BIAPHUAN 17:3 - Lai (Hakha) Common Language Bible 2006

³ Thlarau nih khan a ka tlaih i vancungmi nih khan thetse ram ah a ka kalpi. Cuka ah cun nu pakhat, sahrang sen cung i aa citmi kha ka hmuh i cu sahrang cu a tak khat in min ṭhalo aa ṭial; cu sahrang nih cun lu pasarih le ki pahra a ngei.

Laibaibal Thiang (BSI)

³ Cuticun amah nih ramcar ah Thlarau in aka kalpi. Cun lu pasarih le ki pahra a ngei i Pathian thangchiatnâk min lawng tein a khatmi sen-eu sahrang cungah â citmi nu pakhat kha ka hmuh.

BIAPHUAN 17:3 ပူးပေါင်းရင်းမြစ်များ

1 SIANGPAHRANG 18:12

Nangmah sinin ka kal cangka, Bawipa thlarau nih ka hngalh lomi hmun ah an kalpi lai i cucaah ka rat i Ahab kha ka chimh i an hmuh khawh lo tikah, a ka thah lai, keimah na salpa nih hin ka tlanval lio in Bawipa cu ka upat ko dahkaw.

2 SIANGPAHRANG 2:16

Cun annih nih amah cu, “Zohhmanh, na sal hna kan sinah hin miṭhawng pa sawm nga an um; va kal hna seh law na bawipa kha va kawl hna seh tiah kan in nawl; amah cu Pathian thlarau nih a cawi i tlang pakhatkhat cungah maw, a si lo ah, nel pakhat khat cungah dik a thlak a si ko hnga dah kaw,” tiah an ti. Cun anih nih, “Nan thlah hna hnga lo,” tiah a ti.

SOLOMON HLA 8:5

Ho lengnu maw ramlak in rung lang, Lung a tum cia thlanghnun valpa he zaṭial tlaih in um ai hna. Semnak na nu nganfah tuar buin na chuahnak hmun Epal kung toiah in ṭhang ai ing,

EZEKIEL 11:24

Cun thlarau nih a ka cawi i Khaldia-ram i saltangmi hna sinah khan a ka kalpi. Hi thil vialte hi Pathian nih a run thlahmi langhnak khan a rami a si i ka hmuhmi langhnak nih cun a ka kaltak.

EZEKIEL 3:12

Cun thlarau nih a ka cawi i, Bawipa sunparnak cu a umnak hmun in a thawh tikah khan ka hnulei ah thawng ṭihnung ngai pakhat ka theih.

EZEKIEL 8:3

Kut bantuk a simi khi a hun samh i ka calsam in a ka tlaih. Thlarau nih van le vawlei karah a ka cawi i Pathian langhnak in Jerusalem ah a ka kalpi i chaklei hoihmi chungchin kutka luhnak ah khan a ka chiah; khika ah cun Hornak Siasal kha a um i cucu hornak lungthin thawhternak caah a si.

DANIEL 11:36

Siria siangpahrang nih cun a duhmi paoh cu a tuah ko lai, aa hlorh lai i aa porh lai i pathian dang vialte cungah khan aa chia lai i pathian vialte hna Pathian kha ṭhalo in a vawlhpamh lai. Pathian nih dan a tat hlantiang cu a hlawhtling lengmang ko lai, zeicahtiah Pathian nih tuah awkah a ruah cangmi cu a tuah ko lai.

DANIEL 7:20

Cun a lu cung i ki pahra hna le a hnu deuh i ki dang pakhat a hung chuak i a hung chuah cangkate i a dang ki pathum a thlongh hna kong zong kha hngalh ka duh. Cu ki nih cun mit le kaa a ngeih i porhlawtnak bia le tluangkhawnnak bia kha a chim ṭualmal hna. A dang hna nakkhan ṭih a nung deuh.

DANIEL 7:25

Cung Nung Bik kha zeihmanh ah a rel lai lo i Cung Nung Bik mithiang hna kha a hrem hna lai. An biaknak phung a si tawnmi caan le phung hna kha thlen a timh hna lai i mithiang hna cu a kut chungah kum thum le a cheu an um lai.

DANIEL 7:8

A ki kha ka zoh lio hna ah cun ki dang pakhat, ki hmete an lak i a hung chuah kha ka hmuh i cu ki hmete nih cun umnak a hmuh khawh nakhnga a um ciami hna lak i ki pathum kha a thlongh hna. Cun cu ki nih cun minung mit le minung kaa a ngei i aa porhlaw i tluang a khawng.

MATTHAI 27:28

A puan kha an phoih i puan sen an aih.

LAMKALTU 8:39

Ti chungin an hung chuah tikah Bawipa Thlarau nih Filip cu lo diam in a lak. Kha bawi nih khan a hmu ṭhan ti lo, sihmanhsehlaw lunglawm ngaiin a kal.

2 THESALON 2:4

Mi nih an biakmi paohpaoh le Pathian thil i an ruahmi paohpaoh kha a doh lai. Amah cu Pathian timi hna paohpaoh le biakmi hna paohpaoh hna cungah khan aa chia lai i Pathian biakinn chung hmanh ah khan a lut lai i Pathian ka si a ti lai.

BIAPHUAN 1:10

Bawipa Ni ah Thlarau nih a ka tlak i ka hnulei in aw thangpi pakhat kha ka theih, cu aw cu muko aw thawng bantuk a si.

BIAPHUAN 12:14

Thetse ram chung i aa thuhnak ding hmun i va zuannak ding caah khan minu cu mupi nganpi thla pahnih an pek i cuka hmun ah cun kum thum le a cheu an rak zohkhenh lai caah rulpi nih khan zeihmanh a ti kho lai lo.

BIAPHUAN 12:3

Cun van ah cun khuaruahhar a simi hmelchunhnak a dang pakhat a lang ṭhan. A ngan ngaingaimi limkeng senpi, lu pasarih le ki pahra a ngeimi kha a hung lang i a lu ah cun bawiluchin pakhat cio an um.

BIAPHUAN 12:6

Minu cu Pathian nih a rak timhpiak cangmi hmun ah thetse ram ah khan a zam i khika ah ni thong khat le ni za hnih le ni sawm ruk an rak zohkhenh.

BIAPHUAN 17:18

“Nu na hmuhmi cu vawlei cung siangpahrang hna a uktu khualipi kha a si,” a ti.

BIAPHUAN 17:4

Nu cu maimaw le puansen in aa thuam i sui hlawn le lungvar le pale lungvar in aa ṭamh. A kut in sui hrai pakhat aa put i cu sui hrai cu fihnung le ṭeifiak in a khat, cu fihnung le ṭeifiak cu a sualnak theitlai kha an si.

BIAPHUAN 18:12

an sui, an ngun, an lungvar, an rili lungvar, le la hmangṭhia in tahmi thilri puan sen, pu, maimaw; cun thingrua theihtlei in sermi thil phun zakip, vui ho le thing man sung in sermi thil phun kip,

BIAPHUAN 18:16

“Khua lianngan kha zeitluk in dah ṭih a nun cang. Zeitluk in dah mi tuksapur a si cang. Puan hmangṭhia le puan sen le maimaw in a rak i thuam tawn i sui hlawn le lung mansung le rili lungvar in a rak i ṭamh tawn.

BIAPHUAN 21:10

Thlarau nih cun a ka tlaih i vancungmi nih khan tlang sangpi pakhat par ah a ka kaipi. Cun Jerusalem, Khua Thiang kha Pathian sinin vancung in a rung ṭum kha a ka hmuhsak.

BIAPHUAN 4:2

Thlarau nih cun khulrang in a ka tlaih. Cun vancung ah cun bawiṭhutdan pakhat a ummi a cungah cun mi pakhat a ṭhut kha ka hmuh.