BIAPHUAN 18:3 - Lai (Hakha) Common Language Bible 2006

³ Zeicahtiah a zu kha mi vialte a pek hna i a dinter hna — a hornak zu ṭhawng kha a dinter hna. Vawlei cung siangpahrang hna nih amah he cun nu le pa sualnak an tuah i aa sum lomi a hornak nih cun vawlei cung khuazakip chawlet pawl kha a rumter hna,” a ti.

Laibaibal Thiang (BSI)

³ Zeitintiah a horduhcuai thinhunnâk misur cu miphun vialte nih an ri cang, vawlei i siangpahrang hna nih an sualpi i vawlei i chawlettu hna nih nuam a tawlnâk cu an rumpi cang,” tiah a au.

BIAPHUAN 18:3 ပူးပေါင်းရင်းမြစ်များ

ISAIAH 47:15

Nan chan chung vialte ruahnak nan hal zungzalmi arfi zohthiam hna nih ruahnak an in pekmi hna i an in phakpi hna laimi cu hihi a si ko. An dihlak in an in kaltak hna lai i an duhnak cio paoh ah khan an kal lai, nanmah khamhtu ah a tangmi pakhat hmanh an um lai lo,” a ti.

JEREMIAH 51:34

Zion i a ummi hna nih, Babilon siangpahrang Nebukhadnezzar nih a kan ei i car dihlak in a kan dawp, Um lawng bantukin a kan toh. Rulpi bangin a kan dolh, Kan sa thawthaw in a paw cu a khahter i a kan luak.

JEREMIAH 51:7

Babilon cu Bawipa kut chung i sui hrai, vawlei vialte a ritter dih tu a si; Miphun hna nih a mitsur hang cu an din i cu nih cun a molhter dih hna.

ṬAHNAK HLA 4:5

Rawl thawthaw in cawm a rak simi hna kha zeihmanh ngei loin khuachung lam ah an ṭhu ko, Puan ṭhaṭha a rak i aih tawnmi hna kha ekpon cungah an ṭhu ko.

NAHUM 3:4

Mah vialte hi hlawhhlangnu hlawhhlannak ruangah a si, aa dawh i eih a thiammi bawinu ruangah a si, Miphun hna le mi hna kha a a hlawhhlannak le a eihthiamnak in a hlen dih hna.

LUKA 7:25

A si lai lo. Cucu a si ṭung lo ahcun zeidah zoh awkah nan chuahhnawh kun? Thilpuan ṭhaṭha aa hrukmi zoh awkah maw? A taktak ti ahcun cu bantukin aa thuam i nunnuam ngaingai in a ummi hna cu siangpahrang inn chungah pei an um tawn cu.

1TIMOTE 5:11

Cun nuhmei kum no deuh pawl cu nuhmei cazin chungah khan khumh hna hlah. Zeicahtiah va ngeih an duh ṭhan tikah Khrih kha an chuahtak i

BIAPHUAN 14:8

Vancungmi pahnihnak nih pakhatnak kha a hun zulh i, “Minu cu a ril cang! Babilon khuapi cu a ril cang. A zu cu mi vialte kha a pek hna i a dinter hna — cu a zu cu a hornak zu ṭhawng kha a si,” a ti.

BIAPHUAN 17:2

Vawlei cung siangpahrang hna nih hlawhhlangnu milianngan nu he cun sualnak an tuah i a sualnak zu an dinnak cun vawlei cung mi cu an ri dih,” a ti.

BIAPHUAN 18:19

An lu ah lei dip an i phulh, an ṭap an ai i, “Khua lianngan kha zeitluk in dah ṭih a nun cang. Zeitluk in dah tuksapur a si cang. Rili cungah lawng in chaw a letmi vialte hna nih amah rumnak thawngin mirum an rak si dih. Asinain suimilam pakhat chungah a chaw vialte cu an lo dih ko ee,” an ti.

BIAPHUAN 18:23

A chungah meiinn ceu a um ti lai lo; nupi ṭhi tlangval le va ngeimi ngaknu conglawmhnak thawng zong a um ti lai lo. A chung i a rak ummi chawlet pawl cu vawlei cung ah a ṭhawng bik an rak si i hlennak mitleh thiamnak in vawlei cung mi vialte kha an hlen dih hna,” a ti.

BIAPHUAN 18:7

Sunparnak le nuamhnak amah le amah a rak i pek zat te khan, Temhinnak le ngaihchiatnak pe ve u. Zeicahtiah aa thawh i, Keimah cu bawiṭhutdan cung i a ṭhumi siangpahrang bawinu ka si. Nuhmei ka si lo, ngaihchiatnak cu ka ing bal lai lo, a ti.

BIAPHUAN 18:9

A sualnak le a hornak chungah aa bual vemi vawlei cung siangpahrang hna nih khan a kanghnak meikhu cu an hmuh tikah khuapi cu an ṭah lai.