BIAPHUAN 19:20 - Lai (Hakha) Common Language Bible 2006

²⁰ Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

Laibaibal Thiang (BSI)

²⁰ Cuticun sahrang cu an tlaih, profet deu a mithmuh ah hmelchunhnâk a rak tuahtu le, khuaruahhar thil a tuah khawh ruangah sahrang hmelchunhnâk ngeitu le a lem a biaktertu hna zong a sinah an tlaih chih ve hna. An pahnih in an nungna in mei le kât in a kangmi tili ah an hlawnh hna.

BIAPHUAN 19:20 ပူးပေါင်းရင်းမြစ်များ

GENESIS 19:24

Bawipa nih Sodom le Gomorrah cungah cun kat mei kha a surter i

JOB 18:15

A innchung ah khan zeihmanh a tang ti lo. A umnak ah khan kaat a phulh.

SALM 11:6

Miṭhalo cungah meiṭil le kaat kha a surter; a alhmi mei in dan a tat hna.

ISAIAH 30:33

Assiria siangpahrang khanghnak dingah meiphu nganpi tihnak ding hmun kha hlan piin timh a si cang. Cu meiphu tihnak ding hmun cu thukpi le kau piin cawh a si i a chung khat in thing chiah a si. Cu meiphu duahnak dingah cun Bawipa nih a thaw ah meizik a chuah lai i cu nih cun a alhter lai.

ISAIAH 34:9

Edom ram tiva cu kattaza ah an cang lai i a vawlei cu kat ah a cang lai. Ram cu a ning piin kattaza kangh in a kang lai.

EZEKIEL 24:5

Tuurun chungin a ṭha bikbik kha la hna. A toiah a velchum in thing kha tih hna; Tlok hluahmah in chum law a chung i saruh hna cu cuar hna.

EZEKIEL 38:22

Ral le thisen chuahnak he biaceihnak ah ka chuahpi lai; a cungah khan a tuk ngaingaimi ruahpi ka surter lai i lung tlukin a hakmi rial le mei le kat cu amah le a ralkapbu hna le amah sinah a ummi mi tampi hna cungah khan ka tlakter lai.

DANIEL 11:45

A bawi puan inn cu rili le tlang thiang, tlang vialte lak i aa dawh bikmi karlak ah cun a phun lai, sihmanhsehlaw ahohmanh bawmtu ngei loin a donghnak kha a phan lai.

DANIEL 8:24

A ṭhawnnak cu a ngan ngaingai lai, Sihmanhsehlaw a ṭhawnnak cu amah thazang thawngin a si lai lo. Rawknak tampi kha a tuah lai i thil a tuahmi paoh ah a hlawhtling lai. Miphun nganngan hna le miphun thiang kha a hrawh hna lai.

DANIEL 8:26

Zanlei raithawinak hna kong le zinglei raithawinak hna kong i phuannak na hmuhmi an sullam hi biatak a simi an si; Sihmanhsehlaw langhnak na hmuhmi hi na thuh rih hna lai, Zeicahtiah hi langhnak a vung tlin tik khi cu hmaileipi ah khin a si te lai,” tiah a ti.

MATTHAI 7:15

“Nal profet kha i ralring hna u, nan sin an rat ah cun tuu bantukin an i umter, sihmanhsehlaw an chunglei cu cenghngia hrang an si.

DEUTERONOMI 29:23

cu hremnak cu, ram cu a dihlak in kat le cite, thi lakin khanghmi, zeihmanh tuh lo, zeihmanh corh lo, ram zeihmanh khoh khawh lonak a si, a thinhunnak le a thinlinhnak in Bawipa nih a hrawhmi Sodom le Gomorrah le Admah le Zeboiim rawknak bantuk a si —

JOSHUA 8:23

Sihmanhsehlaw Ai siangpahrang cu a nung in an lak i Joshua sinah an ratpi.

BIAPHUAN 14:10

Pathian zu, a thinhunnak zu, a thinhunnak hrai chung i ti cawh hrimhrim loin thletmi kha an din lai. Cu a dingmi vialte cu vancungmi mithiang hna le Tuufa hmaiah, mei chung le kat chungah, hrem an si lai.

BIAPHUAN 17:12

“Ki pahra na hmuhmi kha siangpahrang pahra, uknak hram aa thawk rih lomi, sihmanhsehlaw sahrang he suimilam pakhat chung uk ṭi dingin nawl pekmi an si.

BIAPHUAN 19:19

Rang cung i aa citmi le a ralkapbu kha doh awkah sahrang le vawlei cung siangpahrang hna cu an i pum.

BIAPHUAN 20:10

Cun annih a hlengtu hna, Khuachia kha, mei le kat tili chungah khan an paih, cuka cu sahrang le nal profet an rak thlaknak hna kha a si; cuka ah cun chunzan in zungzal hrem an si zungzal ko lai.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.

BIAPHUAN 9:17

Cun langhnak ka hmuhmi ah cun rangtum hna le an cung i aa citmi cu ka hmuh hna: an ṭangphaw cu mei bantukin a sen, safaiar lungvar bantukin a dum i kat bantukin a eng. Rangtum cu an lu chiandeih lu bantuk an si i an kaa chungin mei le meikhu le kat kha an chuak.