lai.

JOHAN 6:29

Jesuh nih cun a leh hna i, “Pathian nih tuah hna seh ti an duhmi hna rian cu hihi a si: a thlahmi zumh hi,” tiah a ti hna.

ROM 2:7

Micheu nih thil ṭha kha an tuah lengmang i sunparnak le upatnak le zungzal nunnak kha an kawl; cu hna cu Pathian nih zungzal nunnak kha a pek ko hna lai.

ROM 8:37

Zeihmanh nih an kan ṭhen kho lai lo, hi thil vialte hna chung hin a kan dawtu thawngin kannih cu teitu hna nakin teitu kan si deuh.

1THESALON 3:5

Cucaah Timote cu nan sinah ka hun thlah. Um sawhsawh cu ka ing kho ti lo i nan zumhnak zeidah a lawh hnga ti hngalh duh ah amah cu ka ratter. Khuachia nih an tukforh hna zong a si kho ko i kan rian ṭuanmi kha pakpalawng ah a cang dih sual lai ti zong ka phang.

HEBRU 3:6

Sihmanhsehlaw Khrih zumh awk tlak a sining cu, Pathian inn a zohkhenhtu Fapa ningin a si. Cu inn cu kanmah hi kan si i cu kan simi cu kan i ruahchanmi kha fek te le ṭih lo tein kan i tlaih peng lawngah kan si zungzal lai.

JEIM 2:20

Maw mihrut hna, tuahnak um loin zumhnak cu san a tlai lo ti kha in hmuhsak hna ning law maw nan duh?

1JOHAN 2:19

Hi hna hi kan bu chungmi ngaingai an rak si bal lo, cucaah an kan chuahtaknak cu a si; kan bu chung mi ngaingai kha rak si hna seh law cu, kan sinah hin an um peng ko hnga. Annih cu pakhat hmanh kan bu chung mi ngaingai an rak si lo ti kha a fian nakhnga annih nih khan an kan chuahtak.

1JOHAN 3:23

Cun nawl a kan pekmi cu: A Fapa Jesuh Khrih min zumh le Khrih nih nawl a kan pek bantukin pakhat le pakhat i dawt hi a si.

1JOHAN 5:5

Vawlei cu ahodah a tei kho? Jesuh cu Pathian Fapa a si tiah a zummi lawng nih an tei khawh.

BIAPHUAN 2:11

“Hna nan ngeih ahcun, Thlarau nih Khrihfabu hna sinah a chimmi bia kha ngai ko u! “Teitu a simi cu thih hnihnak nih harnak a pe kho hna lai lo,” a ti.

BIAPHUAN 2:17

“Hna nan ngeih ahcun Thlarau nih Khrihfabu sinah a chimmi bia cu ngai tuah u. “Teitu a simi hna cu thuhmi manna changreu kha tlawmpal in ka pek hna lai. Cun lung rang zong pakhat cio in ka pek hna lai i cu lung cungah cun a cotu cio lawng nih a sullam an hngalhmi min thar kha an i ṭial cio,” tiah a ti.

BIAPHUAN 2:7

“Hna nan ngeih ahcun, Thlarau nih Khrihfabu hna sinah a chimmi bia cu ngai ko u! Teitu a simi cu, Pathian Dum chung i a ummi nunnak thingkung theitlai einak nawl kha ka pek hna lai,” a ti.

BIAPHUAN 20:4

Cun bawiṭhutdan hna le a cung i a ṭhumi hna kha ka hmuh hna; annih cu biaceihnak nawl kha pek an si. Jesuh nih a phuanmi biatak le Pathian bia an chim ruangah thahnak a ingmi thlarau hna zong kha ka hmuh hna. Sahrang kha an bia lo, a milem zong an bia lo, an cal le an ban zongah sahrang hmelchunhnak kha an ngei lo. An hung nung i Khrih he cun siangpahrang bantukin kum thong khat chung uktu bawi an si.

BIAPHUAN 21:7

Teitu a simi paoh nih hihi ka sinin an hmuh lai: Keimah cu an Pathian ka si lai i annih cu ka fa an si lai.

BIAPHUAN 22:5

Zan a um ti lai lo i meiinn siseh, ni ceunak siseh, an herh ti lai lo, zeicahtiah Bawipa Pathian cu an ceunak a si lai i annih cu siangpahrang bantukin uktu zungzal in zungzal tiang an si lai.

BIAPHUAN 3:12

Teitu a simi cu ka Pathian biaknak inn chungah khan tungpi ah ka ser lai i cu biakinn cu zeitikhmanh ah a chuahtak lai lo. Amah cungah cun ka Pathian min kha ka ṭial lai i ka Pathian khualipi, a min Jerusalem thar a simi zong kha a cungah cun ka ṭial lai. Cu khualipi cu ka Pathian sinin vancung khin a rung ṭum lai. Cun a cungah cun ka min thar zong ka ṭial fawn lai.

BIAPHUAN 3:21

Keimah kha teitu ka si i ka Pa pawngah a bawiṭhutdan cungah ka ṭhut bantuk hin, teitu a simi cu ka bawiṭhutdan cung i ka pawngah ṭhutnak nawl kha ka pek hna lai.

BIAPHUAN 3:5

Teitu a simi hna cu hi bantukin puan rang an i aih lai i a nungmi hna cauk chung khan an min cu ka hlo lai lo. Ka Pa le a vancungmi hna hmaiah langhngan in, hi hna cu ka mi an si, ka ti lai.