BIAPHUAN 2:14 - Lai (Hakha) Common Language Bible 2006

¹⁴ Asinain na cungah ka lungtlin lonak tlawmpalte a um: cucu Balaam cawnpiaknak a zulmi nan lakah tlawmpal an um kha a si; Balaam nih cun Balak kha, Israel mi cu siasal pekmi rawl einak thawng le nu le pa sualnak thawngin an sual nakhnga, na cawnpiak hna lai, tiah a cawnpiak.

Laibaibal Thiang (BSI)

¹⁴ Asinain tlawmte ralchanhnâk kan ngei, Balaam cawnpiaknâk pomtu cheukhat nan i umpimi kha a si, anih nih Balak kha Israelmi hna hmaiah tlukrilhnâk chiahpiak in nupa sualnâk tuah ding le milem biaknâk sa ei dingin sualnâk lam a cawnpiak hna.

BIAPHUAN 2:14 ပူးပေါင်းရင်းမြစ်များ

ISAIAH 57:14

Bawipa nih, “Ka mi cu ka sinah kirter hna u. An lam i dawntu a ummi vialte kha ṭhial dih hna u. Lam kha co u law sersiam u.

JEREMIAH 6:21

Cucaah hi mi hna hi an hmaiah i chuih awk lungtum ka chiahpiak hna lai i an i chuih lai i an tlu lai; Pale hna le fale hna le innpa le hawikom hna kha hmun khat ah an thi lai,” tiah Bawipa nih a ti.

EZEKIEL 3:20

Asiloah, miding mi pakhatkhat cu a pial kho ko i palhnak kha a tuah khawh ko, cucu a rilhnak a chuahtertu ka siter ko lai; nangmah nih ralrinnak na pek lo caah a thi lai. A sualnak ruangah a thi lai; dinnak a rak tuahmi kha relpiak a si lai lo i a thih ruangah khan nangmah cu kan mawhchiat lai.

EZEKIEL 44:12

Annih nih an siasal hna hmaiah khan an rian cu an rak ṭuanpiak hna i an ṭhat lonak ruangah Israel cu vawlei ah an rak ṭhumh caah, an ṭhat lonak ca dantatnak cu an in lai, tiin kut hler in chiat ka ser, tiah Bawipa Pathian nih a ti.

NAMBAR 24:14

Zohhmanh, ka miphun sinah ka kal cang lai; ra ve law, mah miphun nih hin na mi hna cungah hi hnu i an tuah hnga ding cu kan hngalhter lai,” tiah a ti.

NAMBAR 31:16

Zohhmanh, hi mi hrimhrim hna hi Balaam fimchimhnak thawng in Peor kongah khan Israel mi cu Bawipa nawl a buartertu an si, cu caah rai kha Bawipa mibu cungah khan a tlung.

NAMBAR 31:8

An thahmi hna lakah Midian mi siangpahrang hna, Evi, Rekem, Zur, Hur, le Reba, zong an i tel; Beor fapa Balaam zong nam in an thah.

MATTHAI 18:7

Vawlei cungah hin cu bantuk tlukrilhnak a um caah a va poi hringhran dah! Cu bantuk cu a um ṭheoṭheo ko lai, sihmanhsehlaw cu bantuk a umtertu caah cun ṭihnung a si hringhran ko.

LAMKALTU 15:29

siasal pekchanhmi rawl kha ei i sum u, thi ei kha i sum u, hngawngdih sa ei i sum u, cun nu le pa sualnak kha i sum u. Hi thil hna tuah hi nan i sum ahcun nan caah a ṭha lai. Dam tein,” tiah an ti.

LAMKALTU 21:25

Jentail mi zumtu i a simi hna kong tu ah cun, kannih nih ca kan kuat cang hna i siasal sinah pekchanh ciami rawl nan ei lai lo, thi nan ei lai lo, hngawngdih sa paohpaoh nan ei lai lo, pumsa sualnak kha nan tuah lai lo tiah kan biakhiahnak a si tiin kan ti cang hna,” tiah an ti.

ROM 11:9

Cun David zong nih: “An puai ah rap ah i foih hna seh law tlu hna seh law dantatnak ing hna seh.

ROM 14:13

Cucaah pakhat le pakhat i soi lengmang kha ngol u sih. Nan unau tlukrilhternak le sualnak chung i tlakternak ding caah zeihmanh tuah lo ding tu kha i zuam u.

ROM 14:21

Cucaah sa ei i sum tehna, zu din i sum tehna, nan unau a tlukrilhtertu a si ding paohpaoh tuah i sum tehna kha ahmaanmi thil a si.

ROM 9:32

Zeicahdah an hmuh lo? Zumhnak kha i bochan loin tuahnak tu kha an i bochan caah a si. Cucaah “rilhnak lung” ah khan a ril i

1 KORIN 1:23

sihmanhsehlaw kannih nih cun vailamtahnak cung i thahmi Khrih kong kha kan chim i cu kong cu Judah mi caah cun tluknak lung a si i Grik mi hna caah cun hruhnak bia a si.

1 KORIN 7:2

Sihmanhsehlaw sualpalhnak a tam tuk hringhran caah hin, pa nih mah nupite i ngeih seh law nu nih mah vate i ngeih seh.

HEBRU 13:4

Ṭhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.

JOSHUA 24:9

Cun Zippor fapa Balak, Moab siangpahrang, cu a tho i nan nih kha an doh hna; cun mi a hei thlah hna i Beor fapa Balaam cu nannih kha chiat serh awkah a sawm.

1 PETER 2:8

Cun Cathiang chung hmun dang pakhat ah, “Hi lung hi mi a rilhtertu lung a si lai, a tluktertu hna lungpi a si lai,” tiin a um fawn. Annih an rilh cu an zumh lo caah a si; cuticun um hna seh ti kha Pathian duhning a si.

2 PETER 2:15

Lam ding kha an pialtak i an tlau cang; Beor fapa Balaam lam kha an zul, Balaam cu ṭhat lonak tuahnak ca i phalhmi tangka a duhmi kha a si i

JUDAS 1:11

An caah ṭihnung a va si dah! Kain lam kha an zul. Tangka an duh ruangah Balaam nih palhnak a rak tuahmi leiah khan an kal ve. Korah nih Moses a rak doh bantuk khan mi doh an duh ve i amah bantuk khan hrawh an si ve.

BIAPHUAN 2:20

Sihmanhsehlaw na cung i ka lungtlin lonak cu hihi a si. Pathian lamkaltu ka si, aa timi Jezebel kha na dawn lo. Amah nih cun ka salle kha a cawnpiak hna i a ping ah a hruai hna i nu le pa sualnak kha an tuah i siasal pekchanhmi rawl kha an ei.

BIAPHUAN 2:4

Sihmanhsehlaw ka lung na si lonak a um: cucu hmasa i na rak ka dawt bantuk khan na ka daw ti lo.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.