BIAPHUAN 13:4 - Lai (Hakha) Common Language Bible 2006

⁴ Limkeng nih khan a nawlngeihnak cu sahrang kha a pek caah mi vialte nih limkeng cu an biak. Sahrang zong cu an biak i, “Sahrang bantuk hi ahodah a um hnga? Aho nih dah an doh khawh lai?” an ti.

Laibaibal Thiang (BSI)

⁴ Sahrang sin i nawlngeihnâk petu rulpi le sahrang kha an biak i, “Sahrang bantuk hi a hodah a um? Ahonihdah an doh khawh lai?” tiah an ti.

BIAPHUAN 13:4 ပူးပေါင်းရင်းမြစ်များ

EXODUS 15:11

“Bawipa, pathian hna lakah hin ahodah nangmah bantuk a um? Ahodah nangmah bantukin a thiangmi a um hna? Ahodah nangmah bantukin khuaruahharmi thil a tuah khomi a um i a liannganmi thil tuahnak ah ṭih awk a simi a um?

ISAIAH 46:5

“Aho he dah nan ka tahchunh lai?” tiah Bawipa nih a ti. Keimah bantuk aho tal a dang an um maw?

2 KORIN 4:4

Annih nih zeicahdah an zumh lo ti ahcun, hi vawlei khuazing ṭhalo nih hin an lungthin cu mui lakah a chiah peng hna caah a si. An cung i a ceumi ceunak cu hmu loin a umter hna, cu ceunak cu Khrih sunparnak kong Thawngṭha in a rami a si i Khrih cu Pathian bantuk taktak a si.

DEUTERONOMI 9:2

a ngan le a sangmi hna miphun Anak tefa hna, ‘Anak fapa hna hmaiah ahodah a dir kho lai,’ an ti na theih i na hngalhmi hna cu pawnchuah awkah nihin ah hin Jordan tiva cu na tan cang lai.

2 THESALON 2:4

Mi nih an biakmi paohpaoh le Pathian thil i an ruahmi paohpaoh kha a doh lai. Amah cu Pathian timi hna paohpaoh le biakmi hna paohpaoh hna cungah khan aa chia lai i Pathian biakinn chung hmanh ah khan a lut lai i Pathian ka si a ti lai.

BIAPHUAN 12:3

Cun van ah cun khuaruahhar a simi hmelchunhnak a dang pakhat a lang ṭhan. A ngan ngaingaimi limkeng senpi, lu pasarih le ki pahra a ngeimi kha a hung lang i a lu ah cun bawiluchin pakhat cio an um.

BIAPHUAN 12:4

A mei in arfi cheu thum cheu khat kha vancung cun a run kuaih ciammam hna i vawlei ah a thlak hna. Nau a hring dengmangmi nu hmaiah cun a dir i cu a dir cu a fa kha a chuah cangka in ka ei lai ti a duh caah a si.

BIAPHUAN 13:11

Cun sahrang a dang pakhat vawlei chungin a hung chuah kha ka hmuh. Tuufa ki bantuk ki pahnih a ngei i limkeng bantukin bia a chim.

BIAPHUAN 13:15

Sahrang pakhatnak milem chungah khan sahrang pahnihnak cu nunnak thaw khumhnak nawl pek a si i cucaah milem cu a holh kho i amah a bia lomi cu a thah hna.

BIAPHUAN 13:2

Ka hmuhmi sahrang cu a mui ah pawlai a lo, a ke cu vom ke bantuk a si i a kaa cu chiandeih kaa bantuk a si. Limkeng nih khan sahrang cu, a ṭhawnnak le a bawi ṭhutdan le a nawlngeihnak a kau ngaingaimi kha a pek.

BIAPHUAN 17:14

Annih nih Tuufa kha an doh lai; sihmanhsehlaw Tuufa le Tuufa nih a kawh hna i a thim hna i zumhawktlak zultu a simi hna nih khan an tei hna lai, zeicahtiah Tuufa cu bawi vialte Bawipa le siangpahrang vialte Siangpahrang a si,” a ti.

BIAPHUAN 18:18

a kanghnak meikhu kha an hmuh tikah, “Hi khualipi bantukin a liannganmi khua a um bal lo,” an ti.

BIAPHUAN 9:20

Hi hremnak pathum nih a thah lomi, a taangmi minung hna nih khan, anmah nih an ser chommi thil kha an mertak hlei hna lo. Khuachia biak kha an ngol lo i sui le ngun le dar le lung le thing in sermi siasal, khua zong a hmu kho lomi, a theih zong a thei kho lomi, a kal zong a kal kho lo mi biak kha an ngol hlei fawn lo.

1 SAMUEL 17:24

Israel mi vialte nih mipa kha an hmuh tikah an zam i an thin a phang ngaingai.