BIAPHUAN 2:17 - Lai (Hakha) Common Language Bible 2006

¹⁷ “Hna nan ngeih ahcun Thlarau nih Khrihfabu sinah a chimmi bia cu ngai tuah u. “Teitu a simi hna cu thuhmi manna changreu kha tlawmpal in ka pek hna lai. Cun lung rang zong pakhat cio in ka pek hna lai i cu lung cungah cun a cotu cio lawng nih a sullam an hngalhmi min thar kha an i ṭial cio,” tiah a ti.

Laibaibal Thiang (BSI)

¹⁷ Thlarau nih kawhhran hna sin i a chimmi hi hna a ngeimi nih thei ko seh. A teitu hna cu thuhmi mana cheukhat ei awk ka pêk hna lai. Cun min thar â ṭialnâk lungvar, a cotu dah tilo ahohmanh nih an hngalh lomi kha ka pêk lai,” tiah a ti.

BIAPHUAN 2:17 ပူးပေါင်းရင်းမြစ်များ

SALM 25:14

Bawipa cu a nawl a zulmi hna hawikom a si i a biakam kha a cawnpiak hna.

SALM 36:8

Na inn in a chuakmi rawl kha duhdim tein an ei i na ṭhatnak tiva chung khan ti na pek hna.

EXODUS 16:33

Moses nih Aaron kha a thawh i, “Um pakhat in i lak law a chungah manna kha khiat khat in chia, cun na tefa hna hmuh awkah Bawipa hmaiah khan cu um cu na chiah lai,” a ti.

PHUNGTHLÛKBIA 14:10

Na lunglawmhnak cu nangmah tate a si, na ngaihchiatnak zong nangmah tate a si, Ahohmanh na hrawm kho hna lai lo.

PHUNGTHLÛKBIA 3:32

Zeicahtiah mi lungthin ṭhalo cu Bawipa caah fihnung an si i miding mi cu Pathian nih a zumhmi an si.

ISAIAH 56:4

Zeicahtiah Bawipa nih annih cu a thawh hna i, “Sabbath ulhnak le keimah duhmi tuahnak in nan ka upat i ka biakamnak kha zumh awk tlak tein nan zulh ahcun,

ISAIAH 56:5

nan min cu ka Biakinn chungah le ka mi hna lakah, fapa fanu nan ngeih i nan min cinken a si nak hmanh khin, sau deuh cinken a si lai. Zeitikhmanh ah kan philh hna lai lo,” a ti.

ISAIAH 62:2

Jerusalem, miphun hna nih, teitu na si kha an hmuh lai! An siangpahrang vialte nih na sunparnak kha an hmuh lai. Min thar in auh na si lai i cu min cu Bawipa hrimhrim nih an pek lai.

ISAIAH 65:13

Cucaah keimah a ka bia i ka nawl a zulmi cu ei awk le din awk tampi an ngei lai nain nannih cu nan rawl a ṭam lai i nan ti a hal lai. Annih cu an lung aa lawm lai, sihmanhsehlaw nannih cu ningzahnak nan hmu lai.

ISAIAH 65:15

Ka thimmi ka mi hna nih cun nan min cu chiatserhnak ah an hman lai. Bawipa nih kan thah hna lai. Sihmanhsehlaw ka nawl a zulmi cu min thar ka pek hna lai.

MATTHAI 13:11

Annih cu a leh hna i, “Vancung Pennak kong biathli hngalhnak cu nannih cu pek nan si cang, sihmanhsehlaw hi hna cu pek an si lo.

MARKA 7:16

Cucaah theihnak hna nan ngeih ahcun thei ko u,” tiah a ti hna.

JOHAN 4:32

Sihmanhsehlaw Jesuh nih annih cu, “A konglam zeihmanh nan hngalh lomi ei awk rawl ka ngei,” tiah a leh hna.

1 KORIN 2:14

Sihmanhsehlaw Thlarau a ngei lomi nih cun Pathian Thlarau sinin a rami laksawng cu an hmu kho lo. Fiang in an hngal kho ngaingai hna lo; laksawng a sunning kha thlarau lei lawngin hngalh khawh a si caah annih caah cun pakpalawng men a si ko.

KOLOSE 3:3

Zeicahtiah nan thi cang i nan nunnak cu Khrih he Pathian chungah aa thup.

BIAPHUAN 14:3

Sing khat sang li le thong li hna cu bawiṭhutdan le saram nung pali hna le upa hna lei hoih khan an dir. Vawlei cungin tlanh a simi hna lawng nih an thiam khawhmi hla thar kha an sa.

BIAPHUAN 19:16

A puan le a ke ah, “siangpahrang vialte Siangpahrang le bawi vialte Bawi,” tiin aa ṭial.

BIAPHUAN 2:11

“Hna nan ngeih ahcun, Thlarau nih Khrihfabu hna sinah a chimmi bia kha ngai ko u! “Teitu a simi cu thih hnihnak nih harnak a pe kho hna lai lo,” a ti.

BIAPHUAN 2:7

“Hna nan ngeih ahcun, Thlarau nih Khrihfabu hna sinah a chimmi bia cu ngai ko u! Teitu a simi cu, Pathian Dum chung i a ummi nunnak thingkung theitlai einak nawl kha ka pek hna lai,” a ti.

BIAPHUAN 3:22

“Hna nan ngeih ahcun, Thlarau nih Khrihfabu hna sinah a chimmi bia cu ngai tuah u,” a ti.

BIAPHUAN 3:6

“Hna nan ngeih ahcun, Thlarau nih Khrihfabu hna sinah a chimmi cu ngai tuah u,” a ti.