BIAPHUAN 16:14 - Lai (Hakha) Common Language Bible 2006

¹⁴ Annih cu khuachia thlarau, khuaruahharnak a tuah khomi kha an si. Cu thlarau pathum hna cu vawleicung khuazakip ah khan an kal i vawleicung siangpahrang vialte kha an pumh hna. Cu bantukin hmunkhat ah an pumh hna cu, Lianngan Bik Pathian ni lianngan ni ah pakhat le pakhat i do hna seh ti caah a si.

Laibaibal Thiang (BSI)

¹⁴ Zeitintiah cuhna cu khuachia thlarau, hmelchunhnâk a tuahtu, Zeizongtuahkho Pathian ni lianngan i raldohnâk ah pum dingin vawlei cung siangpahrang hna sin i a kalmi kha an si.

BIAPHUAN 16:14 ပူးပေါင်းရင်းမြစ်များ

1 SIANGPAHRANG 22:6

Cu tikah Israel siangpahrang nih profet kha hmunkhat ah a pumh hna, mi za li tluk an si, annih cu a thawh hna i, “Ramoth-gilead cu tuk awkah ka kal hnga maw, asiloah, kaa sum ko lai dah?” tiah a ti. Cun annih nih, “Hung kal ko, zeitintiah Bawipa nih siangpahrang kut chungah a pek lai,” an ti.

EZEKIEL 14:9

Profet pakhatkhat cu biachim khan leem khawh a si ahcun, a lemtu cu Bawipa ka si, ka kut ka chuah lai i amah cu Israel mi chungin ka chuah lai.

MATTHAI 24:14

Cun miphun vialte hna ca i tehte si awkah Vancung Pennak kong Thawng Ṭha hi khuazakip ah chim a si lai — cun cu hnu lawngah cun donghnak cu a si lai!

MATTHAI 24:24

Zeicahtiah nal messiah le nal profet kha an chuak lai i Pathian mithim hna hmanh kha a si khawh ahcun hlen khawhnak ding caah hmelchunhnak le khuaruahhar nganngan an ser hna lai.

MARKA 13:22

Zeicahtiah Messiah deu le nal profet hna kha an chuak lai. Pathian thimmi hna hmanh kha, a si khawh chungin hlen khawhnak dingah hmelchunhnak le khuaruahharnak an ser hna lai.

LUKA 2:1

Khi caan ah Siangpahrang Awkastas nih nawlbia a chuah i, ‘Ram chung i a ummi vialte nih milu relnak caah nan min nan i thla dih lai,’ tiah a ti.

JOHAN 8:44

Nannih cu nan pa Khuachia fa kha nan si i tuah nan duhmi cu nan pa duhnak kha a si. Amah cu a hramthawk tein lainawng a rak si. Biatak kha zeitikhmanh ah a ṭanh bal lo, zeicahtiah a chungah biatak zeihmanh a um lo. Lih a chim tikah a tuah tawn zungzalmi kha a tuah a si ko, zeicahtiah anih cu milihchim a si i lih vialte pa a si.

ROM 1:8

A hmasa bik ah, nan dihlak ruangah ka Pathian cu Jesuh Khrih thawngin ka lawmh; zeicahtiah vawlei khuazakip ah nan zumhnak thawng hi an rak theih dih cang.

2 THESALON 2:9

Miṭhalo Pa cu Satan ṭhawnnak in a ra lai i khuaruahharnak a phunphun le hlennak hmelchunhnak a phunphun kha a tuah hna lai i

1TIMOTE 4:1

Hmailei ah cun mi a cheu nih zumhnak kha an hlawt lai i lih a chimmi thlarau tu kha an bia an ngaih hna lai i khuachia cawnpiaknak kha an zulh lai, tiah Thlarau nih fiang tein a chim.

JEIM 3:15

Cu bantuk fimnak cu vancung in a rami a si lo; cu bantuk fimnak cu hi vawlei cung fimnak hi a si i thlarau aa tel lomi fimnak, khuachia fimnak tu a si.

JOSHUA 11:5

Cun hi siangpahrang vialte hna nih cun an ralkapbu vialte cu an fonh hna i Israel mi kha doh awkah Merom ti ah cun an ra i an riak,

1JOHAN 5:19

Vawlei hi a pumpi in Miṭhalopa kut tangah a um nain kannih cu Pathian mi kan si ti kha kan hngalh.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

BIAPHUAN 13:3

Sahrang lu pakhat cu, voi khat cu rak that cang hna seh law a lo, sihmanhsehlaw cu thihpi awk tlak a hma cu a dam cang. Vawleicung mi vialte cu an khuaruah a har i sahrang cu an zulh.

BIAPHUAN 16:16

Cun thlarau hna nih khan siangpahrang cu hmunkhat ah an pumh hna i cu hmun cu Hebru holh in Armageddon ti a si.

BIAPHUAN 16:7

Cun biakṭheng khan aw pakhat a rak chuak i “Bawipa, Lian Ngan Bik Pathian, na biakhiahnak cu a dingmi le a hmaanmi an si taktak,” tiah a ti thawng kha ka theih.

BIAPHUAN 17:14

Annih nih Tuufa kha an doh lai; sihmanhsehlaw Tuufa le Tuufa nih a kawh hna i a thim hna i zumhawktlak zultu a simi hna nih khan an tei hna lai, zeicahtiah Tuufa cu bawi vialte Bawipa le siangpahrang vialte Siangpahrang a si,” a ti.

BIAPHUAN 20:8

vawlei kil li ah aa ṭhekmi miphun vialte kha hlen awkah aa thawh lai, cu hna cu Gog le Magog kha an si. Satan nih cun i tuk awkah a pumh ciammam hna lai i rili kam thetse zat an si lai.

BIAPHUAN 3:10

Lungsau in um tuah, tiah kan timi kha na zulh caah, vawleicung mi vialte hneksaknak ding caah vawlei cung dihlak ah a tlung laimi harnak caan kha tong loin kan luatter lai.

BIAPHUAN 6:17

An thinlinh ni ni lianngan cu an phan cang i aho nih dah a celh lai,” a ti.