BIAPHUAN 13:1 - Lai (Hakha) Common Language Bible 2006

¹ Cun sahrang pakhat rili chungin a hung chuah kha ka hmuh. Ki pahra le lu pasarih a ngei, a ki cungah cun bawiluchin pakhat cio an um i a lu cungah cun Pathian thangchiatnak min pakhat cio an i ṭial.

Laibaibal Thiang (BSI)

¹ Cuticun rili kam these lakah ka dir i sahrang ki pahra le lu pasarih a ngeimi rili chungin a chuah kha ka hmuh. A ki ah bawi luchin pahra le a lu ah Pathian thangchiatnâk min an um.

BIAPHUAN 13:1 ပူးပေါင်းရင်းမြစ်များ

JEREMIAH 5:22

Nan ka ṭih lo maw? tiah Bawipa nih a ti; Ka hmaiah nan tha a ther lai lo maw? Rili caah thetse kha ramri ah a chia i A lonh khawh lo zungzalmi dawntu a caah a chiatu keimah hmaiah hin nan tha ther loin maw nan um ko lai? Rili tilet cu an tho ko lai, sihmanhsehlaw an lonh kho lo; Tilet cu an awn ko lai, sihmanhsehlaw an pah kho lo.

DANIEL 11:36

Siria siangpahrang nih cun a duhmi paoh cu a tuah ko lai, aa hlorh lai i aa porh lai i pathian dang vialte cungah khan aa chia lai i pathian vialte hna Pathian kha ṭhalo in a vawlhpamh lai. Pathian nih dan a tat hlantiang cu a hlawhtling lengmang ko lai, zeicahtiah Pathian nih tuah awkah a ruah cangmi cu a tuah ko lai.

DANIEL 2:41

Cun a kepha hna le a kedong hna cu a cheu umsertu tlak, a cheu thir an si zong kha na hmuh fawn. Cu a sullam cu cu pennak cu aa ṭhenmi pennak a si lai. Thir cu tlak he aa cawh caah khan ṭhir ṭhawnnak a tlawmpal cu a ngei lai.

BIAPHUAN 11:7

Cun bia chim awk an ngeihmi an chim dih tikah, dongh hngal lo khor thukpi chungin a hung chuakmi sahrang nih khan a doh hna lai. A tei hna lai i a thah hna lai;

BIAPHUAN 12:3

Cun van ah cun khuaruahhar a simi hmelchunhnak a dang pakhat a lang ṭhan. A ngan ngaingaimi limkeng senpi, lu pasarih le ki pahra a ngeimi kha a hung lang i a lu ah cun bawiluchin pakhat cio an um.

BIAPHUAN 13:11

Cun sahrang a dang pakhat vawlei chungin a hung chuah kha ka hmuh. Tuufa ki bantuk ki pahnih a ngei i limkeng bantukin bia a chim.

BIAPHUAN 13:14

Cun vawleicung i khua a sami vialte cu, khuaruahharnak a tuahmi khan a hlen hna; cu khuaruahharnak hna cu sahrang pakhatnak hmaika i tuahnak nawl pek a simi khuaruahharnak kha an si. Vainam in thahhrulhmi a si nain a nungmi sahrang upatnak caah khan milem pakhat nan ser lai, tiah vawlei cung mi vialte kha sahrang nih cun a ti hna.

BIAPHUAN 13:15

Sahrang pakhatnak milem chungah khan sahrang pahnihnak cu nunnak thaw khumhnak nawl pek a si i cucaah milem cu a holh kho i amah a bia lomi cu a thah hna.

BIAPHUAN 15:2

Khua ka hei zoh i mei he cawhmi thlalang rili he, aa lomi kha ka hmuh. Cun a min, nambar in chimmi sahrang le a milem a teitu hna kha ka hmuh hna. Annih cu thlalang rilikam ah khan an dir i Pathian nih a pekmi hna tingtang kha an i put.

BIAPHUAN 16:13

Cun thlarau thur pathum, utlak a lomi kha ka hmuh hna; limkeng kaa chung le sahrang kaa chung le nal profet kaa chungin an hung chuak.

BIAPHUAN 17:16

Ki pahra na hmuhmi le sahrang nih khan hlawhhlangnu kha an huat lai i a ngeihmi vialte kha an chuh dih lai i taklawng in an chiah lai; a sa kha an ei lai i amah cu mei in an khangh lai.

BIAPHUAN 17:3

Thlarau nih khan a ka tlaih i vancungmi nih khan thetse ram ah a ka kalpi. Cuka ah cun nu pakhat, sahrang sen cung i aa citmi kha ka hmuh i cu sahrang cu a tak khat in min ṭhalo aa ṭial; cu sahrang nih cun lu pasarih le ki pahra a ngei.

BIAPHUAN 17:5

A cal ah min pakhat aa ṭial i cu min cu sullam hleng a ngei. Cu min cu, “A liannganmi Babilon, vawlei cung hlawhhlangnu vialte le sual thurnak vialte nu,” ti a si.

BIAPHUAN 19:19

Rang cung i aa citmi le a ralkapbu kha doh awkah sahrang le vawlei cung siangpahrang hna cu an i pum.