BIAPHUAN 13:8 - Lai (Hakha) Common Language Bible 2006

⁸ Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si.

Laibaibal Thiang (BSI)

⁸ Vulei cung i a ummi vialte, vawlei serka i thahmi Tuufa Nunnâk Cauk i minṭial lomi vialte nih amah cu an biak lai.

BIAPHUAN 13:8 ပူးပေါင်းရင်းမြစ်များ

GENESIS 22:7

Isak nih khan a pa cu, “Ka pa,” tiah a ti i a pa nih cun, “Hawi, ka fapa,” tiah a leh. Isak nih cun, “Mei le thing cu an um, sihmanhsehlaw khanghthawinak ca ding tuufa tah khuazei ah dah a si kun?” a ti.

SALM 69:28

An min cu a nungmi minung cazin khan hloh si hna seh; na mi hna min cazin chungah i tel hna hlah seh.

EXODUS 32:32

Asinain an sualnak cu ngaithiam ko sawh hna. Cun na ngaihthiam khawh hna lo a si le nangmah nih na ṭialmi cauk chung khan keimah ka min tu kha hlo ko,” a ti.

ISAIAH 4:3

Pathian nih a tangmi si dingin a thimmi hna, Jerusalem i a tangmi vialte kha, mithiang ti an si lai.

DANIEL 12:1

Khi caan ah a nganmi vancungmi, na miphun a zohkhenhtu hna, Mikhael kha a hung chuak lai, Cun hi miphun nih miphun an si hramthawk in an tonmi harnak, harnak ṭhalo bik kha a tlung lai. Sihmanhsehlaw khi caan ah cun Pathian cauk chungah an min khumh a simi na mi hna cu an luat lai.

MATTHAI 25:34

Cun a orhlei i a ummi cu Siangpahrang nih cun a thawh hna lai i, ‘Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.

LUKA 10:20

sihmanhsehlaw thlarau ṭhalo nih nan nawl an in ngaih hna caah khan i lawm hlah u, vancung i nan min ṭial a si ca tu ah khan i lawm tuah u,” a ti hna.

JOHAN 1:29

A thaizing ah Johan nih cun Jesuh cu a sin i a rat kha a rak hmuh i, “Zohhmanh u, Pathian Tuufa, vawlei sualnak a kalpitu khi!

EFESA 1:4

Vawlei a ser hlan in Pathian nih kannih cu Khrih chung i amah ta si dingin a kan thim cang, cucaah a hmaiah a thiangmi le soi awk um lomi kan si awk a si.

FILIPI 4:3

Cun ka ṭuanhawi, nangmah zong, kha nu hna kha rak bawm hna ti kan duh. Zeicahtiah Klement le ka ṭuanhawi dang vialte, nunnak cauk chungah an min aa ṭialmi vialte he, Thawngṭha karhter kha fak piin an ka bawmh.

TITAS 1:2

Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

BIAPHUAN 12:15

Cun minu cu fenh seh tiah limkeng nih khan a kaa chungin tilian a chuahter.

BIAPHUAN 13:12

Sahrang pakhatnak nih a ngeihmi nawlngeihnak kaupi kha amah hmai hrimhrim ah cun a hman. Thihpi awk tlak a simi hma a ing i a dam ṭhanmi sahrang pakhatnak kha, nan biak hrimhrim lai tiah vawlei le a cung i a ummi vialte cu a hnek hna.

BIAPHUAN 17:8

Na hmuhmi sahrang kha hlanah cun a rak nung, asinain atu cu a nung ti lo, rawhralnak a phak hlanah dongh hngal lo khor chung khan a hung chuak lai. Vawlei cung i khua a sami, vawlei ser hlan in nunnak cauk chungah an min a rak i ṭial lomi hna nih khan, sahrang cu an hmuh tikah an khuaruah a har lai, zeicahtiah voi khat cu a rak nung, atu cu a nung ti lo, asinain a hung chuak ṭhan lai.

BIAPHUAN 21:27

Sihmanhsehlaw a thurhnawmmi cu khi khua chungah ahohmanh an lut kho lai lo; ningzah awk thil a tuahmi hna le lih a chimmi hna zong ahohmanh an lut kho lai lo. Tuufa nunnak cauk chung i an min aa ṭialmi lawnglawng cu khuapi chungah cun an lut kho lai.

BIAPHUAN 3:10

Lungsau in um tuah, tiah kan timi kha na zulh caah, vawleicung mi vialte hneksaknak ding caah vawlei cung dihlak ah a tlung laimi harnak caan kha tong loin kan luatter lai.

BIAPHUAN 3:20

Ngaihmanh! innka ah ka dir i ka kingh. Ahohmanh an si ah, ka aw a thei i innka a ka hunhmi cu, a inn chungah cun ka lut lai i a sinah rawl ka dum lai i amah zong ka sinah a dum ve lai.

BIAPHUAN 3:5

Teitu a simi hna cu hi bantukin puan rang an i aih lai i a nungmi hna cauk chung khan an min cu ka hlo lai lo. Ka Pa le a vancungmi hna hmaiah langhngan in, hi hna cu ka mi an si, ka ti lai.

BIAPHUAN 5:12

fak piin hla an sa i, “An thahmi Tuufa kha, Lianhngannak le rumnak le fimnak le ṭhawnnak le upatnak le sunparnak le thangṭhatnak hmuh awkah aa tlak,” an ti.

BIAPHUAN 5:13

Cun vancung i a ummi le vawlei cung i a ummi le vawlei toi i a ummi le rili chung i a ummi thilnung vialte nih, “Bawiṭhutdan cung i a ṭhumi le Tuufa cu, thangṭhatnak, upatnak, sunparnak le ṭhawnnak kha, An cungah zungzal in zungzal tiang um ko seh,” tiin hla an sak kha ka theih.

BIAPHUAN 6:1

Cun Tuufa nih cakhenh pasarih chung i pakhatnak a phoih kha ka hmuh. Cun saram nung pali hna lak i pakhat nih khan khuari thawng bantuk a simi aw in, “Ra,” a ti kha ka theih.