BIAPHUAN 2:25 - Lai (Hakha) Common Language Bible 2006

²⁵ Sihmanhsehlaw atu i nan ngeihmi kha ka rat tiang fek tein rak i tlaih ko u.

Laibaibal Thiang (BSI)

²⁵ Asinain nan ngeihcia kha fek tein ka rat hlantiang i tlaih u;

BIAPHUAN 2:25 ပူးပေါင်းရင်းမြစ်များ

JOHAN 14:3

Cun ka va kal lai i nan ca i ka va timh dih hnuah ka ra kir ṭhan lai i ka sinah kan lak hna lai, cun ka umnak ah nannih zong nan um ve lai.

LAMKALTU 11:28

an lak i pakhat a min Agabas an timi kha a dir i vawleicung dihlak ah mangṭam a fak ngaimi a tlung lai, tiah Thlarau ṭhawnnak thawngin, a rak chimchung. (Cu mangṭam cu Klaudias siangpahrang a si lioah khan a tlung).

ROM 12:9

Kan i dawtnak hi lungthin taktak in si awk a si. Thil ṭhalo kha hua hna u law thil ṭha kha i tlaih peng hna u.

1 KORIN 11:26

Cucaah hi chang nan ei i hi hrai nan din fate, Bawipa a rat hlantiang a thihnak kong kha nan chim a si.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

1THESALON 5:21

Zeizong vialte kha hneksak dih hna u: a ṭhami kha i chiah u law

HEBRU 10:23

Bia a kan kamhtu Pathian cu zumh awk tlak a si bantukin kan i ruahchanmi cu fek tein i tlaih peng ko u sih.

HEBRU 3:6

Sihmanhsehlaw Khrih zumh awk tlak a sining cu, Pathian inn a zohkhenhtu Fapa ningin a si. Cu inn cu kanmah hi kan si i cu kan simi cu kan i ruahchanmi kha fek te le ṭih lo tein kan i tlaih peng lawngah kan si zungzal lai.

HEBRU 4:14

Cucaah kan zumhnak hi fek tein i tlaih ko u sih. Pathian umnak hrimhrim ah a hung lutmi Tlangbawi Ngan kan ngei i amah cu Pathian Fapa Jesuh kha a si.

2 PETER 3:10

Sihmanhsehlaw Bawipa Ni cu ruah lopi ah mifir bantukin a ra lai. Cu Ni ah cun van cu awn cukmak in an lo lai i vancung arfi, nika le thlapa hna cu an kang lai i an rawk dih lai. Vawlei cu a cung i a ummi thil vialte he an lo dih lai.

BIAPHUAN 1:7

Zohhmanh u, khuadawm sin khin a ra lio! Mi kip nih an hmuh lai, a rak chuntu hna zong nih khan an hmuh lai. Cun vawlei cung mi vialte cu a cung i an rak tuahmi kha i ngaichih in an ṭap lai. Cu ti hrimhrim cun a si lai! Amen.

BIAPHUAN 22:20

Hi thil vialte hi ahmaan dih tiah tehte a khaangtu nih, “Tuan ah ka ra hrimhrim lai,” a ti. Cu bantuk cun si ko seh. Bawipa Jesuh, ra ko cang!

BIAPHUAN 22:7

Cun Jesuh nih, “Ngai hmanh, ka ra zau lai. Hi cauk chung i aa ṭialmi profet bia a zulmi cu lunglawmmi an si,” a ti.

BIAPHUAN 3:11

Ka ra zau lai. Na ngeihmi kha ṭha tein i chiah, teinak laksawng na hmuh ding cu ahohmanh nih in chut hna hlah seh.

BIAPHUAN 3:3

Cucaah cun zeidah an in cawnpiakmi kha a si ti le zeitindah na rak theih ti kha philh hlah, cucu zul law na sualnak kha mertak hna. Naa hlauh lo ahcun mifir bantukin kaan rathnawh lai i ka rat caan kha a hngalh hmanh na hngal lai lo.