BIAPHUAN 11:5 - Lai (Hakha) Common Language Bible 2006

⁵ Harnak pek a zalmi hna paoh kha an kaa chungin a chuakmi mei in an thah hna; hi bantukin harnak pek a timtu hna paoh cu thah an si lai.

Laibaibal Thiang (BSI)

⁵ Cun mizei hmanhnih fahnâk pêk an duh tikah ankâ chung in mei a rak chuak i an ral kha a kangh hna. Cubantukin fahnâk pêk a timtu pauh cu hi bangin thah a si lai.

BIAPHUAN 11:5 ပူးပေါင်းရင်းမြစ်များ

SALM 18:8

A hnar chungin meikhu an chuak i a kaa chungin a hliau in aa hliaumi meizik an chuak.

ISAIAH 11:4

Sifakmi kha an bia ṭha tein a ceihpiak hna lai i nauta pawl kha a ṭanh hna lai. Amah nawl pekning in ram cu dantat a si lai i mi ṭhalo cu an thi lai.

JEREMIAH 1:10

Zohhmanh nihin ah hin nangmah cu miphun hna cung le pennak hna cungah, phawi awk le ṭheh awkah, hrawh awk le hral awkah, sak awk le phun awkah kan chiah cang,” tiah a ti.

JEREMIAH 5:14

Cucaah Bawipa Ralkapbu Pathian nih a ka chimhmi bia cu hihi a si: “Hi bia hi an chim caah, ka bia cu na kaa chungah mei ah ka canter lai i Hi mi hna hi thing ah ka canter hna lai i, mei nih cun a kangh dih hna lai.”

EZEKIEL 43:3

A mui ka hmuhmi cu khuapi kha hrawh awk i a rat lio i ka hmuhmi bantuk kha a si. Kebar tiva pawng i ka hmuhmi bantuk kha a si i vawlei ah ka bawk.

HOSEA 6:5

Cucaah nan cung i biaceihnak bia le rawhralnak bia a chimtu ka profet cu kan thlahhnawh hna. Ka mi nih tuah hna seh tiah kan duhmi hna cu a fiang i a tliang ko:

ZEKHARIAH 1:6

Sihmanhsehlaw ka profet hna sinah ralrinnak bia le biachahnak bia ka pekmi hna nih khan nan pupa hna cu a phak hna a si lo maw? Khi tikah annih nih i ngaihchih in, ‘Ralkapbu Bawipa nih aa timhning bantukin kan cungah a tuah cang; kan nunning le kan tuahsernak he aa tlakning in kan cungah a tuah,’ tiah an ti lo maw?” tiah a ti.

ZEKHARIAH 2:8

Nanmah an ramhtu hna miphun hna sinah khan ralkapbu Bawipa nih rian a ka fial tikah a chimmi bia cu hihi a si, nanmah an tawngtu hna cu anmah an mit falai aa tawngmi an si.

BIAPHUAN 13:13

Sahrang pahnihnak nih cun khuaruahhar ngan pipi kha a tuah hna; mi vialte mit hmuh ah vancung in mei kha vawlei ah a tlakter.

BIAPHUAN 9:17

Cun langhnak ka hmuhmi ah cun rangtum hna le an cung i aa citmi cu ka hmuh hna: an ṭangphaw cu mei bantukin a sen, safaiar lungvar bantukin a dum i kat bantukin a eng. Rangtum cu an lu chiandeih lu bantuk an si i an kaa chungin mei le meikhu le kat kha an chuak.