BIAPHUAN 18:9 - Lai (Hakha) Common Language Bible 2006

⁹ A sualnak le a hornak chungah aa bual vemi vawlei cung siangpahrang hna nih khan a kanghnak meikhu cu an hmuh tikah khuapi cu an ṭah lai.

Laibaibal Thiang (BSI)

⁹ Nupa sualnâk a tuahpitu vawlei siangpahrang hna nih amah khanghnâk meikhu kha an hmuh tikah a zûn ngai in an ṭah lai.

BIAPHUAN 18:9 ပူးပေါင်းရင်းမြစ်များ

GENESIS 19:28

Sodom le Gomorrah le nelrawn cu a vun cuanh hna i, somei nganpi chung i meikhu a chuah hluahmah bantuk khin, vawlei cun meikhu cu a tho.

SALM 58:10

Misual mi nih dantatnak an hmuh kha miding mi nih an hmuh tikah an i lawm lai, miṭhalo mi hna thi cu ti tan bantukin an tan lai.

ISAIAH 13:19

Babilon ram hi ram vialte lakah ram dawh bik a si, a chung i a ummi a mi hna nih an i chor ngaingaimi a si. Sihmanhsehlaw Bawipa nih Sodom le Gomorrah ka rak hrawh bantuk khan ka hrawh ve lai.

ISAIAH 30:33

Assiria siangpahrang khanghnak dingah meiphu nganpi tihnak ding hmun kha hlan piin timh a si cang. Cu meiphu tihnak ding hmun cu thukpi le kau piin cawh a si i a chung khat in thing chiah a si. Cu meiphu duahnak dingah cun Bawipa nih a thaw ah meizik a chuah lai i cu nih cun a alhter lai.

JEREMIAH 50:40

Pathian nih Sodom le Gomorrah le an pawngkam khua hna kha a hrawh tik hna ah khika ah mi ahohmanh an um ti lo bantukin a chungah ahohmanh khua an sa ve lai lo, tiah Bawipa nih a ti.

JEREMIAH 50:46

Babilon cu a tluk tikah a thawng a than tuk caah vawlei aa hnin i A ainak thawng cu miphun zakip sin tiang a thang.

JEREMIAH 51:8

Chikkhat ah Babilon cu a tlu i a kuai ko; Amah cu ṭah tuah u! A hma caah khan si va la tuah u, a hei dam phum ko hnga dah kaw.

EZEKIEL 27:35

Rilikam i a ummi vialte hna le tikulh i a ummi vialte hna cu Na cung i a tlungmi thil nih an thlakawk a bar hna; An siangpahrang hna cu an lau i an hmai a chia dih.

DANIEL 4:14

Cu nih cun fak piin a au i, “Thingkung kha hau u, a nge kha thlam hna u, a hnah kha zun hna u law a thei kha ṭhek dih hna u. A toi i aa dormi ram sa hna kha zam hna seh law a nge i aa fumi va hna kha zuang hna seh;

DEUTERONOMI 29:23

cu hremnak cu, ram cu a dihlak in kat le cite, thi lakin khanghmi, zeihmanh tuh lo, zeihmanh corh lo, ram zeihmanh khoh khawh lonak a si, a thinhunnak le a thinlinhnak in Bawipa nih a hrawhmi Sodom le Gomorrah le Admah le Zeboiim rawknak bantuk a si —

1TIMOTE 5:11

Cun nuhmei kum no deuh pawl cu nuhmei cazin chungah khan khumh hna hlah. Zeicahtiah va ngeih an duh ṭhan tikah Khrih kha an chuahtak i

BIAPHUAN 14:11

A hremtu hna mei a khu cu zungzal in a kai zungzal ko. Sahrang le a milem a biami le sahrang hmelchunhnak a ngeimi hna caah cun, chun zongah zan zongah lungdaih hnangamnak zeihmanh a um ti lo.

BIAPHUAN 17:2

Vawlei cung siangpahrang hna nih hlawhhlangnu milianngan nu he cun sualnak an tuah i a sualnak zu an dinnak cun vawlei cung mi cu an ri dih,” a ti.

BIAPHUAN 18:18

a kanghnak meikhu kha an hmuh tikah, “Hi khualipi bantukin a liannganmi khua a um bal lo,” an ti.

BIAPHUAN 18:20

Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!

BIAPHUAN 18:3

Zeicahtiah a zu kha mi vialte a pek hna i a dinter hna — a hornak zu ṭhawng kha a dinter hna. Vawlei cung siangpahrang hna nih amah he cun nu le pa sualnak an tuah i aa sum lomi a hornak nih cun vawlei cung khuazakip chawlet pawl kha a rumter hna,” a ti.

BIAPHUAN 18:7

Sunparnak le nuamhnak amah le amah a rak i pek zat te khan, Temhinnak le ngaihchiatnak pe ve u. Zeicahtiah aa thawh i, Keimah cu bawiṭhutdan cung i a ṭhumi siangpahrang bawinu ka si. Nuhmei ka si lo, ngaihchiatnak cu ka ing bal lai lo, a ti.

BIAPHUAN 19:3

Cun an au ṭhan i, “Pathian cu thangṭhat ko u. Khualipi khanghnak mei a khu cu zungzal in zungzal tiang a kai ko,” an ti.

BIAPHUAN 2:22

Cucaah ihkhun cungah ka hlonh lai i cu ihkhun cungah cun amah le amah he nu le pa sualnak a tuahmi kha fak piin temhnak an ing lai. Amah he ṭhat lonak an tuahmi kha an i ngaihchih lo ahcun, atu ah hi temhnak hi an cungah ka tlunter ko lai.