BIAPHUAN 14:4 - Lai (Hakha) Common Language Bible 2006

⁴ Annih cu nu he um ṭi loin thiang tein a ummi an si; nu le pa sinak a hngal lomi an si. Tuufa kha a kalnak kip ah an zulh. A tang rihmi minung hna lakin tlanhmi an si i Pathian sin le Tuufa sinah pekchanh hmasa bikmi an si.

Laibaibal Thiang (BSI)

⁴ Cu hna cu nu ah â thurter lomi, a thiangmi an si. Cu hna cu Tuufano kalnâk pauh ah a zultu an si. Cu hna cu Pathian le Tuufano caah theitlai hmasa bik si dingin minung hna chungin tlanhmi an si.

BIAPHUAN 14:4 ပူးပေါင်းရင်းမြစ်များ

SALM 45:14

A puan dawh ngaimi he cun siangpahrang sinah khan an hei kalpi, a mawle nih khan an zulh i anmah zong cu siangpahrang sin tiang an kal ve.

SALM 74:2

Hlanlio piin na mi si awkah na kan thimmi hi kan philh hlah. Na rak umnak Zion Tlang zong kha philh hlah.

SOLOMON HLA 1:3

Naa thuh chiti rimhmui nih zam ai kaw Na len min chiti bungh ko lo ai ri, Cucah leng duh raan cuang na si.

SOLOMON HLA 6:8

Ṭuanchawng a thainu sawm riat hna le mang bawinu sawm ruk hna lengah, Rel cawk lo leng ngaknu zong um hna.

JEREMIAH 2:3

Cu lioah khan cun Israel cu Bawipa caah a rak thiang, A rawl ṭuanmi lak i theitlai hmasa bik a rak si. Amah a rak eitu vialte hna cu dantat loin a luatmi an um lo i Ṭhat lonak nih khan a tlunhnawh zungzal hna, tiah Bawipa nih a ti,” tiah a ti.

AMOS 6:1

Zion ah nuam ngaiin a ummi hna le Samaria tlang cungah harnak tong loin a ummi hna, Nan cungah ningzahnak a tlung lai. Miphun hna lak i a ngan bikbik hna sinah khin va kal u law Annih cu va tlawng tuah hna u, Israel mi hna.

MATTHAI 19:12

Mi nih nupi an ngeih khawh lonak sullam a dangdang a um cio: a cheu cu an i chuahpimi a si, a cheu cu mi nih cuticun an sermi an si; cun a cheu cu Vancung Pennak ruang hrimhrim i nupi ngei loin a ummi an si. Hi cawnpiaknak a zul khomi nih cun cuticun zul ko hna seh,” a ti.

MATTHAI 25:1

“Cun Vancung Pennak cu hi bantuk hi a si lai, voi khat cu ngaknu pahra an um i nupi ṭhi tlangval kha don awkah an meiinn cio he an i thawh.

MATTHAI 8:19

Phungbia cawnpiaktu saya pakhat kha a sinah a ra i, “Saya, na kalnak paoh ah kan zulh lai,” tiah a ti.

JOHAN 10:27

Ka tuu nih cun ka aw kha an ngaih, annih kha ka hngalh hna i an ka zulh.

JOHAN 12:26

Ahohmanh ka rian ṭuantu si nan duh ahcun keimah kha nan ka zulh hrimhrim lai, cucaah ka rian a ka ṭuanpiaktu cu ka umnak ah a um ve lai. Ka rian a ka ṭuanpiaktu cu ka Pa nih upatnak a pek hna lai,” tiah a leh hna.

JOHAN 13:37

Peter nih, “Bawipa, zeicahdah atu ah cun kan zulh khawh lai lo? Na caah thih ka ngamh ko dahkaw?” tiah a ti.

JOHAN 8:12

Jesuh nih annih cu a thawh ṭhan hna i, “Kei cu vawlei ceunak ka si. Keimah a ka zummi paoh cu nunnak ceunak kha an ngei lai i mui lakah an vai lai lo,” tiah a ti.

LAMKALTU 20:28

Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.

1 KORIN 16:15

Stefanas le a innchungkhar kha nan hngalh hna; anmah cu Grik ram chungah Khrihfa a cang hmasa bik an si i Pathian mi hna ca rianṭuan awkah aa pemi an si. Ka u le ka nau hna,

1 KORIN 6:20

a man in cawkmi nan si. Cucaah nan pum cu Pathian sunparnak caah hmang u.

1 KORIN 7:28

Asinain nupi nan ṭhit ahcun nan sual tinak a si lo, va nan ngeih ahcun nan sual tinak a si lo, ka duhmi cu cu bantuk mi hna nih nifate in a chuak lengmangmi harnak an ton laimi hi luat hna seh ti tu hi a si.

2 KORIN 11:2

Pathian nih an sian hna lo bantukin kei zong nih kan siang ve hna lo. Nannih cu Khrih he i um dingin ka ham cangmi ngaknu thiang bantuk nan si.

EFESA 1:14

Pathian nih a mi hna bia a kan kamhmi kha kan hmuh hrimhrim lai tinak aamahkhan cu Thlarau hi a si i Pathian nih a ta a simi hna cu luatnak tling a pek hna lai ti a kan hngalhtertu zong a si. A sunparnak cu thangṭhat ko u sih!

EFESA 5:27

Cu ti a tuah cu khrihfabu kha i dawhte le thiangte le soi awk zeihmanh um lo le dawh lonak le sawngkornak zeihmanh um lo le tlin lonak dang zeihmanh um loin amah sin lila ah khan pek a duh caah a si.

1TIMOTE 4:3

Cu hna pawl nih cun i ṭhit i umh hi thil ṭhalo a si, tiah an ti i ei chia an timi rawl phun zong a um. Sihmanhsehlaw hi rawl cu Pathian nih ei awk ding i a sermi an si i zumtu a simi hna le biatak a hngalmi hna nih cun lunglawmhnak in thlacam hnuah ei awk an si ko.

HEBRU 12:23

Pathian fapa upa bikbik, vancung ah an min aa ṭial cangmi hna lunglawm in an i pumhnak kha nan phan cang. Mi vialte biaceihtu a simi Pathian le mitling i sermi hna miding mi thlarau hna sin kha nan phan cang.

JEIM 1:18

Amah nih amah duh tein a kan ser i a kan sernak ah cun biatak kha a hman, cucaah kannih cu a sermi thil vialte lakah cungnung bik kan si.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

BIAPHUAN 17:14

Annih nih Tuufa kha an doh lai; sihmanhsehlaw Tuufa le Tuufa nih a kawh hna i a thim hna i zumhawktlak zultu a simi hna nih khan an tei hna lai, zeicahtiah Tuufa cu bawi vialte Bawipa le siangpahrang vialte Siangpahrang a si,” a ti.

BIAPHUAN 21:22

Khuapi chungah cun biakinn ka hmu lo, zeicahtiah a biakinn cu Lianngan Bik Bawipa Pathian le Tuufa kha a si.

BIAPHUAN 21:23

Khuapi nih cun ni ceunak siseh, thlapa ceunak siseh a herh lo, zeicahtiah Pathian sunparnak nih cun a ceuh i Tuufa cu a meiinn a si.

BIAPHUAN 3:4

Asinain Sardis khua i a ummi tlawmpal nih cun nan puan kha thiang tein nan chiah ko. Puan rang aih in keimah sinah nan i chawk lai, zeicahtiah cu bantukin aa chawk dingah cun aa tlakmi nan si.

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.