BIAPHUAN 19:7 - Lai (Hakha) Common Language Bible 2006

⁷ I lawm u si law i nuam u sih; a lianngannak cu thangṭhat u sih! Zeicahtiah Tuufa nupi ṭhit caan cu a phan cang i a ṭhit laimi ngaknu cu aa tim cang.

Laibaibal Thiang (BSI)

⁷ I lawm in i nuam u sih, Amah cu sunparnâk pe u sih, zeitintiah Tuufano nupi ṭhit cân kha a phân cang, a nupi ding zong â tim cang.”

BIAPHUAN 19:7 ပူးပေါင်းရင်းမြစ်များ

SALM 107:42

Miding mi nih mah hihi an hmuh i an i lawm, sihmanhsehlaw miṭhalo cu cipkhap ti ngam loin an um.

SALM 48:11

Zion mi cu i lawm hna seh! Na biakhiahnak cu ahmaanmi an si, Judah ram chung khua ah lawmhnak um hna seh.

SALM 9:14

Jerusalem khuami hna hmaiah ka dir lai i nangmah kha zei ruangah dah kan thangṭhat ti vialte kha ka chimh hna lai. Nangmah nih na ka chuah caah ka lung aa lawm lai.

PHUNGTHLÛKBIA 29:2

Miding mi hna cu nawl ngeimi an si tikah mi cu an i lawm, Sihmanhsehlaw miṭhalo hna kha uktu an si tikah mi cu an hrum tawn.

SOLOMON HLA 3:11

Khun a torh le a sunlawi ni ah A chinh cang maw sunghno a nu nih sunpar luchin rem dawh hlei, Cuan cio u law Solomon mangbawi cu, A suiluchin rem he in, Zion ngaknu leng rual hna.

ISAIAH 52:1

Jerusalem, ṭhawng law ngan ṭhan tuah! Pathian khua thiang, sunparnak in i thuam tuah! Cuarpar tan lomi cu na kutka chungin ahohmanh an lut ti lai lo.

ISAIAH 62:5

Tlangval nih ngaknu a ṭhit bantukin Nangmah an Sertu nih an ṭhit lai. Tlangval cu a mo cungah aa lawmh bantukin Na Pathian cu na cungah aa lawm lai.

ISAIAH 66:10

Jerusalem a dawmi vialte hna, Jerusalem he cun i lawm ṭi u law amah ruangah cun nan tha nuam tuah u. Hmasa i a rak ṭahtu vialte hna, atu cu amah he cun i lawm tuah u.

ISAIAH 66:14

Hi thil a hung um tikah nan lung aa lawm lai; an ṭhawnter hna lai i nan ngan an damter hna lai. Cucaah Bawipa keimah nih ka nawl a ngaimi cu ka bawmh hna i ka ral cu ka thinhunnak ka chuahhnawh hna ti kha nan hngalh lai,” a ti.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

MATTHAI 1:20

Cu kong a ruah lengmang lioah khan, a mang ah Bawipa vancungmi pakhat kha a sinah a lang i, “David tefa Josef, Mary hi na nupi ca i lak awkah ṭih hlah. Zeicahtiah fa a pawimi hi Thiang Thlarau thawngin a si.

MATTHAI 22:2

“Vancung Pennak cu, a fapa caah nupi ṭhit rawl danghnak a tuahtu siangpahrang he aa lo.

LUKA 12:36

nupi ṭhitnak puai in a ra ṭinmi an bawipa a hngak i a hung phak i innka a hun kingh tikah hmakhatte ah hunpiak awkah timhcia tein a rak ummi a sal hna bantuk khan um u.

JOHAN 3:29

Ṭhitmi ngaknu cu a ṭhitu tlangval ta pei a si cu. Nupi ṭhitu tlangval kawi cu a pawng khan a dir i nupi ṭhitu aw a theih tikah khan a lung aa lawm. Kei ka lunglawmhnak tlinter a sining zong cuticun a si ko.

2 KORIN 11:2

Pathian nih an sian hna lo bantukin kei zong nih kan siang ve hna lo. Nannih cu Khrih he i um dingin ka ham cangmi ngaknu thiang bantuk nan si.

EFESA 5:23

Khrih nih khrihfabu cungah nawl a ngeih bantukin vale zong nih an nupile cungah nawl an ngei ve. Khrih hrimhrim cu khrihfabu Khamhtu a si i khrihfabu cu a pum kha a si.

EFESA 5:32

Hi Cathiang bia nih hin a langhtermi biatak a um i cucu Khrih le khrihfabu kong kha a si tiah ka hngalh.

DEUTERONOMI 32:43

“Maw miphun hna, a mi kha thangṭhat hna u, Zeitintiah a sal hna thisen phu kha a hlam i A ral hna kha phu a hlam hna i A mi hna ram caah sual thianhnak a tuah lai,” tiin au u.

FILIPI 3:3

Cuarpartan taktakmi cu anmah kha si loin, kanmah hi pei kan si cu; Pathian Thlarau thawngin Pathian a bia i Khrih Jesuh he aa pehtlaimi nunnak ah aa lawm i lenglei phunglam aa bochan lomi hi pei kan si cu.

BIAPHUAN 11:13

Cu caan te ah cun lihnin fak ngaingai pakhat a um; khuapi cu cheu hra cheukhat a rawk i minung thong sarih lihnin nih cun a thah hna. A tangmi pawl cu an thin a phang i vancung Pathian a lianhngannak kha an thangṭhat.

BIAPHUAN 19:9

Cun vancungmi nih cun a ka thawh i, “Mah hihi ṭial tuah: Tuufa nupi ṭhitnak puai i sawmmi hna cu milunglawm an va si dah!” a ti. Cun vancungmi nih cun, “Hi bia hi Pathian bia ngaingai an si,” a ti fawn.

BIAPHUAN 21:2

Cun Khua Thiang, Jerusalem thar kha Pathian sinin vancung in a rung ṭum cu ka hmuh, va ngei lai ngaknu nih a va ding ton awkah aa ṭamh bantuk khin aa ṭamh.

BIAPHUAN 21:9

Vancungmi pasarih hna lak i pakhat, hremnak hmanung bik pasarih in a khatmi kanto pasarih aa putmi kha ka sinah a ra i, “Ra hmanh, Tuufa nupi, va ngei lai ngaknu cu kan hmuhsak lai,” a ti.

1 SAMUEL 2:1

Cun Hannah nih thla zong a cam i, “Bawipa cungah ka lung aa lawm; Bawipa thawngin ka thazang cu hlorh a si. Na khamhnak ah khan kaa lawmh caah, Ka ral hna cu ka kaa nih a nihsawh hna.