BIAPHUAN 2:12 - Lai (Hakha) Common Language Bible 2006

¹² “Pergamum khua i a ummi Khrihfabu vancungmi sinah hitihin va ṭial tuah: “Hi bia hi vainam kap hnih har a ngeimi bia kha a si.

Laibaibal Thiang (BSI)

¹² “Cun Pergamos kawhhran vancungmi sinah hiti hin ṭial, vainam kaphnihhar a ngeimi nih khan hi thil hna hi a chim.

BIAPHUAN 2:12 ပူးပေါင်းရင်းမြစ်များ

ISAIAH 11:4

Sifakmi kha an bia ṭha tein a ceihpiak hna lai i nauta pawl kha a ṭanh hna lai. Amah nawl pekning in ram cu dantat a si lai i mi ṭhalo cu an thi lai.

ISAIAH 49:2

Ka bia cu vainam bantukin a harter, a kut hrimhrim in a ka huhphenh. Cantiang bantuk ah a ka ser i a thalbawm chungah a ka sanh.

HEBRU 4:12

Pathian bia cu a nung i a ṭhawng. Kap hnih har vainam nakin a haar deuh. Hlang lak in a cheu khawh, nunnak le thlarau an i tonnak tiang, hliahcang le thlik an i tonnak tiang a cheu khawh. Minung lungthin duhnak le ruahnak vialte kha a hngalh dih.

BIAPHUAN 1:11

A ka thawh i, “Na hmuhmi kha ṭial law na ṭialnak cauk cu Khrihfabu pasarih kha kua hna: cu Khrihfabu hna cu Efesa khua le Smyrna khua le Pergamum khua le Thiatira khua le Sardis khua le Filadelfia khua le Laodisia khua i a ummi kha an si,” tiah a ti.

BIAPHUAN 1:16

A orhlei kut in arfi pasarih aa put hna i a ka chungin kap hnih in a harmi nam a chuak. A hmai cu chunlai ni ceu bantukin a ceu.

BIAPHUAN 19:15

A har ngaingaimi nam pakhat a kaa chungin a hung chuak i cu nam cun miphun vialte kha a tei dih hna lai. Annih cu thirfung in a uk hna lai i Lianngan Bik Pathian thinhunnak mitsur nennak chung mitsur kha a nen hna lai.

BIAPHUAN 19:21

Rang aa citmi kaa chungin a chuakmi vainam nih an ralkap vialte cu a thah dih hna i an sa cu va vialte nih an i serh.

BIAPHUAN 2:1

“Efesa khua i a ummi Khrihfabu vancungmi sinah hitihin va ṭial tuah: A orhlei kut in arfi pasarih aa put i sui mei vannak pasarih hna lakah aa chawkmi bia cu hihi a si:

BIAPHUAN 2:16

Nan i mer lo ahcun nan sinah ka ra zau lai i ka kaa chungin a chuakmi vainam khan kha mi hna kha ka tuk sual hna lai.

BIACEIHTU 3:16

Cun Ehud nih cun kap hnih har nam, dong khat a saumi cu aa ser i a puan tangah a orhlei phei ah aa thlaih.