BIAPHUAN 17:6 - Lai (Hakha) Common Language Bible 2006

⁶ Cun cu nu cu, Pathian mi hna thisen le Jesuh cungah zumhawktlak in an um ruangah thahmi hna thisen a rit kha ka hmuh. Amah ka hmuh tikah ka khuaruah a har tuk hringhran.

Laibaibal Thiang (BSI)

⁶ Cu nu cu mithiang hna thisen le Jesuh ca i martar hna thisen in a rît kha ka hmuh. Cun cunu ka hmuh tikah, ka khuaruah a har tuk i ka ar ko.

BIAPHUAN 17:6 ပူးပေါင်းရင်းမြစ်များ

DANIEL 7:21

Ka zoh ko lioah cun cu ki cu mithiang mi hna he khan ral an i do i annih cu a tei hna.

DANIEL 7:25

Cung Nung Bik kha zeihmanh ah a rel lai lo i Cung Nung Bik mithiang hna kha a hrem hna lai. An biaknak phung a si tawnmi caan le phung hna kha thlen a timh hna lai i mithiang hna cu a kut chungah kum thum le a cheu an um lai.

HABAKKUK 1:13

Ṭhat lonak kha zoh awkah na mit cu a thiang tuk i minung nih fahnak an in tikah na zoh sawhsawh kho hna lo. A si kun ahcun, zeicahdah mi cu pakhat le pakhat an i rawi lengmang lengmang tikah na zoh sawhsawh ko hna i Zeicahdah a ṭha lomi hna nih anmah nakin a ding deuhmi kha an thah len ko hna tikah hin dai tein na um ziar ko?

JOHAN 2:10

“Midang nih cun an sawmmi hna kha mitsur zu a ṭha bik cu a hmasa ah an dinh tawn hna, cun an i zat hnuah cun a sawhsawh kha an pek hna. Sihmanhsehlaw nang nih cun a ṭha bik kha atu tiangin naa chiah rih,” tiah a ti.

LAMKALTU 22:20

Cun na tehte a simi Steven kha an thah tikah keimah hrimhrim zong kaa tel ve i amah thah kha ka hnatlakpi ve hna i a thattu hna an puan a rak fimhlawmtu kha ka rak si,’ ka ti.

BIAPHUAN 12:11

Kan unau hna nih amah cu Tuufa thi thawngin le an chimmi bia biatak a simi thawngin an tei cang; an nunnak pek kha an rak sian i thih zong an rak ngamh.

BIAPHUAN 13:15

Sahrang pakhatnak milem chungah khan sahrang pahnihnak cu nunnak thaw khumhnak nawl pek a si i cucaah milem cu a holh kho i amah a bia lomi cu a thah hna.

BIAPHUAN 13:7

Pathian mi kha doh awk le tei awkah onh a si i phun kip ram kip holh kip le mi kip cungah nawlngeihnak nawl pek a si.

BIAPHUAN 16:6

Pathian mi hna le profet hna kha an thi an rak chuah hna caah nangmah nih annih cu din awkah thi kha na pek ve hna. Annih nih hmuh awk i an i tlakmi kha an hmuh ko,” a ti.

BIAPHUAN 2:13

Na umnak hmun kha ka hngalh; Satan nih a bawiṭhutdan a chiahnak hmun a si kha ka hngalh. Ka cungah zumhawktlak in na um i keimah ca i zumhawktlak a simi tehte Antipas kha Satan umnak hmun i an thah ah khan, na zumhnak cu na ṭhial tak hlei lo.