BIAPHUAN 12:9 - Lai (Hakha) Common Language Bible 2006

⁹ Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

Laibaibal Thiang (BSI)

⁹ Cuticun Rul nganpi, Rulpi tar, Khuachia le Satan an timi, vawlei dihlak hlengtu cu a vancungmi vialte hna he vawlei ah an thlâk dih hna.

BIAPHUAN 12:9 ပူးပေါင်းရင်းမြစ်များ

GENESIS 3:1

Bawipa Pathian nih a sermi saram hna lakah rul hi a zer bik. Rul nih cun minu kha a thawh i, “Dum chung i a ummi thingthei hi a zeihmanh nan ei lai lo tiah Pathian nih an ti taktak hna maw?” tiah a hal.

GENESIS 3:13

Bawipa Pathian nih minu cu a thawh i, “Zeicahdah hihi na tuah?” tiah a hal. Minu nih cun, “Rul nih a ka hlen i a ka eiter,” tiah a leh.

1 CHANRELNAK 21:1

Satan nih Israel mi kha a doh hna i David kha Israel mi cu rel awkah a forh.

2 CHANRELNAK 18:21

Cun anih nih, ‘Ka va kal lai i a profet vialte hna kaa chungah nal thlarau ka va si lai,’ tiah a ti. Cun anih nih, ‘Na va lem hrimhrim lai i na va lem khawh taktak lai; va kal law cu bangin va tuah,’ tiah a ti.

SALM 109:6

Ka ral cu a bia a ceihpiaktu dingah mihrokhrawl kha thimpiak, cun amah ral lila pakhatkhat nih sual puh hna seh.

ISAIAH 14:12

Babilon siangpahrang, Deirel arfi ceu, nang cu vancung in na tla cang! Hlanah cun miphun tampi kha na rak tei hna, sihmanhsehlaw atu cu vawlei ah an in hlonh cang.

ISAIAH 27:1

Cu ni ah cun Leviathan rulpi, a kualh in aa kual i a ngerh in aa ngerhmi rulpi kha dantat awkah le rili chung i a ummi rulpi kha thah awkah a ṭhawng i a har ngaingaimi a vainam kha Bawipa nih a hman lai.

ISAIAH 65:25

Cenghngia le tuufa cu an tlong ṭi lai i chiandeih nih caw bantukin capawl an ei lai. Rul cu ṭih an nung ti lai lo i a rawl ah leidip a si lai. Ka tlang thiang Zion Tlang cungah cun i hliamkhuainak le i hrawhnak zeihmanh a um ti lai lo,” a ti.

EZEKIEL 28:16

Na chawlehnak kha a ngan tuk cang i phung zulh duh lonak kha na lung chungah a khat i a pingah na kal, Cucaah ningzahnak in Pathian tlang cung khan kan ṭhumh i Nangmah cawngtu cherub nih khan an dawi i, Mei bantukin sen himhiam in a linmi lunglak khan an ṭhawl.

MATTHAI 13:39

Cun belh a tuhtu kan ral kha Khuachia a si. Rawl ṭuan caan hi, chan dongh caan a si i rawl ṭuantu hna cu vancungmi hi an si.

MATTHAI 24:24

Zeicahtiah nal messiah le nal profet kha an chuak lai i Pathian mithim hna hmanh kha a si khawh ahcun hlen khawhnak ding caah hmelchunhnak le khuaruahhar nganngan an ser hna lai.

MATTHAI 25:41

“Cun a kehlei i a ummi hna cu, ‘Nannih, Pathian nih chiat a serhmi hna, kal ko u, Khuachia le a vancungmi hna ca i timh a simi zungzal mit lo mei chungah cun va kal ko u.

MATTHAI 4:1

Cun Thlarau nih Jesuh cu, Satan nih rak tukforh awkah, ramlak ah a kalpi.

MATTHAI 4:10

Cun Jesuh nih a leh i, “Satan, va kal cang, Cathiang nih pei, ‘Bawipa na Pathian cu va bia law, amah rian lawnglawng va ṭuan,’ a ti kha,” tiah a ti.

MATTHAI 4:5

Khuachia nih cun Jesuh cu khua thiang ah khan a kalpi i biakinn parpahlek ah khan a chiah.

MATTHAI 4:8

Cun Khuachia nih cun Jesuh cu tlang sang ngaingaimi pakhat ah a kalpi i vawleicung ram vialte le an sunparnak vialte kha a hmuhsak i,

LUKA 10:18

Jesuh nih a leh hna i, “Satan kha van in nimtlau bantukin a tlak kha ka hmuh.

LUKA 13:16

Atu hika i a ummi nu Abraham fanu, Satan nih kum hleiriat chung a hrenmi hi Sabbath ni ah hin phoih awk a si hnga lo maw?” tiah a ti.

LUKA 22:3

Khi tikah zultu pahleihnih hna lak i aa tel vemi Judas Iskariot an timi chungah khan Satan cu a lut.

LUKA 22:31

Jesuh nih, “Simon, Simon, ngai-hmanh. Lothlotupa nih facang cu a fang le a hi a thleidan bantukin Satan nih nannih cu nan dihlak in hneksaknak nawl kha a hmuh cang.

LUKA 8:12

Lam i a tlami thlaici cu, a theih cu a theimi an si ko: asinain khuachia nih a rathnawh hna i an lung chungin thlaici kha a chuahpiak ṭhan hna caah a zum lo i khamhnak a hmu lomi kha an si.

JOHAN 12:31

Atu cu vawlei hi a biaceih caan a si cang; atu cu hi vawlei uktu hi tei a si cang lai.

JOHAN 14:30

Hi vawlei uktupa hi a rat dengmang cang caah bia saupi kan ruah kho ti hna lo. Ka cungah nawl ngeihnak cu zeihmanh a ngei lo,

JOHAN 16:11

cun hi vawlei uktupa hi a bia ceih a si cang caah hin biaceihnak kong ah an palh.

JOHAN 8:44

Nannih cu nan pa Khuachia fa kha nan si i tuah nan duhmi cu nan pa duhnak kha a si. Amah cu a hramthawk tein lainawng a rak si. Biatak kha zeitikhmanh ah a ṭanh bal lo, zeicahtiah a chungah biatak zeihmanh a um lo. Lih a chim tikah a tuah tawn zungzalmi kha a tuah a si ko, zeicahtiah anih cu milihchim a si i lih vialte pa a si.

LAMKALTU 26:18

Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

LAMKALTU 5:3

Peter nih anih cu a rak thawh i, “Ananias, zeicahdah Satan cu na lung kha na ukter i na lo man ah na hmuhmi tangka a cheu kha naa chiah i Thiang Thlarau sinah lih na chim?

ROM 16:18

Zeicahtiah cu bantuk rian a ṭuanmi cu kan Bawipa Khrih rian an ṭuan kha a si lo i anmah duhnak tu an tuah kha a si deuh. An hmurka ṭha le an mi hloi thiamnak in lungmawng zaran vialte kha an hlen hna.

ROM 16:20

Cun Pathian, kan daihnak tihna nih cun, Satan kha nan ke tangah a rial tuan lai. Kan Bawipa Jesuh vel cu nan sinah um ko seh.

2 KORIN 11:14

Cucu khuaruahhar awk a si lo, zeicahtiah Satan hmanh nih pei ceunak vancungmi bantuk aa siter khawh cu.

2 KORIN 11:3

Evi cu rul nih a zernak le lih in a hlen bantuk khan nannih zong nan lungthin kha a thu sual lai i thiang tein Khrih nan tlaihchannak kha nan ngol sual lai ti ka phang.

2 KORIN 12:7

Sihmanhsehlaw ka hmuhmi thil khuaruahhar a tam ruangah porhlaw ruamkai in ka um sualnak hnga lo ka pum ah hin hling pakhat a ka chiah i cu hling Satan lamkaltu cu porhlaw in ka um sualnak hnga lo a ka dawntu dingah a hman.

2 KORIN 2:11

cuti ka ngaihthiam cu Satan nih khan kan tei sual hlah seh ti ka duh caah a si, zeicahtiah Satan thil tining cu fiang tein kan hngalh ko.

2 KORIN 4:4

Annih nih zeicahdah an zumh lo ti ahcun, hi vawlei khuazing ṭhalo nih hin an lungthin cu mui lakah a chiah peng hna caah a si. An cung i a ceumi ceunak cu hmu loin a umter hna, cu ceunak cu Khrih sunparnak kong Thawngṭha in a rami a si i Khrih cu Pathian bantuk taktak a si.

EFESA 4:14

Midang a palhter tawntu hlenthiammi hna cawnpiaknak tilet le thlichia bantuk a simi nih a kenkip ah a choihmi ngakchia bantuk hna si ti loin,

2 THESALON 2:3

Ahohmanh i hlenter hna hlah u. Zeicahtiah cu Ni cu donghnak ral thawhnak a phanh hlan le hell kal ding a simi Miṭhalo Pa a chuah hlanah cun, a phan lai lo.

1TIMOTE 2:14

Hlen khawhmi cu Adam kha a si ṭung lo, nu kha pei a si i Pathian nawl zong a buar kha.

2TIMOTE 3:13

sihmanhsehlaw miṭhalo le chungthu lengnal pawl cu a ṭhalo chin lengmang khan an um lai i midang kha an hlen lengmang hna lai i anmah le anmah zong kha an i hleng lengmang lai.

HEBRU 2:14

Cun ngakchia tiah a timi hna cu, thi le sa in a nungmi minung an si bantukin, Jesuh zong cu anmah bantuk ah a run i cang i an sining kha aa hrawm ve. Cu bantukin a si cu, thihnak cung i nawl a ngeitu Khuachia kha, a thihnak thawng cun a hrawh nakhnga le

1 PETER 5:8

Fimhring tein um u, ralring tein um u! Nan ral Khuachia cu, seh awk kawl ah, chiandeih bangin a vak cuahmah ko.

1JOHAN 5:19

Vawlei hi a pumpi in Miṭhalopa kut tangah a um nain kannih cu Pathian mi kan si ti kha kan hngalh.

JUDAS 1:9

Vancungmi lak i upa bik Mikhael hmanh, cu bantuk cun a um lo. Moses ruak cu aho nih dah a co lai, ti i Khuachia he an i al lioah khan, Mikhael nih cun Khuachia kha serhsat in sual a phaw ngam lo. “Bawipa nih an sik,” ti tu in a ti.

BIAPHUAN 12:12

Cucaah cun nannih van hna le khika i a ummi vialte hna, i lawm tuah u. Sihmanhsehlaw vawlei le rili caah cun ṭihnung a va si hringhran dah! Zeicahtiah Khuachia cu nan sinah a rung ṭum cang i cu pinah caan tawite lawnglawng ka ngei ti kha a hngalh fawn caah a thin a linh in a lin ko,” tiah a ti.

BIAPHUAN 12:3

Cun van ah cun khuaruahhar a simi hmelchunhnak a dang pakhat a lang ṭhan. A ngan ngaingaimi limkeng senpi, lu pasarih le ki pahra a ngeimi kha a hung lang i a lu ah cun bawiluchin pakhat cio an um.

BIAPHUAN 12:7

Cun van ah khin raldohnak a um. Mikhael le a vancungmi hna nih khan limkeng cu an doh i limkeng nih cun a vancungmi hna he a rak doh ve hna.

BIAPHUAN 12:8

Sihmanhsehlaw limkeng cu a sung i amah le a vancungmi hna cu van ah umnak nawl an ngei ti lo.

BIAPHUAN 13:14

Cun vawleicung i khua a sami vialte cu, khuaruahharnak a tuahmi khan a hlen hna; cu khuaruahharnak hna cu sahrang pakhatnak hmaika i tuahnak nawl pek a simi khuaruahharnak kha an si. Vainam in thahhrulhmi a si nain a nungmi sahrang upatnak caah khan milem pakhat nan ser lai, tiah vawlei cung mi vialte kha sahrang nih cun a ti hna.

BIAPHUAN 16:14

Annih cu khuachia thlarau, khuaruahharnak a tuah khomi kha an si. Cu thlarau pathum hna cu vawleicung khuazakip ah khan an kal i vawleicung siangpahrang vialte kha an pumh hna. Cu bantukin hmunkhat ah an pumh hna cu, Lianngan Bik Pathian ni lianngan ni ah pakhat le pakhat i do hna seh ti caah a si.

BIAPHUAN 18:2

Fak piin a au i, “Nu kha a ril cang! Babilon Khualipi kha a tlu cang. Khuachia le thlarau thur nih an umhnawh cang i a thurhnawmmi le fihnung a simi vate a phunphun in a khat cang.

BIAPHUAN 18:23

A chungah meiinn ceu a um ti lai lo; nupi ṭhi tlangval le va ngeimi ngaknu conglawmhnak thawng zong a um ti lai lo. A chung i a rak ummi chawlet pawl cu vawlei cung ah a ṭhawng bik an rak si i hlennak mitleh thiamnak in vawlei cung mi vialte kha an hlen dih hna,” a ti.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

BIAPHUAN 2:13

Na umnak hmun kha ka hngalh; Satan nih a bawiṭhutdan a chiahnak hmun a si kha ka hngalh. Ka cungah zumhawktlak in na um i keimah ca i zumhawktlak a simi tehte Antipas kha Satan umnak hmun i an thah ah khan, na zumhnak cu na ṭhial tak hlei lo.

BIAPHUAN 2:24

Sihmanhsehlaw Thiatira khua i a ummi a dang nih cun hi cawnpiaknak ṭhalo cu nan zul lo i midang nih, “Satan biathli thuk,” an timi cu nan hngal lo. Nannih cungah cun thilrit khinh kan duh hna lo.

BIAPHUAN 2:9

Na harnak kha ka hngalh ko hna; sifak na si kha ka hngalh — sihmanhsehlaw a ngaingai ti ahcun a rummi na si. Judah mi a si lo nain Judah mi ka si aa timi hna nih an in thangchiatnak kha ka hngalh; annih cu Satan ta a simi bu an si!

BIAPHUAN 20:10

Cun annih a hlengtu hna, Khuachia kha, mei le kat tili chungah khan an paih, cuka cu sahrang le nal profet an rak thlaknak hna kha a si; cuka ah cun chunzan in zungzal hrem an si zungzal ko lai.

BIAPHUAN 20:8

vawlei kil li ah aa ṭhekmi miphun vialte kha hlen awkah aa thawh lai, cu hna cu Gog le Magog kha an si. Satan nih cun i tuk awkah a pumh ciammam hna lai i rili kam thetse zat an si lai.

BIAPHUAN 3:9

Ngai hmanh! Judah mi kan si tiah aa ti i a si ṭung lomi, milihchim pawl, Satan ta a simi kha, na hmaiah ka ratter hna lai i na ke hramah ka kunter hna lai. Annih nih an dihlak in, kan dawt kha, an hngalh lai.

BIAPHUAN 9:1

Cun vancungmi panganak nih khan a muko cu a vun tum, van in vawlei ah arfi pakhat a tlami ka hmuh; dongh hngal lo khor tawh kha amah cu an pek.

BIAPHUAN 9:20

Hi hremnak pathum nih a thah lomi, a taangmi minung hna nih khan, anmah nih an ser chommi thil kha an mertak hlei hna lo. Khuachia biak kha an ngol lo i sui le ngun le dar le lung le thing in sermi siasal, khua zong a hmu kho lomi, a theih zong a thei kho lomi, a kal zong a kal kho lo mi biak kha an ngol hlei fawn lo.