BIAPHUAN 18:4 - Lai (Hakha) Common Language Bible 2006

⁴ Cun vancung in aw pakhat ka theih ṭhan i, “Ka mi hna, chuak tuah u, Amah chung khan chuak tuah u! Sualnak a tuahmi ah khan i tel hlah u, Dantatnak a hmuh ding zong kha i hrawm hlah u.

Laibaibal Thiang (BSI)

⁴ Cun vanin aw dang ka theih, “Kami le hna, kha nu kha chuahtak u, culoahcun a sualnâk ah nan i tel sual lai i a dântatnâk kha nan i hrawm ve sual lai.

BIAPHUAN 18:4 ပူးပေါင်းရင်းမြစ်များ

GENESIS 19:14

Cun Lot cu a va chuak i a fanule a ṭhitu hna ding pawl kha, “Khulrang in hika hmun hi chuahtak u, hi hmun hi Bawipa nih a hrawh lai,” a ti hna. Sihmanhsehlaw aa capo tiah an ruah.

SALM 50:18

Mifir nan hmuh tikah a hawi ah nan i cang i vacung pa duhmi hna he nan i kom.

ISAIAH 48:20

Babilon in chuak tuah u, luat in kal tuah u! “Bawipa nih a sal Israel cu a khamh cang,” tiin thawngpang cu lunglawmhnak in aupi u, khuazakip ah thanh u.

ISAIAH 52:11

Thil thiang a phortu hna, Babilon khan khulrang in chuak u. Tawngh lo ding timi thil kha tawng hna hlah u, thiang tein um u law khua kha chuahtak u.

JEREMIAH 50:8

Israel mi hna, Babilon ram in zam u, Khaldi mi hna ram khan zam tuah u; Hmaiah kal u law saṭil run a hruitu mehehtum bantuk kha si tuah u.

JEREMIAH 51:45

Amah chungin chuak tuah u, maw ka mi hna, Bawipa thinhunnak ṭihnung chung cun mi kip nih mahle nunnak kha i khamh cio hna seh!

JEREMIAH 51:50

A vainam chungin a luatmi hna, kal u, dir hlah u; Lamhlapi ah um hmanh u law, Bawipa kha ka hngal camcin u, Jerusalem kha nan lungchung in ruat camcin u.

JEREMIAH 51:6

Babilon in zam tuah u, nan nunnak i khamh cio tuah u! Cu ti nan tuah lo ahcun, Hi caan hi Bawipa nih phu a hlam caan, lehrulhnak a pek caan a si caah Amah sualnak ruangah khan nan rawk ve sual lai.

JEREMIAH 51:9

Khika i a ummi ramdangmi hna nih, “Babilon cu bawmh awk kan i zuam, sihmanhsehlaw a tlai tuk cang. Cucaah ra u law kaltak u si law kan inn cio ah tlung u sih. Pathian nih a ṭhawnnak dihlak in Babilon cu dan a tat cang i a hrawh cikcek cang,” tiah an ti.

MATTHAI 23:30

cun nan i thawh i, ‘Kannih cun kan pupa hna chan ah hin rak um u si law, annih tuahmi hi cu kan tuah hnga lo i profet hna hi cu kan that hna hnga lo,’ nan ti.

2 KORIN 6:17

Cucaah Bawipa nih, “Annih cu nan kaltak hrimhrim hna lai i an sin cun nan i ṭhen hrimhrim lai. A thiang lomi kha zeihmanh tawng hlah u law kan cohlan hna lai.

1TIMOTE 5:22

Bawipa rianṭuantu ding caah ahohmanh khulrang tuk in kutchuannak va pe hna hlah. Midang tuahmi sualnak ah i tel loin thiang tein um i zuam ko.

2 JOHAN 1:11

Zeicahtiah cu bantukin a cungah daihnak um seh, ti a duhpiaktu kha a thil ṭhalo tuahmi ah khan aa tel vemi ah a cang.