BIAPHUAN 16:6 - Lai (Hakha) Common Language Bible 2006

⁶ Pathian mi hna le profet hna kha an thi an rak chuah hna caah nangmah nih annih cu din awkah thi kha na pek ve hna. Annih nih hmuh awk i an i tlakmi kha an hmuh ko,” a ti.

Laibaibal Thiang (BSI)

⁶ Zeitintiah mithiang hna le profet hna thisen an chuahter, Cun din awkah thisen napêk ve hna. Zeitintiah cucu an cotawk a si,” tiah a ti.

BIAPHUAN 16:6 ပူးပေါင်းရင်းမြစ်များ

EXODUS 21:24

mit caah mit ve, ha caah ha ve, kut caah kut ve, ke caah ke ve,

EXODUS 7:17

Cucaah Bawipa chimmi cu, “Ka tuah laimi thil thawng hin Bawipa ka si cu na hngalh lai,” ti hi a si. Zohhmanh, hi ṭhiangṭhunh hin tiva ti kha ka tuk lai i thisen ah a cang lai.

ISAIAH 49:26

Nanmah an hremtu hna cu anmah le anmah kha ka thahter hna lai, lainawn le thinhun kha a rit in an i rit chih lai. Cu tikah mi vialte nih Bawipa ka si kha an hngalh lai i, nanmah an khamhtu hna le an luattertu hna ka si kha an hngalh lai. Keimah cu Israel Pathian ṭhawng ka si kha an hngalh lai,” a ti.

JEREMIAH 2:30

Nan fale ka velh hna cu pakpalawng men a si, an i remh hlei lo; Chiandeih hrang bantukin nanmah vainam nih nan profet kha a ei hna.

JEREMIAH 26:11

Cun tlangbawi hna le profet hna nih cun bawi hna le mi vialte cu an thawh hna i, “Hi pa hi thih awk a tlak. Hi khua kha rawk seh, tiah a chim: nan hna in nan theih cio,” an ti.

JEREMIAH 26:16

Cun bawi hna le mi vialte nih cun tlangbawi le profet kha an thawh hna i, “Hi mipa hi thah awk a si lo, zeicahtiah kan sinah Bawipa kan Pathian min in bia a chim ko,” tiah an ti.

ṬAHNAK HLA 4:13

A kulhnak vampang chungah Miding mi hna thisen a chuahtu A profet hna sualnak ruang le A tlangbawi hna ṭhat lonak ruangah a si.

EZEKIEL 32:6

Na chungin a chuakmi thi khan ram cu ka ciah lai i na thisen in tlangpar tiang hrimhrim in ka ciah lai; cun ti luannak kahcham hna cu nangmah thisen in an khat lai.

MATTHAI 7:2

midang na soi hna ning te khan Pathian nih an soi lai i midang cung i na hmanmi tahnak te kha Pathian nih na cungah a hman ve lai.

LUKA 12:48

Sihmanhsehlaw a bawipa duhnak a hngal lo i asinain tuk awk tlak a simi thil a tuahmi cu a dinmi tuknak a in lai. Tampi pekmi cu tampi hal ṭhan a si ve lai; tam deuh pek a simi cu tam deuh hal ṭhan a si ve ko lai,” tiah a ti.

HEBRU 10:29

Cu hmanh cu ti a si ahcun, Pathian Fapa zei i a rel lomi cu zeitindah tuah a si lai? Sualnak in a thianhtu Pathian biakamnak thisen zei i a rel lomi cu zeitindah tuah a si lai? Vel a ngeimi Thlarau a nihsawhtu cu zeitindah tuah a si lai? A in laimi dantatnak cu zeitluk in dah a ngan chinchin lai, ruat ko hmanh.

BIAPHUAN 11:18

Atu caan hi na thinhunnak a rat caan le Mithi hna biaceih caan a si caah, Pathian bia lomi cu an thin a hung ngaingai. Cun atu caan hi na sal na profet hna le na mi vialte hna le nangmah an ṭihtu vialte hna kha, A hme a ngan thlu loin laksawng pek caan a si fawn. Cun vawlei a hrawktu hna hrawh caan kha a si,” an ti.

BIAPHUAN 13:10

Tlaih awk a simi cu tlaih a si hrimhrim ko lai; vainam in thah awk a simi cu vainam in thah a si hrimhrim ko lai. Hi ah hin Pathian mi hna nih in khawhnak an ngeih le zumhawktlak an si kha an langhter awk a hau,” a ti.

BIAPHUAN 13:15

Sahrang pakhatnak milem chungah khan sahrang pahnihnak cu nunnak thaw khumhnak nawl pek a si i cucaah milem cu a holh kho i amah a bia lomi cu a thah hna.

BIAPHUAN 18:20

Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!

BIAPHUAN 18:24

Profet hna le Pathian mi hna kha a chungah an thisen an chuah hna caah Babilon cu dantat a si cang; asi, vawlei cungah thah a simi vialte hna an thisen cu amah chungah cun hmuh an si dih!

BIAPHUAN 19:2

A biaceihmi cu dingte le hmaan tein a ceih. Vawlei a hornak in a thurhnawmhtertu hlawhhlangnu milianngan nu kha sual a phawt cang. Pathian sal kha a thah hna caah Pathian nih dan a tat cang,” a ti.