BIAPHUAN 16:18 - Lai (Hakha) Common Language Bible 2006

¹⁸ Nimtlau a lek, khua a ri, ṭek a tla i ṭihnung ngaingai in li aa hnin. Minung ser hramthawk in cu bantuk lihnin cu a um bal lo; lihnin vialte lakah lihnin fak bik a si.

Laibaibal Thiang (BSI)

¹⁸ Cun awn cukmak in khua a ri i nimtlau â lek, cun fakpi in li â hnin, cubantuk lihnin cu vawlei ah minung an um ri in a um bal lo.

BIAPHUAN 16:18 ပူးပေါင်းရင်းမြစ်များ

ISAIAH 29:6

Ralkapbu Bawipa nih a ṭhawngmi ṭotho le lihnin in a khamh lai. Thlichia a hranter lai i zeizong vialte a khang dihtu mei a chuahter lai;

DANIEL 12:1

Khi caan ah a nganmi vancungmi, na miphun a zohkhenhtu hna, Mikhael kha a hung chuak lai, Cun hi miphun nih miphun an si hramthawk in an tonmi harnak, harnak ṭhalo bik kha a tlung lai. Sihmanhsehlaw khi caan ah cun Pathian cauk chungah an min khumh a simi na mi hna cu an luat lai.

MATTHAI 24:21

Zeicahtiah khi caan ah cun vawlei hramthawk in nihin ni tiangah a ummi harnak a zeihmanh nakin a let tampi in a fak deuhmi harnak kha a um lai. Cu bantuk harnak cu a um zong a um ti lai lo.

BIAPHUAN 11:13

Cu caan te ah cun lihnin fak ngaingai pakhat a um; khuapi cu cheu hra cheukhat a rawk i minung thong sarih lihnin nih cun a thah hna. A tangmi pawl cu an thin a phang i vancung Pathian a lianhngannak kha an thangṭhat.

BIAPHUAN 11:19

Vancung i a ummi Pathian biakinn cu a hun i a chung i biakamnak an chiahnak kuang kha a lang. Cun nimtlau a lek, ṭek a tla, khua a ri, li aa hnin i fak piin rial a tla.

BIAPHUAN 4:5

Bawiṭhutdan cun nimtlau aa lek i khuari thawng kha a thang. Bawiṭhutdan hmaiah cun meifar vanmi pasarih an um i cu hna cu Pathian thlarau pasarih kha an si.

BIAPHUAN 6:12

Cun Tuufa nih cakhenh paruknak a phoih kha ka hmuh. A fak ngaimi lihnin a um i ni cu puanchia nak bantukin a nak i thlapa cu thisen bantukin a sen dih.

BIAPHUAN 8:5

Cun vancungmi nih khan zihmui um cu aa lak i biakṭheng cung i a ummi mei kha a chungah cun a rawn i vawlei cungah a hlonh. Khua a ri; ṭek a tla, nimtlau a lek i li aa hnin.