BIAPHUAN 17:9 - Lai (Hakha) Common Language Bible 2006

⁹ “Fim le hngalhthiam a hau. Lu pasarih hi tlang pasarih, nu a ṭhutnak tlang pasarih kha an si. Cun siangpahrang pasarih zong kha an si fawn.

Laibaibal Thiang (BSI)

⁹ “Hika ah hin fimnâk lungthin ngeih a herh: Lu pasarih hna cu minu ṭhutnâk tlâng pasarih an si.

BIAPHUAN 17:9 ပူးပေါင်းရင်းမြစ်များ

DANIEL 12:4

Sihmanhsehlaw Daniel, hi bia cu bia thli ah chia hna law donghnak caan a phak hlantiang cauk cu phit ko. Mi tampi cu lungdong in an um lai i dantatnak cu a rit ngaingai lai,” tiah a ti.

HOSEA 14:9

A fimmi nih cun hika i aa ṭialmi hi i hngalh hna seh law an lungchung in i cinken hna seh. Bawipa lam cu lamding an si i miding mi nih cun cu lam cu an zulh hna, sihmanhsehlaw misual mi cu an ril i an tlu.

MATTHAI 13:11

Annih cu a leh hna i, “Vancung Pennak kong biathli hngalhnak cu nannih cu pek nan si cang, sihmanhsehlaw hi hna cu pek an si lo.

MATTHAI 24:15

“Cun profet Daniel nih, ‘Ṭhiotu Fihnung,’ a timi kha hmunthiang i a dir cu nan hmuh lai. (A reltu hna, hi a sullam hi i hngalh u).

BIAPHUAN 13:1

Cun sahrang pakhat rili chungin a hung chuah kha ka hmuh. Ki pahra le lu pasarih a ngei, a ki cungah cun bawiluchin pakhat cio an um i a lu cungah cun Pathian thangchiatnak min pakhat cio an i ṭial.

BIAPHUAN 13:18

Hika ah hin fimnak hman a hau. A fimmi paoh nih cun sahrang nambar cu an tuak khawh ko lai, zeicahtiah cu nambar cu mi pakhat min ca i hmanmi a si. Cu min nambar cu za ruk sawm ruk paruk a si.

BIAPHUAN 17:18

“Nu na hmuhmi cu vawlei cung siangpahrang hna a uktu khualipi kha a si,” a ti.

BIAPHUAN 17:3

Thlarau nih khan a ka tlaih i vancungmi nih khan thetse ram ah a ka kalpi. Cuka ah cun nu pakhat, sahrang sen cung i aa citmi kha ka hmuh i cu sahrang cu a tak khat in min ṭhalo aa ṭial; cu sahrang nih cun lu pasarih le ki pahra a ngei.

BIAPHUAN 17:7

Vancungmi nih cun, “Zeicahdah na khuaruah a har? Minu sullam le aa citmi sahrang, lu pasarih le ki pahra a ngeimi sullam cu kan chimh lai.