BIAPHUAN 17:2 - Lai (Hakha) Common Language Bible 2006

² Vawlei cung siangpahrang hna nih hlawhhlangnu milianngan nu he cun sualnak an tuah i a sualnak zu an dinnak cun vawlei cung mi cu an ri dih,” a ti.

Laibaibal Thiang (BSI)

² vulei siangpahrang hna he nupa sualnâk an tuah, cun leicung i a ummi hna kha a horduhcuainâk misur zu in ritter an si,” tiah a ti.

BIAPHUAN 17:2 ပူးပေါင်းရင်းမြစ်များ

JEREMIAH 51:7

Babilon cu Bawipa kut chung i sui hrai, vawlei vialte a ritter dih tu a si; Miphun hna nih a mitsur hang cu an din i cu nih cun a molhter dih hna.

NAHUM 3:4

Mah vialte hi hlawhhlangnu hlawhhlannak ruangah a si, aa dawh i eih a thiammi bawinu ruangah a si, Miphun hna le mi hna kha a a hlawhhlannak le a eihthiamnak in a hlen dih hna.

JOHAN 2:10

“Midang nih cun an sawmmi hna kha mitsur zu a ṭha bik cu a hmasa ah an dinh tawn hna, cun an i zat hnuah cun a sawhsawh kha an pek hna. Sihmanhsehlaw nang nih cun a ṭha bik kha atu tiangin naa chiah rih,” tiah a ti.

BIAPHUAN 14:8

Vancungmi pahnihnak nih pakhatnak kha a hun zulh i, “Minu cu a ril cang! Babilon khuapi cu a ril cang. A zu cu mi vialte kha a pek hna i a dinter hna — cu a zu cu a hornak zu ṭhawng kha a si,” a ti.

BIAPHUAN 17:13

Hi pahra hna nih hin an dihlak in tinhmi pakhat an ngei i an ṭhawnnak le an nawl ngeihnak cu sahrang kha an pek.

BIAPHUAN 17:17

Zeicahtiah Pathian nih a chimmi bia kha a tlin hlantiang cu, Pathian nih aa tinhmi tuah duhnak kha an lungthin chungah a chiah i cucaah lungnge tein rian an ṭuan i uknak nawl an ngeihmi kha sahrang cu an pek.

BIAPHUAN 17:5

A cal ah min pakhat aa ṭial i cu min cu sullam hleng a ngei. Cu min cu, “A liannganmi Babilon, vawlei cung hlawhhlangnu vialte le sual thurnak vialte nu,” ti a si.

BIAPHUAN 17:8

Na hmuhmi sahrang kha hlanah cun a rak nung, asinain atu cu a nung ti lo, rawhralnak a phak hlanah dongh hngal lo khor chung khan a hung chuak lai. Vawlei cung i khua a sami, vawlei ser hlan in nunnak cauk chungah an min a rak i ṭial lomi hna nih khan, sahrang cu an hmuh tikah an khuaruah a har lai, zeicahtiah voi khat cu a rak nung, atu cu a nung ti lo, asinain a hung chuak ṭhan lai.

BIAPHUAN 18:23

A chungah meiinn ceu a um ti lai lo; nupi ṭhi tlangval le va ngeimi ngaknu conglawmhnak thawng zong a um ti lai lo. A chung i a rak ummi chawlet pawl cu vawlei cung ah a ṭhawng bik an rak si i hlennak mitleh thiamnak in vawlei cung mi vialte kha an hlen dih hna,” a ti.

BIAPHUAN 18:3

Zeicahtiah a zu kha mi vialte a pek hna i a dinter hna — a hornak zu ṭhawng kha a dinter hna. Vawlei cung siangpahrang hna nih amah he cun nu le pa sualnak an tuah i aa sum lomi a hornak nih cun vawlei cung khuazakip chawlet pawl kha a rumter hna,” a ti.

BIAPHUAN 18:9

A sualnak le a hornak chungah aa bual vemi vawlei cung siangpahrang hna nih khan a kanghnak meikhu cu an hmuh tikah khuapi cu an ṭah lai.

BIAPHUAN 2:22

Cucaah ihkhun cungah ka hlonh lai i cu ihkhun cungah cun amah le amah he nu le pa sualnak a tuahmi kha fak piin temhnak an ing lai. Amah he ṭhat lonak an tuahmi kha an i ngaihchih lo ahcun, atu ah hi temhnak hi an cungah ka tlunter ko lai.

BIAPHUAN 3:10

Lungsau in um tuah, tiah kan timi kha na zulh caah, vawleicung mi vialte hneksaknak ding caah vawlei cung dihlak ah a tlung laimi harnak caan kha tong loin kan luatter lai.

BIAPHUAN 9:21

Cun an lainawn le an pumsa camh le an pumsa sualnak le an fir zong kha an i ngaihchih hlei fawn lo.