BIAPHUAN 11:3 - Lai (Hakha) Common Language Bible 2006

³ Ka tehte pahnih kha ka thlah hna lai, annih cu buri an i aih lai i ni thong khat le za hnih le sawm ruk chung Pathian bia kha an chim lai.

Laibaibal Thiang (BSI)

³ Cun ka biahngaltu pahnih hna sinah thiltikhawhnâk ka pêk hna lai, cuticun buri puan aih in ni 1260 chung bia an phuan lai,” tiah a ti.

BIAPHUAN 11:3 ပူးပေါင်းရင်းမြစ်များ

GENESIS 37:34

Jakob nih a thilpuan kha a thleh hna i a tai ah a ngaihchiat langhternak ah puan nak aa menh i saupi a fapa cu a ṭah lengmang.

2 SAMUEL 3:31

Cun David nih Joab le a sin i a ummi vialte kha a thawh hna i, “Nan puan kha thlek hna u law, buri kha i aih u law, Abner kha ngai tuah u,” tiah a ti hna. Cun Siangpahrang David nih ruakkuang kha a zulh.

1 SIANGPAHRANG 21:27

Cun mah bia cu Ahab nih a theih tikah, a puan kha a thleh hna i a tak cungah puanchia aa hruk i rawl a ul i lungpur ngaiin aa chawk.

2 SIANGPAHRANG 19:1

Hezekiah Siangpahrang nih a theih tikah, a puan a thleh i buri aa aih i Bawipa inn chungah a lut.

1 CHANRELNAK 21:16

Cun David nih khua a hun zoh i van le vawlei karah Bawipa vancungmi a dir kha a hmuh, a kut in vainam phawi cia aa put i Jerusalem lei kha a sawh. Khi tikah David le upa hna cu buri an i aih i vawlei ah an bawk.

NEHEMIAH 9:1

Cun hi thla ni li ni ah Israel mi hna cu rawl ul le khum puan i aih le an lu i vawlei dip i phulh in an i pum.

JOB 16:15

Ka cuar huhnak caah puanchia kaa ṭhit i ka samtom cu leidip chungah ka nawh.

SALM 69:11

Zuun ngaihnak thuam in kaa thuam i capo ah an ka saih.

ISAIAH 22:12

Bawipa Ralkapbu Pathian nih cun, ṭah awk le mitthli tlak awk le nan lu i kongh awk le buri i aih awkah an auh hna.

JEREMIAH 1:10

Zohhmanh nihin ah hin nangmah cu miphun hna cung le pennak hna cungah, phawi awk le ṭheh awkah, hrawh awk le hral awkah, sak awk le phun awkah kan chiah cang,” tiah a ti.

ṬAHNAK HLA 2:10

Zion fanu upa hna cu vawlei ah an ṭhu i an hrum; An lu cungah leidip an i phulh i Buri kha an i aih; Jerusalem ngaknu thiang hna nih Vawlei ah an lu kha an khun.

EZEKIEL 4:6

Mah hi vialte hi na lim tikah na orhlei hrap in na it ṭhan lai i Judah ṭhat lonak cu ni sawm li na in lai; ni khat cu kum khat caah rel a si lai.

DANIEL 12:7

Puan hmangṭhia aa aihmi nih cun a kehlei kut le a orhlei kut kha van leiah a hler hna i, “Caan khat, caan hnih le caan cheu chung a si lai; mithiang mi hna a hremtu hna kha a donghnak caan a phak ve tikah hi thil vialte cu an donghnak an phan ve lai,” tiah zungzal a nungmi Pathian min chalh in chiat a ser kha ka theih.

DANIEL 7:25

Cung Nung Bik kha zeihmanh ah a rel lai lo i Cung Nung Bik mithiang hna kha a hrem hna lai. An biaknak phung a si tawnmi caan le phung hna kha thlen a timh hna lai i mithiang hna cu a kut chungah kum thum le a cheu an um lai.

DANIEL 8:14

Cun lehnak bia cu a hung chuak i, “Zinglei raithawinak thong hnih le za thum, zanlei raithawinak thong hnih le za thum an tlin tiang a si lai; cun Biakinn cu remh ṭhan a hung si lai,” tiah a ti.

JOEL 1:13

Bawipa biakṭheng cungah thawinak a pechantu nannih tlangbawi hna, Ngaihchiatnak thil kha i hruk u law ṭap u, Biakinn chungah khan va kal u law, ngaihchiatnak thilthuam i hruk in zan khua va dei u. Nan Pathian inn chung i pekchanh awkah rawl siseh, mitsur hang siseh, zeihmanh a um lo.

JONAH 3:5

Nineveh khuami nih cun Pathian bia cu an zumh. Zapi rawl ulhnak kan tuah lai i a hme bik in a ngan bik tiang, a mi kip nih buri kan i hruk lai, an ti.

JONAH 3:8

Nan dihlak in buri nan i aih lai i Pathian sinah biatak tein thla nan cam cio lai. Cun nan ziaza ṭhalo kha nan hlawt hna lai i zaang-ennak nan tuah lengmangmi kha nan hlawt hna lai.

NAMBAR 11:26

Riahhmun ah mi pahnih an rak tang i pakhat cu a min ah Eldad a si i pakhat cu a min ah Medad a si i, annih cungah thlarau kha a um; annih cu minthlakmi lakah khan aa telmi an si ve nain thlam ah khan an kal lo i cucaah riahhmun ah khan bia an chim cuahmah ko.

MATTHAI 11:21

“Khorazin khua, na caah ngaihchia a va si dah. Bethsaida khua zong na caah ngaihchia a va si dah. Nan chung i khuaruahharnak ka tuahmi vialte hi Tair le Sidon khua ah rak tuah hna ning law, cu khua mi hna cu puanchia i aih le vutcam i phulh in an i ngaihchih diam cang hnga!

MATTHAI 18:16

Sihmanhsehlaw na bia a ngaih duh lo ahcun, Cathiang nih, ‘Sual puhnak paohpaoh cu ahmaan hmaanlo ti hngalhnak caah tehte pahnih maw pathum dik a hau,’ a ti bang khan, mi dang pakhat maw pahnih dik naa kalpi hna lai.

LUKA 10:13

“Maw Khorazin khua, na caah zeitluk ṭihnung dah a si? Bethsaida zong, na caah zeitluk ṭihnung dah a si ve? Na chung i ka tuahmi khuaruahharnak hna hi Tair le Sidon khua ah khan rak tuah hna ning law khika i a ummi minung hna cu, an nunning an i thlen langhternak caah puanchia aih in le vutcam i phulh in an ṭhu diam cang hnga!

LUKA 24:48

Cun nannih cu hi thil vialte a hngaltu tehte nan si.

JOHAN 15:27

Cun nannih zong nih a hramthawk tein ka sin i a ummi nan si caah keimah kong kha nan chim ve lai.

JOHAN 3:27

Johan nih cun a thawh hna i, “Pathian nih a pek hna dah ti lo ahcun ahohmanh nih zeihmanh an ngei kho lo.

LAMKALTU 1:8

Asinain Thiang Thlarau nan cung i a tlun tikah cun, ṭhawnnak in nan khat lai i Jerusalem khua le Judea ram vialte le Samaria ram ah le vawlei cung khuazakip ah ka tehte nan si lai,” tiah a ti hna.

LAMKALTU 13:31

amah sin i Galilee in Jerusalem tiang khual a tlawng tawnmi hna sinah khan voi tampi a lang. Annih cu Israel mi sin i a tehte an si.

LAMKALTU 2:32

Pathian nih hi Jesuh hrimhrim hi mithi hna sin cun a thawhter i hi thil tehte a khangtu cu kanmah hi kan si.

LAMKALTU 3:15

Cucaah nunnak lam ah mi a hruaitu cu nan thah. Sihmanhsehlaw amah cu Pathian nih mithi hna sinin a thawhter i cu a thawhternak tehte cu kanmah hi kan si.

1 KORIN 12:28

Cu bantukin khrihfabu chungah hin Pathian nih mi cu an um nakhnga ding cio ah khan a chiah hna: a hmasa bik ah lamkaltu pawl, a pahnihnak ah profet pawl, a pathumnak ah cawnpiaktu pawl, cun cu hna a hun zultu ah khuaruahhar a tuahtu pawl, cun cu hna a hun changtu ah damter khawhnak pek a simi pawl, asiloah mi bawmh khawhnak pek a simi pawl, asiloah mi hruai khawhnak pek a simi pawl, asiloah holhtheihlo in holh khawhnak pek a simi pawl,

2 KORIN 13:1

Atu hi kan tlawn hna a voi thumnak a si lai. Cathiang nih a ti bantukin, “Sual i puhnak cu tehte pahnih nih maw pathum nih maw, ahmaan an ti awk a si.”

EFESA 4:11

“Mi kha laksawng a petu hna” cu amah kha a si; a cheu cu lamkaltu ah a ser hna i a cheu cu profet ah a ser hna, a cheu cu Thawngṭha chimtu ah a ser hna i a cheu cu pastor le cawnpiaktu ah a ser hna.

DEUTERONOMI 17:6

Thih awk hnga a simi cu biahngaltu pahnih maw pathum hna chimnak in thah a si lai; biahngaltu pakhat chimnak in cun ahohmanh thah an si lai lo.

DEUTERONOMI 19:15

“Mi pakhatkhat cu tuahnak ṭhalo kongah siseh, nawl buarnak a tuahmi he aa tlaimi sualnak kongah siseh, biahngaltu pakhat lawng cu a za lai lo; biahngaltu pahnih maw pathum hna nih an chimnak lawngin sualpuhnak cu fehter a si lai.

BIAPHUAN 1:5

Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i

BIAPHUAN 11:2

Asinain biakinn lenglei tual kha cu va ngaan rih hna. Va tah rih hna hlah, zeicahtiah kha tual kha cu Pathian a bia lomi, thla sawm li le thla hnih chung, Khua Thiang a naang ding hna ca i chiahmi an si.

BIAPHUAN 11:6

Van kharnak nawl kha an ngei i cucaah cun Pathian bia an chim chung cu ruah a sur lai lo. Cerhti put zong kha thi i canternak nawl an ngei fawn. Cun vawlei zong kha an duh tik caan paoh ah hremnak a phunphun in hremnak nawl an ngei.

BIAPHUAN 12:6

Minu cu Pathian nih a rak timhpiak cangmi hmun ah thetse ram ah khan a zam i khika ah ni thong khat le ni za hnih le ni sawm ruk an rak zohkhenh.

BIAPHUAN 13:5

Sahrang cu a ṭhalo tuk hringhranmi thil kha chim onh a si i thla sawm li le thla hnih chung nawlngeihnak ngeih onh a si.

BIAPHUAN 19:10

Amah biak awkah a ke hramah ka bawk, sihmanhsehlaw a ka thawh i, “Bawk hlah. Keimah zong nangmah bantukin Pathian sal ka si ve, Jesuh nih a phuanmi biatak aa tlaihmi nan unau hna lak i pakhat ka si ve. Pathian tu bia tuah,” a ti. Profet hna kha lungthawhnak a petu cu Jesuh nih a phuanmi biatak kha a si.

BIAPHUAN 20:4

Cun bawiṭhutdan hna le a cung i a ṭhumi hna kha ka hmuh hna; annih cu biaceihnak nawl kha pek an si. Jesuh nih a phuanmi biatak le Pathian bia an chim ruangah thahnak a ingmi thlarau hna zong kha ka hmuh hna. Sahrang kha an bia lo, a milem zong an bia lo, an cal le an ban zongah sahrang hmelchunhnak kha an ngei lo. An hung nung i Khrih he cun siangpahrang bantukin kum thong khat chung uktu bawi an si.