BIAPHUAN 17:8 - Lai (Hakha) Common Language Bible 2006

⁸ Na hmuhmi sahrang kha hlanah cun a rak nung, asinain atu cu a nung ti lo, rawhralnak a phak hlanah dongh hngal lo khor chung khan a hung chuak lai. Vawlei cung i khua a sami, vawlei ser hlan in nunnak cauk chungah an min a rak i ṭial lomi hna nih khan, sahrang cu an hmuh tikah an khuaruah a har lai, zeicahtiah voi khat cu a rak nung, atu cu a nung ti lo, asinain a hung chuak ṭhan lai.

Laibaibal Thiang (BSI)

⁸ Na hmuhmi sahrang a rak um cang i a um ti lomi kha, taw a ngeilo khor in a rak chuak i lohtlaunâk i a kal hngami a si. Cun vawlei i a ummi vawlei serka in Nunnâk Cauk ah min ṭial lomi hna nih sahrang a rak um cang i a um ti lomi kha an hmuh tikah mak an ti lai.

BIAPHUAN 17:8 ပူးပေါင်းရင်းမြစ်များ

SALM 69:28

An min cu a nungmi minung cazin khan hloh si hna seh; na mi hna min cazin chungah i tel hna hlah seh.

DANIEL 11:45

A bawi puan inn cu rili le tlang thiang, tlang vialte lak i aa dawh bikmi karlak ah cun a phun lai, sihmanhsehlaw ahohmanh bawmtu ngei loin a donghnak kha a phan lai.

DANIEL 7:11

Ka zoh peng ko lioah cun ki hmete aa porhlawtnak le a tluangkhawnnak cu ka hei theih lengmang ko. Cun ka zoh peng ko i sahrang palinak cu an thah i a ruak cu mei chungah an paih i an hrawh.

DANIEL 7:26

Cun biaceihnak kha a hung um lai i amah cu a bawinak kha chuh a si lai i a donghnak ah cun hrawh a si lai i hloh a si lai.

DANIEL 7:3

cun sahrang ngan pipi pali rili chung cun an hung chuak i pakhat le pakhat kha an i dang dih.

DANIEL 7:7

Cun zan i langhnak ka hmuhmi hna chungah cun, sahrang palinak kha ka hmuh, ṭihnung ngai le tuksapur ngai a si i a ṭhawng hringhranmi a si, a ha cu thir an si i a tin cu dar an si. Zeizong vialte kha a khai hna i a ei hna i a tangmi paoh cu a lamh hna. Amah hlan i a ummi sahrang hna pakhat he hmanh khan an i lo lo, zeicahtiah amah cu ki pahra a ngei.

MATTHAI 25:34

Cun a orhlei i a ummi cu Siangpahrang nih cun a thawh hna lai i, ‘Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.

LUKA 10:20

sihmanhsehlaw thlarau ṭhalo nih nan nawl an in ngaih hna caah khan i lawm hlah u, vancung i nan min ṭial a si ca tu ah khan i lawm tuah u,” a ti hna.

LUKA 8:31

Khuachia nih khan Jesuh cu dongh hngal lo khor thukpi chungah khan kan thla sawh hlah tiah an nawl.

JOHAN 17:24

“Ka Pa, na ka pekmi hna hi ka umnak ah ka sin i umter i ka sunparnak, vawlei ser hlan in na ka dawt ca i na ka pekmi kha hmu hna seh ti ka duh.

LAMKALTU 15:18

Cuticun Bawipa, hlanlio piin thil a rak chimtu nih cun a ti.’

EFESA 1:4

Vawlei a ser hlan in Pathian nih kannih cu Khrih chung i amah ta si dingin a kan thim cang, cucaah a hmaiah a thiangmi le soi awk um lomi kan si awk a si.

TITAS 1:2

Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

1 PETER 1:20

Amah cu Pathian nih vawlei a ser hlan khan a thim cang i nanmah caah hi ni hmanung bik hna caan ah hin a hun langhter.

BIAPHUAN 11:7

Cun bia chim awk an ngeihmi an chim dih tikah, dongh hngal lo khor thukpi chungin a hung chuakmi sahrang nih khan a doh hna lai. A tei hna lai i a thah hna lai;

BIAPHUAN 17:11

Cun hlan i a rak nung i atu i a nung ti lomi sahrang kha, siangpahrang pariatnak a hmasa pasarih bu chung i aa tel vemi kha a si i rawhralnak phak awkah a hung chuak.

BIAPHUAN 17:2

Vawlei cung siangpahrang hna nih hlawhhlangnu milianngan nu he cun sualnak an tuah i a sualnak zu an dinnak cun vawlei cung mi cu an ri dih,” a ti.

BIAPHUAN 20:10

Cun annih a hlengtu hna, Khuachia kha, mei le kat tili chungah khan an paih, cuka cu sahrang le nal profet an rak thlaknak hna kha a si; cuka ah cun chunzan in zungzal hrem an si zungzal ko lai.

BIAPHUAN 20:12

Cun mithi mi kha, a ngan he a hme he, bawiṭhutdan hmai i an ṭhut kha ka hmuh. Cauk kha an kau hna, cun cauk a dang pakhat, nunnak cauk zong kha an kau ve. Mithi cu an rak tuahmi cauk chung i aa ṭialning khan an bia an ceih hna.

BIAPHUAN 20:15

Nunnak cauk chungah an min aa ṭial lomi paoh cu mei tili chungah cun an paih hna.

BIAPHUAN 3:10

Lungsau in um tuah, tiah kan timi kha na zulh caah, vawleicung mi vialte hneksaknak ding caah vawlei cung dihlak ah a tlung laimi harnak caan kha tong loin kan luatter lai.

BIAPHUAN 3:5

Teitu a simi hna cu hi bantukin puan rang an i aih lai i a nungmi hna cauk chung khan an min cu ka hlo lai lo. Ka Pa le a vancungmi hna hmaiah langhngan in, hi hna cu ka mi an si, ka ti lai.