BIAPHUAN 17:14 - Lai (Hakha) Common Language Bible 2006

¹⁴ Annih nih Tuufa kha an doh lai; sihmanhsehlaw Tuufa le Tuufa nih a kawh hna i a thim hna i zumhawktlak zultu a simi hna nih khan an tei hna lai, zeicahtiah Tuufa cu bawi vialte Bawipa le siangpahrang vialte Siangpahrang a si,” a ti.

Laibaibal Thiang (BSI)

¹⁴ Cuhna nih Tuufano kha an doh lai i Tuufano nih a tei hna lai, zeitintiah Amah cu bawi hna Bawi le siangpahrang hna Siangpahrang a si; cun a sinah a ummi hna cu zumhawktlak le thimmi tiah kawh an si lai.

BIAPHUAN 17:14 ပူးပေါင်းရင်းမြစ်များ

SALM 110:5

Bawipa cu na orhlei kamah a um ko; a thin a hun ni ah siangpahrang kha a tei hna lai.

JEREMIAH 1:15

Zeicahtiah zohhmanh, chaklei ram hna chung i a ummi miphun vialte kha ka kawh hna, tiah Bawipa nih a ti; cun annih cu an ra lai i Jerusalem kutka luhnak hna ah khan le a velchum vampang vialte hna pawng le Judah ram khua vialte ah khan an bawiṭhutdan cu an chiah cio hna lai.

JEREMIAH 1:19

Annih nih nangmah cu an in tuk lai, sihmanhsehlaw na sinah ka um i kan huhphenh lai caah an in tei lai lo, tiah Bawipa nih a ti,” tiah a ti.

JEREMIAH 50:44

Zohhmanh, Jordan tiva kam tupi chungin a chuak i zungzal in a hringmi saṭil tlonnak ram lakah a ra chuakmi chiandeih bantukin, Keimah nih mi vialte kha ka dawi dih hna lai i Tuukawng ṭha bikbik kha ka tlaih dih hna lai. Zeicahtiah keimah bantuk hi ahodah a um? Keimah tluk hi ahodah a um? Tuukhal aho tal ka hmaiah a dir khomi an um maw?

DANIEL 2:44

Cu siangpahrang hna chan ah cun vancung Pathian nih pennak pakhat a ser lai i cu pennak cu zeitikhmanh ah a rawk lai lo; cu pennak cu midang sinah aa ṭhial lai lo; hi pennak vialte hi a hrawh dih hna lai i a donghter dih hna lai, sihmanhsehlaw cu pennak tu cu zungzal in a hmun lai.

DANIEL 2:47

Cun aa thawh i, “Nan pathian hi pathian hna Pathian le siangpahrang hna cung i Siangpahrang a si taktak, amah cu biathli a phuangtu a si i cucaah nangmah nih hi biathli cu na phuan khawh,” tiah a ti.

DANIEL 7:21

Ka zoh ko lioah cun cu ki cu mithiang mi hna he khan ral an i do i annih cu a tei hna.

ZEKHARIAH 2:8

Nanmah an ramhtu hna miphun hna sinah khan ralkapbu Bawipa nih rian a ka fial tikah a chimmi bia cu hihi a si, nanmah an tawngtu hna cu anmah an mit falai aa tawngmi an si.

MATTHAI 22:14

Zeicahtiah sawmmi cu an tam nain, thimmi cu an tlawm,” tiah a ti.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

MATTHAI 28:18

Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang.

JOHAN 15:16

Nannih nih cun nan ka thim lo, keimah nih kan thim hna i a hmun ding thei kha tampi in va tlai tuah u tiah kan fial hna. Cucaah ka min in nan halmi paoh cu ka Pa nih an pek hna lai.

ROM 1:6

cu hna lakah cun nannih, Rom khua ah a um i Pathian nih Jesuh Khrih ta si dingin an kawhmi hna zong nan i tel ve.

ROM 8:30

Cucaah a thleidanmi hna cu Pathian nih a kawh hna i a kawhmi hna cu Amah he khan a remter hna; cun amah he a remtermi hna cu a sunparnak zong kha a hrawmh hna.

ROM 8:37

Zeihmanh nih an kan ṭhen kho lai lo, hi thil vialte hna chung hin a kan dawtu thawngin kannih cu teitu hna nakin teitu kan si deuh.

1 KORIN 15:24

Cu tikah donghnak cu a phan lai; Khrih nih khan thlarau lei uktu hna le nawl ngeitu hna le ṭhawnnak vialte kha a tei dih hna lai i Pennak cu Pa Pathian sinah khan a pek lai.

DEUTERONOMI 10:17

Zeitintiah Bawipa nan Pathian cu pathian hna Pathian le bawi hna Bawi, a lianngan i a ṭhawng i ṭih a nungmi Pathian, duhdanh a ngei lo i ziknawh a la lomi a si.

1TIMOTE 6:15

Cu Ni cu Pathian nih a caan a rem a ti tikah a tlunter ko lai; zeicahtiah Pathian lawnglawng cu thangṭhat awk tlak Uktu le siangpahrang hna Siangpahrang le bawi vialte hna Bawi a si.

2TIMOTE 2:4

Ralkap a ṭuan liomi nih cun a cung bawi lungton kha a duh caah ralkap a si lomi hna rian ah khan aa sawhkalh len lo.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

BIAPHUAN 1:5

Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i

BIAPHUAN 11:7

Cun bia chim awk an ngeihmi an chim dih tikah, dongh hngal lo khor thukpi chungin a hung chuakmi sahrang nih khan a doh hna lai. A tei hna lai i a thah hna lai;

BIAPHUAN 16:14

Annih cu khuachia thlarau, khuaruahharnak a tuah khomi kha an si. Cu thlarau pathum hna cu vawleicung khuazakip ah khan an kal i vawleicung siangpahrang vialte kha an pumh hna. Cu bantukin hmunkhat ah an pumh hna cu, Lianngan Bik Pathian ni lianngan ni ah pakhat le pakhat i do hna seh ti caah a si.

BIAPHUAN 2:10

Sifahnak na in dingmi kha zeihmanh ṭih hna hlah. Hi bia hi ngai hmanh. Khuachia nih khan nangmah hneksaknak caah nanmah lak i a cheu cu thong ah a thlak hna lai; harnak na inmi cu ni hra chung a si lai. Thih tiangin ka cungah zumhawktlak tein um ko; cun nunnak suiluchin kha kan pek lai.

BIAPHUAN 2:13

Na umnak hmun kha ka hngalh; Satan nih a bawiṭhutdan a chiahnak hmun a si kha ka hngalh. Ka cungah zumhawktlak in na um i keimah ca i zumhawktlak a simi tehte Antipas kha Satan umnak hmun i an thah ah khan, na zumhnak cu na ṭhial tak hlei lo.

BIAPHUAN 3:21

Keimah kha teitu ka si i ka Pa pawngah a bawiṭhutdan cungah ka ṭhut bantuk hin, teitu a simi cu ka bawiṭhutdan cung i ka pawngah ṭhutnak nawl kha ka pek hna lai.