BIAPHUAN 16:11 - Lai (Hakha) Common Language Bible 2006

¹¹ cun fahnak le hmachia an in ruangah khan vancung Pathian cu an thangchiat. Asinain an lam ṭhalo kha an kaltak hlei lo.

Laibaibal Thiang (BSI)

¹¹ An hma le an nganfah tuk ah vancung Pathian kha an thangchiat i an tuahmi kha an i ngaihchih hlei lo.

BIAPHUAN 16:11 ပူးပေါင်းရင်းမြစ်များ

2 CHANRELNAK 28:22

Hi Siangpahrang Ahaz ṭhiamṭhiam cu, a lung retheih caan ah hin Bawipa sinah khan zumhawktlak lo chinchin in a um.

2 CHANRELNAK 36:23

“Hi bangin Persia siangpahrang Sairas nih, Bawipa, vancung Pathian nih vawleicung ram vialte cu a ka pek cang i mah caah Judah ram Jerusalem i inn pakhat sak awk kha a ka fial. Cucaah Pathian mi a simi nannih cu nan dihlak in cuka ah cun va kal u law Bawipa nan Pathian cu nan sinah um ko seh,” a ti.

EZRA 1:2

“Hi bangin Persia siangpahrang Sairas nih a ti: Bawipa, vancung Pathian nih vawleicung ram vialte hi a ka pek dih cang i Judah ram i a ummi Jerusalem khua ah amah caah inn sak awk a ka fial.

EZRA 7:12

“Siangpahrang hna siangpahrang Artazaksis nih vancung Pathian phungbia cazi, tlangbawi Ezra sinah:

EZRA 7:21

“Cun keimah Artazaksis siangpahrang nih Tiva Ral ram i a ummi tangka kengtu vialte hna sinah nawlbia ka chuah cang i: Vancung Pathian phungbia cazi tlangbawi Ezra nih an halmi hna paoh cu,

EZRA 7:23

Vancung Pathian nawl pekmi paoh cu, siangpahrang le a fapa hna pennak cungah hin a thinhunnak a tlun sual nakhnga lo, vancung Pathian inn caah tling tein tuah si seh.

NEHEMIAH 1:4

Hi bia cu ka theih tikah ka ṭhu i ka ṭap i saupi ngaihchia in ka um i vancung Pathian hmaiah khan rawl ul lengmang le thlacam lengmang in ka um.

NEHEMIAH 2:4

Cun siangpahrang nih cun a ka thawh i, “Zeidah na ka hal duhmi a si?” tiah a ti. Cucaah vancung Pathian sinah khan thla ka cam.

SALM 136:26

Vancung Pathian hi lawm tuah u, a dawtnak cu zungzal in a hmun. a dawtnak cu zungzal in a hmun.

DANIEL 2:44

Cu siangpahrang hna chan ah cun vancung Pathian nih pennak pakhat a ser lai i cu pennak cu zeitikhmanh ah a rawk lai lo; cu pennak cu midang sinah aa ṭhial lai lo; hi pennak vialte hi a hrawh dih hna lai i a donghter dih hna lai, sihmanhsehlaw cu pennak tu cu zungzal in a hmun lai.

JONAH 1:9

Cun Jonah nih cun aa thawh i, “Kei cu Hebru mi ka si, Bawipa, vancung Pathian, rili le vawlei a sertu a biami ka si,” tiah a leh hna.

2TIMOTE 3:13

sihmanhsehlaw miṭhalo le chungthu lengnal pawl cu a ṭhalo chin lengmang khan an um lai i midang kha an hlen lengmang hna lai i anmah le anmah zong kha an i hleng lengmang lai.

BIAPHUAN 11:13

Cu caan te ah cun lihnin fak ngaingai pakhat a um; khuapi cu cheu hra cheukhat a rawk i minung thong sarih lihnin nih cun a thah hna. A tangmi pawl cu an thin a phang i vancung Pathian a lianhngannak kha an thangṭhat.

BIAPHUAN 16:2

Vancungmi pakhat cu a kal i a kanto cu vawlei ah khan a bungh. Sahrang hmelchunhnak a ngeimi hna le a milem a biami hna kha ṭih a nung ngaingaimi le a fak ngaingaimi hmachia nih a tlunh hna.

BIAPHUAN 16:21

Rial ngan pipi, pawng za khat tiang a ritmi kha van in minung cungah an tla. Cun mi nih rial in hremnak an in ruangah cun Pathian kha an thangchiat, an inmi hremnak cu a fak hringhranmi a si ko.

BIAPHUAN 16:9

Ni lin nih cun mi kha a kangh hna i hi hremnak cung i nawl a ngeitu Pathian min kha an thang chiat. Asinain an sualnak kha an mertak duh lo i Pathian lianhngannak kha an thangṭhat duh lo.

BIAPHUAN 2:21

Lungthlennak caan kha ka pek ko, sihmanhsehlaw a horduhcuainak lam khan i let ṭhan a duh lo.