BIAPHUAN 11:7 - Lai (Hakha) Common Language Bible 2006

⁷ Cun bia chim awk an ngeihmi an chim dih tikah, dongh hngal lo khor thukpi chungin a hung chuakmi sahrang nih khan a doh hna lai. A tei hna lai i a thah hna lai;

Laibaibal Thiang (BSI)

⁷ An hngalhternâk bia an chim dih in taw a ngei lomi khor chungin a rak chuakmi sahrang nih a doh hna lai i tei in a thah hna lai.

BIAPHUAN 11:7 ပူးပေါင်းရင်းမြစ်များ

DANIEL 7:25

Cung Nung Bik kha zeihmanh ah a rel lai lo i Cung Nung Bik mithiang hna kha a hrem hna lai. An biaknak phung a si tawnmi caan le phung hna kha thlen a timh hna lai i mithiang hna cu a kut chungah kum thum le a cheu an um lai.

LUKA 13:32

Jesuh nih cun a leh hna i, “Va kal u law, cu cenghngia cu, ‘Nihin le thaizing ah khuachia kha ka ṭhawl hna lai i damnak kha ka tuah lai, cun a ni thum ni ah ka rian cu ka lim lai,’ a ti, tiah va chim u.

LUKA 8:31

Khuachia nih khan Jesuh cu dongh hngal lo khor thukpi chungah khan kan thla sawh hlah tiah an nawl.

JOHAN 17:4

Vawlei cungah na sunparnak cu ka langhter cang; na ka fialmi rian cu ka lim cang.

JOHAN 19:30

Jesuh nih mitsur zu thor cu a vun dawp i, “Aa lim cang,” tiah a ti. Cun a lu a khun i a thi.

LAMKALTU 20:24

Sihmanhsehlaw Bawi Jesuh nih a ka fialmi rian, Pathian velngeihnak Thawngṭha chim hi ka lim khawh paoh ahcun ka nunnak hi cu zeihmanh ah ka rel lo.

2TIMOTE 4:7

Tlik zuamnak ah khan ka tha a dihumnak in ka chuah cang, a dongh tiang khitkhet in ka tli cang, zumhnak kha fek tein kaa tlaih zungzal.

BIAPHUAN 11:3

Ka tehte pahnih kha ka thlah hna lai, annih cu buri an i aih lai i ni thong khat le za hnih le sawm ruk chung Pathian bia kha an chim lai.

BIAPHUAN 12:17

Limkeng cu minu cungah khan a thin a hung ngaingai i minu tefa a tang rihmi vialte hna doh awkah khan aa thawh; cu hna cu Pathian nawlbia a ngai i Jesuh nih a phuanmi biatak, zumh awk tlak tein aa tlaihmi kha an si.

BIAPHUAN 13:11

Cun sahrang a dang pakhat vawlei chungin a hung chuah kha ka hmuh. Tuufa ki bantuk ki pahnih a ngei i limkeng bantukin bia a chim.

BIAPHUAN 13:7

Pathian mi kha doh awk le tei awkah onh a si i phun kip ram kip holh kip le mi kip cungah nawlngeihnak nawl pek a si.