BIAPHUAN 16:5 - Lai (Hakha) Common Language Bible 2006

⁵ Ti a uktu vancungmi nih cun, “Hi na tuahmi biaceihnak ah hin na ding ko, maw a Thiang Mi, atu i a um liomi le hlan i a rak um cangmi Pathian!

Laibaibal Thiang (BSI)

⁵ Cun ti vancungmi nih hitihin a chim kha ka theih: “Maw Bawipa, Nang cu miding na si, hibantuk in bia na ceih caah a um liomi le a um cangmi le a um laimi cu na si.

BIAPHUAN 16:5 ပူးပေါင်းရင်းမြစ်များ

GENESIS 18:25

A sual lomi cu a sualmi hna sinah khan na that bal hna lai lo. Cucu a si kho lo. Nangmah nih cucu na tuah bal ding a si lo. Cu ti a si ahcun, a sual lomi cu a sualmi bantukin pei dantat an si ve kun hnga cu. Cucu a si kho lo. Vawlei cung dihlak bia a ceihtu Dingthlu Lairel nih cun ding tein pei a ceih lai cu,” a ti.

SALM 129:4

Sihmanhsehlaw a dingmi Bawipa nih saltannak chung cun a ka luatter,” tiah chim tuah.

SALM 145:17

Bawipa cu thil a tuahnak paoh ah hin ding tein a tuahmi a si, rian a ṭuannak paoh ah hin zaangfahnak a ngeimi a si.

ṬAHNAK HLA 1:18

Bawipa cu a ding ko; A nawl a altu cu keimah ka si. Ngai tuah u, nannih miphun vialte hna, ngai tuah u law ka lungfahnak hi ka zohpiak tuah u: Ka ngaknu thiang hna le ka tlangval hna cu saltannak chungah an kal cang.

DANIEL 9:14

Bawipa kan Pathian, nangmah nih na tuahmi thil vialte cu a hmaanmi a si i kannih cu nangmah bia a ngai lomi kan si caah nangmah nih kannih dantat awk kha naa tim i dan cu na kan tat taktak.

JOHAN 17:25

A dingmi ka Pa, vawlei nih cun an hngal lo, sihmanhsehlaw kei nih cun kan hngalh i hi hna nih hin na ka thlah hi an hngalh.

ROM 2:5

Asinain na lung cu a hak i a ṭhawng. Cucaah Pathian nih a thinhunnak le ding tein bia a ceihnak a phuan ni i na in laimi dantatnak cu na nganter chin men ko.

ROM 3:5

Ahmaan lomi thil kan tuahmi nih ahmaanmi thil Pathian nih a tuahnak fiang chinchin in a langhter ah tah, zeitin? Zeidah kan chim khawh lai? Pathian nih kannih cu dan a kan tat tikah a palh a si maw? (Minung biachim in hei chim ko ning law.)

BIAPHUAN 1:4

Asia peng chung i a ummi Khrihfabu pasarih kha Johan nih bia kan cah hna: Atu i a um liomi le a rak um cangmi le a um lai ding a simi Pathian le a bawiṭhutdan hmai i a ummi thlarau pasarih le Jesuh Khrih nih vel le daihnak in pe ko hna seh.

BIAPHUAN 1:8

Lianngan Bik Bawipa Pathian nih cun, “Kei cu Alfa le Omega ka si,” a ti, cu Pathian a um liomi le a um cangmi le a um laimi cu, zeizong vialte siangpahrang Bawipa a si.

BIAPHUAN 11:17

“A Lianngan Bik Bawipa Pathian, Nang cu atu i a ummi le hlan i a rak ummi na si. A liannganmi na ṭhawnnak kha na hman cang i Uknak hram naa thawk cang caah, Na cungah kan i lawm.

BIAPHUAN 16:4

Cun vancungmi pathumnak nih a kanto cu tiva le tiput cungah khan a bungh i thisen ah an cang dih.

BIAPHUAN 16:7

Cun biakṭheng khan aw pakhat a rak chuak i “Bawipa, Lian Ngan Bik Pathian, na biakhiahnak cu a dingmi le a hmaanmi an si taktak,” tiah a ti thawng kha ka theih.

BIAPHUAN 19:2

A biaceihmi cu dingte le hmaan tein a ceih. Vawlei a hornak in a thurhnawmhtertu hlawhhlangnu milianngan nu kha sual a phawt cang. Pathian sal kha a thah hna caah Pathian nih dan a tat cang,” a ti.

BIAPHUAN 4:8

Saram nung pali hna nih cun thla paruk cio an ngei i an chunglei he an lenglei he mit in an khat. Chunzan in hlasak an ngol lo i: “A thiang, a thiang, a thiang, Lianngan Bik Bawipa Pathian cu, Amah cu a um cangmi le a um liomi le a um laimi a si,” an ti.

BIAPHUAN 6:10

Fak piin an au i, “A lianngan bik Pathian, a thiang i a taktak a simi Pathian, vawleicung mi, a kan thattu hna hi zei can dah kan phuhlam loin na um hna lai i an biaceih loin na um hna lai,” an ti.