BIAPHUAN 12:6 - Lai (Hakha) Common Language Bible 2006

⁶ Minu cu Pathian nih a rak timhpiak cangmi hmun ah thetse ram ah khan a zam i khika ah ni thong khat le ni za hnih le ni sawm ruk an rak zohkhenh.

Laibaibal Thiang (BSI)

⁶ Minu tu cu ramcar ah Pathian nih a timhlamh piakmi hmun ah a zâm. Cuka ah ni 1260 chung an cawm lai.

BIAPHUAN 12:6 ပူးပေါင်းရင်းမြစ်များ

DANIEL 12:12

Ni thong khat za thum le sawm thum panga a dih tiang zumhawktlak tein a ummi hna cu thluachuakmi an si.

MATTHAI 4:11

Cun Khuachia nih cun a kaltak i vancungmi kha an ra i an rung hramh.

BIAPHUAN 12:14

Thetse ram chung i aa thuhnak ding hmun i va zuannak ding caah khan minu cu mupi nganpi thla pahnih an pek i cuka hmun ah cun kum thum le a cheu an rak zohkhenh lai caah rulpi nih khan zeihmanh a ti kho lai lo.

BIAPHUAN 12:4

A mei in arfi cheu thum cheu khat kha vancung cun a run kuaih ciammam hna i vawlei ah a thlak hna. Nau a hring dengmangmi nu hmaiah cun a dir i cu a dir cu a fa kha a chuah cangka in ka ei lai ti a duh caah a si.

BIAPHUAN 13:5

Sahrang cu a ṭhalo tuk hringhranmi thil kha chim onh a si i thla sawm li le thla hnih chung nawlngeihnak ngeih onh a si.

BIAPHUAN 17:3

Thlarau nih khan a ka tlaih i vancungmi nih khan thetse ram ah a ka kalpi. Cuka ah cun nu pakhat, sahrang sen cung i aa citmi kha ka hmuh i cu sahrang cu a tak khat in min ṭhalo aa ṭial; cu sahrang nih cun lu pasarih le ki pahra a ngei.