BIAPHUAN 2:23 - Lai (Hakha) Common Language Bible 2006

²³ Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.

Laibaibal Thiang (BSI)

²³ A fale zong thihnâk in ka thah hna lai, cun kawhhran vialte nih ruahnâk le lungthin zohtu ka si hi an hngalh lai. Nannih zong nan tuahning cio in mikip sinah kan pêk hna lai.

BIAPHUAN 2:23 ပူးပေါင်းရင်းမြစ်များ

1 CHANRELNAK 17:18

Cun na sal upatnak pek awk caah hin David nih zeidah chim awk ka ngeih ti? Zeicahtiah na sal cu nangmah nih na hngalh ko.

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

1 CHANRELNAK 29:17

Ka Pathian, nangmah nih lung kha na hneksak i dinnak kha na duhmi a si ti kha ka hngalh; ka lung dinnak in hi thil vialte hi lungtho tein kan pekchanh i atu cu hika i a ummi na mi hna nih lungthote le lunglawm tein an in pekchanh kha ka hmuh cang.

2 CHANRELNAK 6:30

khi tikah nang nih na umnak van khin rak theihpiak hna law, ngaithiam hna law, an zulhmi lam vialte ning cio ah an lungthin nangmah nih na hngalh komi hna cu pe ko hna, zeitintiah nangmah lawnglawng nih minung fa hna an lung cu na hngalh;

JOB 24:23

Pathian nih him tein khua a sakter ko hna, Sihmanhsehlaw ṭha tein a ngiat zungzal hna.

SALM 139:1

Bawipa, na ka kawl dih hirhiar i na ka hngalh dih cikcek!

SALM 26:2

Ka hneksak law ka hlathlai cikcek tuah, Maw Bawipa, ka lung duhnak le ruahnak hi zoh tuah hna.

SALM 44:21

nangmah nih na hmuh ṭheoṭheo hnga, zeicahtiah minung lungthin chung biathli cu na hngalh dih.

SALM 62:12

a ti kha voi khat nak tam ka theih. Bawipa, nangmah hrimhrim nih mi cu, an rianṭuanning in na lehrulh ko hna.

SALM 7:9

Miṭhalo hna ṭhat lonak cu kham law miṭha cu laksawng in lehrul ko hna. Nang cu a dingmi Pathian na si i minung lungthin le duhnak vialte a hngal dihtu na si.

JEREMIAH 11:20

Maw Ralkapbu Bawipa, ding tein bia a ceih i Minung lungchung le ruahnak a hneksak dihtu, Ka cung bia hi nangmah kan pek, Phu na hlam hnanak cu ka hmuhter ko.

JEREMIAH 17:10

Bawipa nih minung ruahnak cu ka dah dih i an lungthin cu ka zet dih, An tuahnak nih a phut ningin le an ziaza ning cio in ka cham hna.

JEREMIAH 20:12

Maw Ralkapbu Bawipa, nang cu mi kha ding tein a hneksak i lungthin le ruahnak a hmu dihtu na si, Ka cung thil hi nangmah cungah ka chuan cang caah An cung i phu na hlammi cu ka hmuhter ko.

ZEFANIAH 1:11

Cun khua taw i a ummi hna cu an ṭap an kiao lai, Zeicahtiah chawlet chawhrawl vialte cu an dih cang i Ngun in chaw aa caw aa zuarhmi vialte hna kha an lo cang, tiah Bawipa nih a ti.

MATTHAI 16:27

Mi Fapa hi ka Pa sunparnak in tuan ah ka vancungmi hna he ka ra lai i mi vialte kha an rian ṭuan ning cio in laksawng ka pek hna lai.

LUKA 16:15

Jesuh nih a thawh hna i, “Nannih hi minung mithmuh i miding aa lawhtermi pawl nan si, sihmanhsehlaw Pathian nih cun nan lungthin cu a hngalh ko. Zeicahtiah minung nih man sung ngai i an ruahmi cu Pathian mithmuh ah cun pakpalawng a si ko.

JOHAN 21:17

Cun Jesuh nih cun, “Johan fapa Simon, na ka daw maw?” tiah a ti ṭhan hoi. Jesuh nih, voi thum tiang, na ka daw maw, tiah a hal caah khan Peter cu a ngaih a chia i, “Bawipa, nangmah nih zeizong vialte na hngalh dih, kan dawt cu na hngalh ko hen cu,” a ti. Jesuh nih cun, “Ka tuu kha zohkhenh hna.

JOHAN 4:16

Jesuh nih, “Va kal law na va va ko, cun hika ah hin ra ṭhan,” tiah a ti.

LAMKALTU 1:24

Cun thla an cam i, “Bawipa, nangmah nih minung lungthin vialte cu na hngalh dih.

ROM 14:12

Cucaah kan dihlak hin Pathian hmaiah kan kong kan i chim cio a herh lai.

ROM 8:27

Thlarau nih cun Pathian cu a mi hna aiawh le amah Pathian duhning khan a nawl caah, minung lungchung a hmutu Pathian nih cun Thlarau ruahnak cu zeidah a si ti kha a hngalh.

2 KORIN 5:10

Kannih cu kan dihlak in Khrih hmaiah kan chuak lai i amah nih bia a kan ceih lai. Kan pum in kan nun chung i a ṭha siseh, a chia siseh kan tuahning cio ah kannih nih kan hmuh lai.

GALATI 6:5

Zeicahtiah kanmah le kan thil cio cu kanmahte nih kan i phorh awk a si.

DEUTERONOMI 13:11

Cun Israel mi vialte nih an theih lai i an ṭih lai i nan lakah cu bantuk ṭhat lonak cu an tuah ṭhan bal ti lai lo.

DEUTERONOMI 17:13

Mi vialte nih an theih lai i an ṭih lai i hramhram in an tuah ṭhan ti lai lo.

DEUTERONOMI 19:20

Cun a taangmi nih an theih lai i an ṭih lai i nannih lakah cu bantuk ṭhat lonak cu zeitikhmanh ah an tuah ti lai lo.

DEUTERONOMI 21:21

Khi tikah khuachung pa vialte nih lung in thi lakin an cheh lai; cuticun ṭhat lonak cu nan lakin nan thianh lai i Israel mi vialte nih an theih lai i an ṭih lai.

HEBRU 4:13

Pathian sinin thuh khawhmi thil zeihmanh a um lo. Sermi thil vialte hi an dihlak in a hmaika ah an lang dih hirhiar i amah sinah cun kan kong cu kan i chim cio lai.

1 PETER 1:17

Pathian sin i thla nan cam tikah, amah cu kan Pa tiah nan kawh; amah nih cun mi vialte kha an tuahning cio ah duhdanh zeihmanh um loin bia a ceih hna. Cu Pathian cu a sin i thla nan cam tikah, kan Pa, tiin nan kawh ṭung ahcun, hi vawleicung nan nun lioah hin amah upat bu tein nan um awk a si.

BIAPHUAN 2:11

“Hna nan ngeih ahcun, Thlarau nih Khrihfabu hna sinah a chimmi bia kha ngai ko u! “Teitu a simi cu thih hnihnak nih harnak a pe kho hna lai lo,” a ti.

BIAPHUAN 2:7

“Hna nan ngeih ahcun, Thlarau nih Khrihfabu hna sinah a chimmi bia cu ngai ko u! Teitu a simi cu, Pathian Dum chung i a ummi nunnak thingkung theitlai einak nawl kha ka pek hna lai,” a ti.

BIAPHUAN 20:12

Cun mithi mi kha, a ngan he a hme he, bawiṭhutdan hmai i an ṭhut kha ka hmuh. Cauk kha an kau hna, cun cauk a dang pakhat, nunnak cauk zong kha an kau ve. Mithi cu an rak tuahmi cauk chung i aa ṭialning khan an bia an ceih hna.

BIAPHUAN 20:13

Cun rili nih a chung i a thimi kha a hun chuah hna. Thihnak le mithi khua zong nih khan, an hrenmi mithi kha an hun chuah ve hna. An dihlak in an tuahning cio khan an bia an ceih hna.

BIAPHUAN 22:12

Jesuh nih cun, “Ngaihmanh, ka ra zau lai. Mi kip an rianṭuanning cio ah pek awkah ka laksawng cu ka rak i put lai.

BIAPHUAN 6:8

Ka hun zoh i rangrau diapduap pakhat ka hmuh. A cung i aa citmi cu a min ah Thihnak a si i Hell nih a hnulei in a zulh. Vawlei cung cheu li cheu khat uknak nawl kha pek an si i ral in siseh, mangṭam in siseh, rai in siseh, sahrang in siseh, mi thah khawhnak nawl kha pek an si.

1 SAMUEL 16:7

Sihmanhsehlaw Bawipa nih Samuel sinah cun, “A muisam in siseh, a pumrua in siseh, zoh hlah, zeicahtiah amah cu ka hlawt cang; zeitintiah Bawipa nih cun mi i an zohning in a zoh lo; mi nih cun lenglei langhning kha an zoh, sihmanhsehlaw Bawipa nih cun lungthin kha a zoh,” tiah a ti.