BIAPHUAN 15:4 - Lai (Hakha) Common Language Bible 2006

⁴ Bawipa, ahodah nangmah ṭih loin a um ngam lai? Na lianngannak chim duh loin ahodah a um lai? Nangmah lawng a thiangmi na si. Miphun vialte nih na hmaiah an ra lai i an in biak lai, Thil ding na tuahmi kha mi vialte nih hmuh a si caah,” an ti.

Laibaibal Thiang (BSI)

⁴ Aw Bawipa, ahodah Nangmah ṭih loin a um lai i na min thangṭhat lo in a um lai? Zeitintiah Nangmah lawnglawng a thiangmi na si. Zeitintiah a dingmi na biaceihnâk cu langhter a si cang caah, Miphun vialte na sinah ra in an in biak lai,” tiah an sak.

BIAPHUAN 15:4 ပူးပေါင်းရင်းမြစ်များ

SALM 105:7

Bawipa cu kan Pathian a si; a nawlbia cu vawlei cung dihlak caah a si.

SALM 111:9

A mi cu khamhnak a pek hna i zungzal hmunmi biakamnak kha an sinah a ser. Amah cu a thiang i a ṭhawngmi a si.

SALM 22:23

Annih cu ka thawh hna lai i, “Bawipa sal hna, Bawipa cu thangṭhat tuah u! Jakob tefa hna, amah cu upat tuah u. Israel mi hna, amah cu bia tuah u.

SALM 22:27

Miphun vialte nih Bawipa cu an hngalh camcin lai, vawleicung khuazakip in amah leiah an i mer lai; miphun zakip nih an biak lai.

SALM 22:3

Sihmanhsehlaw nangmah cu Israel Mi Thiang, Israel mi nih an thangṭhatmi na si i na bawiṭhutdan cungah khan na ṭhu.

SALM 86:9

Nangmah nih na sermi miphun vialte hi an chuak lai i na hmaiah an kun lai. Na lianhngannak kha an thangṭhat lai,

SALM 89:7

Nangmah cu pathian hna nih an khuakhannak bu chungah khan an in upat i na kiang i a ummi vialte nih khan an in ṭih dih.

SALM 97:8

Bawipa, nangmah nih na tuahmi biathlehnak ruangah, Zion mi cu an lung aa lawm i Judah ram khua hna cu an tha a nuam.

SALM 99:5

Bawipa kan Pathian cu thangṭhat u; a bawiṭhutdan hmaiah khan amah cu bia u, amah cu Mi Thiang a si.

SALM 99:9

Bawipa kan Pathian cu thangṭhat u, a tlang cungah cun amah cu bia u. Bawipa kan Pathian cu Mi Thiang a si!

ISAIAH 24:15

nichuahlei i a ummi nih an thangṭhat lai. Rili kam i a ummi hna nih Bawipa Israel Pathian cu an thangṭhat lai.

ISAIAH 25:3

A ṭhawngmi miphun nih an in thangṭhat lai i a puarmi miphun hna khua ah khan nangmah cu an in ṭih lai.

ISAIAH 26:9

Zan ah nangmah kha kan ngai; vawlei le a cung i a ummi kha an bia na ceih tikah dinnak hi zeidah a si ti kha an hngalh lai.

ISAIAH 45:23

Ka chimmi cu a hmaanmi a si i aa thleng lai lo. Keimah nih ka min chalh tein hi biakamnak hi ka tuah: ‘Mi vialte kha ka sinah an ra lai i ka hmaiah an kun lai; na sinah zumhawktlak tein kan um lai tiin bia an i kam lai,’ ka ti.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

ISAIAH 6:3

Pakhat le pakhat kha an i chawn i, “A thiang, a thiang, a thiang, Ralkapbu Bawipa cu a thiang! Vawlei cung vialte hi a sunparnak in a khat dih,” an ti.

ISAIAH 60:5

Mah hihi na hmuh lai i lunglawmhnak in na khat lai, naa lawmh tuk ah a ther in na ther lai. Miphun hna nih an rumnak cu na sinah an rak put lai i naa lawmh tuk ah a ther in na ther lai. Miphun hna nih an rumnak cu na sinah an rak put lai i rili bangin an chawva cu a ra lai.

JEREMIAH 10:7

Maw miphun vialte hna Siangpahrang, Nangmah cu ahodah ṭih loin a um hnga? Zeicahtiah nangmah cu ṭih awk tlak hrimhrim na si; Miphun a fim bikbik hna lak le an bawi bikbik hna lakah, Khuazei tal ah nangmah bantuk hi hmuh khawh an si hnga maw?

JEREMIAH 16:19

Maw Bawipa, nangmah cu ka thazang le ka ralhruang, harnak caan i ka himnak na si; Vawlei khuazakip in miphun hna kha na sinah an ra lai i ‘Kan pupa hna nih an rak comi cu hlennak le pakpalawng le santlai lomi siasal men kha an rak si ko.

JEREMIAH 5:22

Nan ka ṭih lo maw? tiah Bawipa nih a ti; Ka hmaiah nan tha a ther lai lo maw? Rili caah thetse kha ramri ah a chia i A lonh khawh lo zungzalmi dawntu a caah a chiatu keimah hmaiah hin nan tha ther loin maw nan um ko lai? Rili tilet cu an tho ko lai, sihmanhsehlaw an lonh kho lo; Tilet cu an awn ko lai, sihmanhsehlaw an pah kho lo.

HOSEA 3:5

Sihmanhsehlaw cu hnuah cun Bawipa an Pathian le David an siangpahrang kha an kawl ṭhan hna lai i Caan donghnak ah cun Bawipa leiah khan a ṭhatnak ruangah ṭihzah ngaiin an i mer ṭhan lai,” ka ti.

HABAKKUK 1:12

Maw Bawipa, nangmah cu hlanlio piin na um cang lo maw? Ka Pathian, nangmah cu a thiang i zungzal in a nungmi na si. Maw Bawipa, annih kha biaceihtu ah a sertu hna cu nangmah na si, Maw Lungpi, annih kha biaceihnak ah biakhiaktu i a sertu hna cu nangmah na si.

ZEKHARIAH 14:16

Jerusalem a dotu miphun hna chungin a tangmi vialte hna cu kum fate in Siangpahrang, ralkapbu Bawipa biak awkah le Deu Puai tuah awkah cun an ra lengmang lai.

ZEKHARIAH 2:11

Khi ni ah Bawipa sinah miphun tampi an ra lai i a mi an si lai i nannih lakah amah cu a um lai.

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

ROM 15:9

Cu lawng si loin, Pathian cu mi cungah zaangfahnak a ngeih caah Jentail mi hna nih an thangṭhat lai ti duhnak a si fawn. Cucu Cathiang nih, “Jentail mi hna lak hmanh ah nangmah cu kan lawmh lai i Na min cu hla in ka thangṭhat lai,” a ti bantuk le

1 PETER 1:16

Cathiang nih, “Keimah ka thian caah nannih zong nan thian ve awk a si,” a ti.

BIAPHUAN 11:15

Cun vancungmi pasarihnak nih khan a muko cu a vun tum i aw thawng fakpi vancung ah cun a thang i, “Vawlei cung uknak nawl cu kan Bawipa le a Messiah ta a si cang,” an ti.

BIAPHUAN 14:7

Aw thang piin, “Pathian kha ṭih u law a lianhngannak kha thangṭhat u. Zeicahtiah amah nih minung vialte bia a ceih hna lai caan kha a phan cang. Van le vawlei le rili le tiput a sertu kha bia u,” a ti.

BIAPHUAN 16:5

Ti a uktu vancungmi nih cun, “Hi na tuahmi biaceihnak ah hin na ding ko, maw a Thiang Mi, atu i a um liomi le hlan i a rak um cangmi Pathian!

BIAPHUAN 16:7

Cun biakṭheng khan aw pakhat a rak chuak i “Bawipa, Lian Ngan Bik Pathian, na biakhiahnak cu a dingmi le a hmaanmi an si taktak,” tiah a ti thawng kha ka theih.

BIAPHUAN 19:2

A biaceihmi cu dingte le hmaan tein a ceih. Vawlei a hornak in a thurhnawmhtertu hlawhhlangnu milianngan nu kha sual a phawt cang. Pathian sal kha a thah hna caah Pathian nih dan a tat cang,” a ti.

BIAPHUAN 19:8

Aa thuamhnak dingah, puan hmang ṭhia a thiang i a cer in a cermi kha pek a si cang,” an ti. (Puan hmangṭhia cu Pathian mi hna nih ding tein rian an ṭuanmi kha a si).

BIAPHUAN 3:7

“Filadelfia khua i a ummi Khrihfabu vancungmi sinah hi bangin va ṭial tuah: Hi bia hi a thiangmi le a taktak a simi, David tawh a tlaitu, innka a hun tikah ahohmanh nih an khar khawh ti lomi, a khar tikah ahohmanh nih an hun khawh ti lomi bia kha a si.

BIAPHUAN 4:8

Saram nung pali hna nih cun thla paruk cio an ngei i an chunglei he an lenglei he mit in an khat. Chunzan in hlasak an ngol lo i: “A thiang, a thiang, a thiang, Lianngan Bik Bawipa Pathian cu, Amah cu a um cangmi le a um liomi le a um laimi a si,” an ti.

BIAPHUAN 6:10

Fak piin an au i, “A lianngan bik Pathian, a thiang i a taktak a simi Pathian, vawleicung mi, a kan thattu hna hi zei can dah kan phuhlam loin na um hna lai i an biaceih loin na um hna lai,” an ti.

1 SAMUEL 2:2

“Bawipa bantukin a thianghlim ahohmanh an um lo Nangmah hleiah ahohmanh an um lo; Kan Pathian bantuk lungpi zong an um lo.