BIAPHUAN 14:20 - Lai (Hakha) Common Language Bible 2006

²⁰ Mitsur thei cu khuapi leng i a ummi mitsur nennak ah khan an nen hna i mitsur nennak chung cun thisen a chuak i khan za hnih a luang i pe nga tluk a thuk.

Laibaibal Thiang (BSI)

²⁰ Khualipi hauleng i misur nennâk khor ah an lamhchih hna, cun misur nennâk khorchung cun thisen a rak chuak i rang chakbanh tiangin a thuk i meng zahnih tiangin a luang.

BIAPHUAN 14:20 ပူးပေါင်းရင်းမြစ်များ

GENESIS 49:11

A laa no kha mitsur ruang, mitsur ruang ṭha bik phun ah khan a hren; a thilpuan cu mitsur zu chungah khan a suk, a sen in a senmi mitsur zu chungah khan.

ISAIAH 66:24

“An chuah pah ah a ka dohtu hna an ruak kha an hmuh lai. An sa a eitu tholung kha zeitikhmanh ah an thi lai lo i a kanghtu hna mei kha zeitikhmanh ah a mit lai lo. Annih cu an hmuh hna tikah mi vialte cu an luak a chuak lai.”

ṬAHNAK HLA 1:15

Ka khua kulh chung i a ummi miṭhawng vialte hna cu Bawipa nih zeihmanh ah a rel hna lo; Ka ralkap valno rual kha cil dih awkah ralkap kha a ka pumhhnawh luaimai hna. Bawipa nih Judah fanu thiang cu, Mitsur nennak chung i mitsur thei bantukin a ke in a cil.

EZEKIEL 32:6

Na chungin a chuakmi thi khan ram cu ka ciah lai i na thisen in tlangpar tiang hrimhrim in ka ciah lai; cun ti luannak kahcham hna cu nangmah thisen in an khat lai.

JOEL 3:13

Rawl ṭuan a zat cang caah fa-ah kha i lak tuah, Mitsur nennak cu a khah caah va kal law va neng tuah, An ṭhat lonak cu a ngan caah mitsur hang nennak khor cu a liam in an liam.

DEUTERONOMI 32:14

Cawrun chung hnuk khal, Tuurun chung tuuhnuk, Tuufa hna thau le tuukawng hna thau, Bashan ram cawrun le meheh hna cu, Changvut lak i a ṭha bik he na ei hna i Mitsur hang thisen cu na din.

BIAPHUAN 11:8

an ruak cu khuapi chung lamkalai ah khan an ril lai, cu khua cu an Bawipa vailam i an khenh chihnak khua kha a si. Cu khua cu a min ah minhleng in Sodom, ti asiloah, Izipt ti a si.