BIAPHUAN 12:7 - Lai (Hakha) Common Language Bible 2006

⁷ Cun van ah khin raldohnak a um. Mikhael le a vancungmi hna nih khan limkeng cu an doh i limkeng nih cun a vancungmi hna he a rak doh ve hna.

Laibaibal Thiang (BSI)

⁷ Cun vanah ral dohnâk a rak um: Mikhael le a vanmi hna nih Rulpi kha an doh. Rulpi le a vanmi hna zong nih an doh ve hna,

BIAPHUAN 12:7 ပူးပေါင်းရင်းမြစ်များ

SALM 78:49

Ṭih a nungmi a thinhunnak kha an cungah a thlet hnawh hna i hrawktu vancungmi a thlahhnawhmi hna nih khan harnak tampi an pek hna.

ISAIAH 34:5

Van ah khin Bawipa nih a nam cu a timh cang i hrawh awkah a ruah cangmi Edom kha atu cu a tuk lai.

ISAIAH 55:4

Amah cu miphun tampi hruaitu le uktu ah ka ser i amah thawngin ka lianhngannak kha ka langhter.

DANIEL 10:13

Sihmanhsehlaw Persia pennak a zohkhenhtu vancungmi nih khan ni kul le ni khat a ka kham. Cun Persia ram ah khan keimah lawngin kaltak ka si caah vancungmi bawi bik pakhat nih khan a ra ka bawmh.

DANIEL 12:1

Khi caan ah a nganmi vancungmi, na miphun a zohkhenhtu hna, Mikhael kha a hung chuak lai, Cun hi miphun nih miphun an si hramthawk in an tonmi harnak, harnak ṭhalo bik kha a tlung lai. Sihmanhsehlaw khi caan ah cun Pathian cauk chungah an min khumh a simi na mi hna cu an luat lai.

MATTHAI 13:41

Mi Fapa nih hin vancungmi kha a thlah hna lai i a Pennak chung i ṭhat lonak a tuahtu vialte hna le mi a sualtertu vialte hna kha an pumh hna lai i

MATTHAI 16:27

Mi Fapa hi ka Pa sunparnak in tuan ah ka vancungmi hna he ka ra lai i mi vialte kha an rian ṭuan ning cio in laksawng ka pek hna lai.

MATTHAI 24:31

Muko nganpi cu an tum lai i a vancungmi kha vawlei kil li ah a thlah hna lai i vanrang toi khuazakip in a mithim hna kha a pumh hna lai.

MATTHAI 25:41

“Cun a kehlei i a ummi hna cu, ‘Nannih, Pathian nih chiat a serhmi hna, kal ko u, Khuachia le a vancungmi hna ca i timh a simi zungzal mit lo mei chungah cun va kal ko u.

MATTHAI 26:53

Ka pa kha bawmhnak ka hal khawh ko i khulrang in vancungmi ralkap bu hleihnih a run ka thlah khawh ko ti kha na hngal lo maw?

2 KORIN 12:7

Sihmanhsehlaw ka hmuhmi thil khuaruahhar a tam ruangah porhlaw ruamkai in ka um sualnak hnga lo ka pum ah hin hling pakhat a ka chiah i cu hling Satan lamkaltu cu porhlaw in ka um sualnak hnga lo a ka dawntu dingah a hman.

EFESA 6:12

Zeicahtiah kan dohmi hna cu minung kha si loin, vancung khua i a ummi thlarau sual ṭhawnnak hna le uktu hna le nawl ngeitu hna le hi a muimi chan lianhngannak hna hi an si.

2 THESALON 1:7

sifah a ingmi nan cung le kanmah cung zongah damnak a tlunter lai. Bawipa Jesuh nih a vancungmi miṭhawng hna le

HEBRU 2:10

Zeizong vialte a ser i a zohkhenhtu Pathian nih, a sunparnak i fa tampi phakter awkah, Jesuh cu harnak innak in mi tling ah a ser cu aa tlakmi thil hrimhrim a si, zeicahtiah Jesuh cu khamhnak ah a phakpitu hna a si.

2 PETER 2:4

A sualmi vancungmi kha Pathian nih a zuah hna lo i hell ah a thlak hna, khika mui lakah thir cikcin in an hren hna i Biaceih Ni kha an hngak ko.

JUDAS 1:9

Vancungmi lak i upa bik Mikhael hmanh, cu bantuk cun a um lo. Moses ruak cu aho nih dah a co lai, ti i Khuachia he an i al lioah khan, Mikhael nih cun Khuachia kha serhsat in sual a phaw ngam lo. “Bawipa nih an sik,” ti tu in a ti.

BIAPHUAN 12:8

Sihmanhsehlaw limkeng cu a sung i amah le a vancungmi hna cu van ah umnak nawl an ngei ti lo.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

BIAPHUAN 13:7

Pathian mi kha doh awk le tei awkah onh a si i phun kip ram kip holh kip le mi kip cungah nawlngeihnak nawl pek a si.

BIAPHUAN 20:2

Rulhreu, limkeng kha a tlaih i kum thong khat a hren — cu limkeng cu Khuachia, asiloah, Satan kha a si.