BIAPHUAN 17:7 - Lai (Hakha) Common Language Bible 2006

⁷ Vancungmi nih cun, “Zeicahdah na khuaruah a har? Minu sullam le aa citmi sahrang, lu pasarih le ki pahra a ngeimi sullam cu kan chimh lai.

Laibaibal Thiang (BSI)

⁷ Asinain vanmi nih ka sinah, “Zeiruangahdah na khuaruah a har? Hi nu biathli le â citmi sahrang lu pasarih le ki pahra ngeimi biathli kan chimh lai.

BIAPHUAN 17:7 ပူးပေါင်းရင်းမြစ်များ

2 THESALON 2:7

Miṭhalo Pa ṭhawnnak cu a thli in rian a ṭuan lengmang cang, sihmanhsehlaw a khamtu kha ṭhial a si hlanah cun a chuak kho rih lai lo.

BIAPHUAN 1:20

Ka orhlei kut i na hmuhmi arfi pasarih hna le sui mei vannak pasarih hna an sullam biathli cu hihi a si: arfi pasarih hi Khrihfabu hna i an vancungmi kha an si i mei vannak pasarih hna hi Khrihfabu pasarih hna kha an si,” tiah a ti.

BIAPHUAN 12:3

Cun van ah cun khuaruahhar a simi hmelchunhnak a dang pakhat a lang ṭhan. A ngan ngaingaimi limkeng senpi, lu pasarih le ki pahra a ngeimi kha a hung lang i a lu ah cun bawiluchin pakhat cio an um.

BIAPHUAN 17:8

Na hmuhmi sahrang kha hlanah cun a rak nung, asinain atu cu a nung ti lo, rawhralnak a phak hlanah dongh hngal lo khor chung khan a hung chuak lai. Vawlei cung i khua a sami, vawlei ser hlan in nunnak cauk chungah an min a rak i ṭial lomi hna nih khan, sahrang cu an hmuh tikah an khuaruah a har lai, zeicahtiah voi khat cu a rak nung, atu cu a nung ti lo, asinain a hung chuak ṭhan lai.

BIAPHUAN 18:1

Khi hnuah vancung in vanmi dang pakhat a run kha ka hmuh. Nawlngeihnak a ngan ngaingaimi a ngei i a sunparnak nih vawlei cu a ceuh dih.