BIAPHUAN 18:8 - Lai (Hakha) Common Language Bible 2006

⁸ Hi ruangah hin hremnak nih khan ni khatte ah an tlakphuat lai, rai le ngaihchiatnak le mangṭam nih khan a tlakphuat lai. Amah bia a ceihtu Bawipa Pathian cu a ṭhawngmi a si caah Amah cu mei in khangh a si lai,” a ti.

Laibaibal Thiang (BSI)

⁸ Cucaah nikhat chungah amah hremnâk ding thihnâk, zûnngaihnâk le pâmnâk kha a phân lai. Cun a dihumnâk in mei i khangh a si lai, zeitintiah amah biaceihtu Bawipa Pathian cu a ṭhawngmi a si.

BIAPHUAN 18:8 ပူးပေါင်းရင်းမြစ်များ

JOB 9:19

Thazang zuamkhawnnak a si ahcun, zohhmanh, amah cu a ṭhawng bik a si ko! Cun biading kong ah a si ahcun, aho nih dah, a bia cu ngaihpiak ko, tiah an ti khawh lai?

SALM 62:11

Pathian nih, ṭhawnnak cu keimah ta a si i dawtnak ka ngeihmi cu a fek,

ISAIAH 27:1

Cu ni ah cun Leviathan rulpi, a kualh in aa kual i a ngerh in aa ngerhmi rulpi kha dantat awkah le rili chung i a ummi rulpi kha thah awkah a ṭhawng i a har ngaingaimi a vainam kha Bawipa nih a hman lai.

ISAIAH 9:14

Ni khat te ah Bawipa nih Israel mi hna le an hruaitu pawl cu dan a tat dih hna lai; a sam dih hna lai, lu he mei he a sam dih hna lai.

JEREMIAH 50:31

Babilon, nangmah cu na lung a puam caah kan ralchanh, Nangmah dan kan tat lai caan, na ni cu a phan cang, tiah Bawipa, Ralkapbu Pathian nih a ti.

JEREMIAH 50:34

Sihmanhsehlaw bawmtu ṭhawng an ngei, A min cu Ralkapbu Bawipa a si; Amah hrimhrim nih an bia cu a chimpiak hna lai, Babilon le a mi hna cungah cun harnak le hnahnawhnak a tlunter lai.

JEREMIAH 51:58

Hi bangin Ralkapbu Bawipa nih Babilon kulhnak vampang a chah ngaingaimi cu vawlei ah chimh a si lai, A sangmi a kutka hna cu mei in khangh an si lai. Mi nih an ṭuanmi vialte cu pakpalawng ca men ah a si cang, Mi nih pakpalawng ca men ah an tha an i dit, tiah a ti.

JEREMIAH 51:6

Babilon in zam tuah u, nan nunnak i khamh cio tuah u! Cu ti nan tuah lo ahcun, Hi caan hi Bawipa nih phu a hlam caan, lehrulhnak a pek caan a si caah Amah sualnak ruangah khan nan rawk ve sual lai.

JOEL 2:11

Bawipa nih a ralkapbu cu khuari thawngin nawl a pek hna, Amah nawl a ngaimi ralkap hna cu a ṭhawngmi le rel cawk a si lomi an si. Bawipa ni cu zeitluk in ṭih a nungmi le a liannganmi dah a si! Ahodah a ing kho lai?

1 KORIN 10:22

Bawipa cu a nahchuak seh ti maw kan duh? Amah nakin kan ṭhawng deuh tiah maw kan i ruah?

BIAPHUAN 11:17

“A Lianngan Bik Bawipa Pathian, Nang cu atu i a ummi le hlan i a rak ummi na si. A liannganmi na ṭhawnnak kha na hman cang i Uknak hram naa thawk cang caah, Na cungah kan i lawm.

BIAPHUAN 17:16

Ki pahra na hmuhmi le sahrang nih khan hlawhhlangnu kha an huat lai i a ngeihmi vialte kha an chuh dih lai i taklawng in an chiah lai; a sa kha an ei lai i amah cu mei in an khangh lai.

BIAPHUAN 17:18

“Nu na hmuhmi cu vawlei cung siangpahrang hna a uktu khualipi kha a si,” a ti.

BIAPHUAN 18:17

Sihmanhsehlaw suimilam pakhat chungah a chawva vialte cu an lo dih ai!” an ti lai. Rili lawngcawng bawi vialte hna le khual tlawngmi vialte hna le tilawng rianṭuantu vialte hna le rili cung rianṭuannak in a paw a cawmmi vialte hna cu lamhlatpi in an dir i

BIAPHUAN 18:19

An lu ah lei dip an i phulh, an ṭap an ai i, “Khua lianngan kha zeitluk in dah ṭih a nun cang. Zeitluk in dah tuksapur a si cang. Rili cungah lawng in chaw a letmi vialte hna nih amah rumnak thawngin mirum an rak si dih. Asinain suimilam pakhat chungah a chaw vialte cu an lo dih ko ee,” an ti.

BIAPHUAN 19:3

Cun an au ṭhan i, “Pathian cu thangṭhat ko u. Khualipi khanghnak mei a khu cu zungzal in zungzal tiang a kai ko,” an ti.