BIAPHUAN 14:2 - Lai (Hakha) Common Language Bible 2006

² Cun tisor nganpi thawng bantuk le khuari thawng bantuk a simi aw pakhat kha vancung in ka theih. Cu ka theihmi aw cu tingtang tum thiammi nih tingtang in aw dawh an tummi bantuk a si.

Laibaibal Thiang (BSI)

² Cun vancung in thawng, ti tampi a luangmi thawng le khuari thawng ka theih i tingtang tumtu hna nih tingtang an tum thawng bantuk zong a si.

BIAPHUAN 14:2 ပူးပေါင်းရင်းမြစ်များ

2 SAMUEL 6:5

Cun David le Israel chungkhar vialte cu Bawipa hmaiah an thazang dihlak le hla le tingtang le thonglawi le muko le khuang le sumsel hna he tiah nuamhnak an tuah.

2 CHANRELNAK 20:28

Jerusalem ah, tingtang, thonglawi le muko he, Bawipa inn ah khan an ra.

SALM 147:7

Bawipa cu hla in thangṭhat tuah u, kan Pathian cu tingtang aw dawh in thangṭhat u.

SALM 149:3

Nan lamnak ah khan a min cu thangṭhat u, amah cu khuang le tingtang in thangṭhat u.

SALM 33:2

Tingtang in Bawipa cu thangṭhat tuah u, hri hra ngeimi tingtang in thangṭhat u.

SALM 43:4

Cun Pathian, nangmah nih lunglawmhnak le thanuamnak na ka pek caah, na biakṭheng ah cun ka hung kal lai; ka tingtang cu kaa tum lai i nangmah thangṭhatnak cu hla in ka sa lai, Maw Pathian, ka Pathian.

SALM 57:8

Ka nunnak, i hlau tuah, ka tingtang le ka thonglawi hna, i hlau tuah u. Zinglei cu ka ṭhangh lai.

SALM 93:4

Bawipa cu vancung ah khin uktu ngan bik a si, rilipi aw thawng nakin a ngan deuh rili tilet nakin a ṭhawng deuh.

SALM 98:5

Bawipa thangṭhatnak hla cu sa u, thangṭhatnak hla cu tingtang he ṭhuan hna u.

EXODUS 19:16

Ni thumnak ni zingka ah cun tlang cungah cun khuari le ṭektla a um i khuadawm chahpi kha a um; tuukawng ki muko kha fak piin an tum. Riahhmun i a ummi vialte kha an thin a phang i an ther dih.

EXODUS 20:18

Mi zapi nih khan khuari thawng le tuukawng ki muko aw thawng kha an theih i nimtlau le tlang cung meikhu kha an hmuh hna tikah, a ther in an ther i lamhlat piin an dir.

ISAIAH 17:13

Miphun hna cu hmailei ah rili tilet bangin an kal, sihmanhsehlaw Pathian nih a sik hna i an kir, tlang cung i thli nih a choihmi leidip bantuk le phuchim nih a choihmi capawl bantuk an si.

EZEKIEL 43:2

i Israel Pathian sunparnak cu nichuahlei in a rat kha ka hmuh. A aw cu ti thawng nganpi bantuk a si i vawlei cu a sunparnak cun a ceu.

ZEKHARIAH 9:14

Bawipa cu an cungah a lang lai i A thal cu nimtlau bangin aa lek lai; Bawipa Pathian nih muko kha a tum lai i Thlanglei ṭotho he khan an kal ṭi lai.

1 KORIN 13:1

Minung holh a phunphun in ka hei holh kho ko hnga i vanmi holh hmanh ka hei thiam ko hnga, sihmanhsehlaw dawtnak ka ngeih lo ahcun ka holh cu darkhuang hnachet thawng le sumsel tum thawng bantuk men a si ko.

BIAPHUAN 1:10

Bawipa Ni ah Thlarau nih a ka tlak i ka hnulei in aw thangpi pakhat kha ka theih, cu aw cu muko aw thawng bantuk a si.

BIAPHUAN 1:15

a ke cu somei chungah an tit i tleu tein an hnormi dar bantukin a tleu i a aw cu tisor nganpi thawng bantuk a si.

BIAPHUAN 11:12

Cun cu profet pahnih hna nih cun, vancung in, “Hika ah hin hung kai u,” tiah aw thang piin a run titu hna aw kha an theih. An ral nih an zoh ko hna lioah cun, vancung ah khuadawm in an kai.

BIAPHUAN 11:15

Cun vancungmi pasarihnak nih khan a muko cu a vun tum i aw thawng fakpi vancung ah cun a thang i, “Vawlei cung uknak nawl cu kan Bawipa le a Messiah ta a si cang,” an ti.

BIAPHUAN 15:2

Khua ka hei zoh i mei he cawhmi thlalang rili he, aa lomi kha ka hmuh. Cun a min, nambar in chimmi sahrang le a milem a teitu hna kha ka hmuh hna. Annih cu thlalang rilikam ah khan an dir i Pathian nih a pekmi hna tingtang kha an i put.

BIAPHUAN 18:22

A chung i a rak um tawnmi tingtang tum thiam hna le aw dawh tum thiam hna le thonglawi tum thiam hna le muko tum thiam hna nih an tum tawnmi aw kha zeitikhmanh ah theih ṭhan a um ti lai lo. A chungah rianṭuantu an um ti lai lo i facang rialnak thawng kha theih a um ti lai lo.

BIAPHUAN 5:8

Cu ti a va lak ahcun saram nung pali hna le upa kul le pali hna kha Tuufa hmaiah cun an kun. Pakhat nih tingtang pakhat cio le zihmui a khatmi sui kheng pakhat cio an i put, sui kheng chung zihmui cu Pathian mi hna thlacamnak kha a si.

BIAPHUAN 6:1

Cun Tuufa nih cakhenh pasarih chung i pakhatnak a phoih kha ka hmuh. Cun saram nung pali hna lak i pakhat nih khan khuari thawng bantuk a simi aw in, “Ra,” a ti kha ka theih.

BIAPHUAN 8:7

Vancungmi pakhatnak nih khan a muko cu a vun tum, rial le mei, thisen he aa cawhmi a sur in vawlei cungah an sur. Vawlei cheu thum cheu khat kha a kang dih, thingkung cheu thum cheu khat kha an kang i ram hring vialte kha an kang dih.