BIAPHUAN 11:18 - Lai (Hakha) Common Language Bible 2006

¹⁸ Atu caan hi na thinhunnak a rat caan le Mithi hna biaceih caan a si caah, Pathian bia lomi cu an thin a hung ngaingai. Cun atu caan hi na sal na profet hna le na mi vialte hna le nangmah an ṭihtu vialte hna kha, A hme a ngan thlu loin laksawng pek caan a si fawn. Cun vawlei a hrawktu hna hrawh caan kha a si,” an ti.

Laibaibal Thiang (BSI)

¹⁸ Miphun hna cu an thin a hung i na thinhunnâk a rak phân ve ai. Mithi hna ca i na biaceihnâk a phâk lioah na sal profet hna le mithiang hna caah ṭuanman na pêk cân a si. Na min a ṭhzahtu milian le mihme hna tiangin vulei hrawktu hna na hrawh hna cân a phân cang,” tiah an ti.

BIAPHUAN 11:18 ပူးပေါင်းရင်းမြစ်များ

SALM 103:11

Van cu vawlei nakin a san deuh ngaingai bantukin a dawtnak cu amah a ṭihmi hna caah cun a ngan ve.

SALM 110:5

Bawipa cu na orhlei kamah a um ko; a thin a hun ni ah siangpahrang kha a tei hna lai.

SALM 147:11

asinain a lung a tongmi cu amah a ṭihmi le a fekmi a dawtnak aa bochanmi kha an si.

SALM 2:5

Thinhung ngaiin an sinah bia a chim i a thinhunnak nih cun an thin a phanter hna.

SALM 85:9

Amah a upatmi khamh awkah khan aa tim zungzal ko i kan ram chungah hin a sunparnak cu a um zungzal lai.

PHUNGCHIMTU 12:13

Hi thil vialte hna hnuah hin chim awk pakhat lawnglawng a um rih: Pathian cu ṭih law a nawlbia kha zul hna, zeicahtiah minung cu hi nawlbia hna tuah awk caah hin pei rak ser a si cu.

PHUNGCHIMTU 8:12

Misual mi nih sualnak kha voi za khat a tuah zongah a nung ṭhiamṭhiam ko. Asi, an chimmi cu ka hngalh, “Pathian na ṭih ahcun zeizong vialte a ṭha dih ko lai.

DANIEL 11:44

Khi tikah nichuahlei le chaklei in thawngpang a hung thangmi nih amah cu an lauter lai i mi tampi kha thah awk le hloh awkah thinhung ngaiin a chuak lai.

DANIEL 7:26

Cun biaceihnak kha a hung um lai i amah cu a bawinak kha chuh a si lai i a donghnak ah cun hrawh a si lai i hloh a si lai.

DANIEL 8:25

Amah cu a zer caah zernak in khua a khanmi ah khan a hlawh a tling lengmang lai; Thil ngan pipi kha a lung chungin a ruah a khan hna lai i Bawi vialte Bawipa hmanh kha a zuam lai i amah cu tei a si lai nain minung kut in a si lai lo.

MATTHAI 5:12

Nan lung i lawm u law nan thanuam ko u, zeicahtiah vancung khua ah laksawng tampi chiahpiak nan si ko. Cu bantuk cun pei nan hlan i a rak ummi profet hna kha an rak hrem hna cu,” tiah a ti.

LUKA 1:50

Amah a ṭihmi vialte kha chan khat hnu chan khat in a zaangfah hna.

HEBRU 9:27

Minung hi voi khat kan thi lai i cu hnuah cun Pathian nih bia a kan ceih lai.

BIAPHUAN 10:7

Vancungmi pasarihnak nih a muko a tum tikah Pathian nih, a sal profet hna sinah a rak chim bang khan, a rak timh thlimi kha a tlinter lai,” a ti.

BIAPHUAN 11:2

Asinain biakinn lenglei tual kha cu va ngaan rih hna. Va tah rih hna hlah, zeicahtiah kha tual kha cu Pathian a bia lomi, thla sawm li le thla hnih chung, Khua Thiang a naang ding hna ca i chiahmi an si.

BIAPHUAN 13:10

Tlaih awk a simi cu tlaih a si hrimhrim ko lai; vainam in thah awk a simi cu vainam in thah a si hrimhrim ko lai. Hi ah hin Pathian mi hna nih in khawhnak an ngeih le zumhawktlak an si kha an langhter awk a hau,” a ti.

BIAPHUAN 13:16

Sahrang nih cun mi vialte, a hme si hna seh, a ngan si hna seh, a rum si hna seh, sifak si hna seh, sal si hna seh, a luatmi si hna seh, an dihlak in an orhlei kut asiloah an cal ah hmelchunhnak hramhram in a ngeihter hna.

BIAPHUAN 14:10

Pathian zu, a thinhunnak zu, a thinhunnak hrai chung i ti cawh hrimhrim loin thletmi kha an din lai. Cu a dingmi vialte cu vancungmi mithiang hna le Tuufa hmaiah, mei chung le kat chungah, hrem an si lai.

BIAPHUAN 15:1

Cun van ah khin khuaruahhar le lianngan ngai a simi hmelchunhnak a dang pakhat ka hmuh ṭhan. Vancungmi pasarih, hremnak pasarih aa putmi kha ka hmuh hna i cu hremnak cu a hmanung bik an si cang, zeicahtiah Pathian thinhun phuannak a donghnak an si.

BIAPHUAN 15:7

Cun saram nung pali hna lak i pakhat nih khan vancungmi pasarih hna cu, zungzal in zungzal tiang a nungmi Pathian thinhunnak in a khatmi sui kanto pasarih kha a pek hna.

BIAPHUAN 18:6

Amah nih a rak in tuah hna bantukte khan amah cu tuah ṭhan ve u; a let hnih in cham u, Nanmah din awkah a rak tuahmi a let hnih ṭhawng khan, Amah din awk cu a hrai chungah khan serpiak u.

BIAPHUAN 19:15

A har ngaingaimi nam pakhat a kaa chungin a hung chuak i cu nam cun miphun vialte kha a tei dih hna lai. Annih cu thirfung in a uk hna lai i Lianngan Bik Pathian thinhunnak mitsur nennak chung mitsur kha a nen hna lai.

BIAPHUAN 19:18

Siangpahrang hna le ralbawi hna le ralkap hna le rang hna le rangcung ralkap hna le sal hna le miluat hna le mingan hna le mihme hna, an dihlak in, an sa cu rak ei tuah hna u,” a ti.

BIAPHUAN 19:5

Cun bawiṭhutdan khan aw pakhat a rung thang i, “Kan Pathian sal vialte hna le a mi vialte hna le amah a ṭihmi vialte hna, a hme a ngan in, kan Pathian cu thangṭhat tuah u,” a ti.

BIAPHUAN 20:12

Cun mithi mi kha, a ngan he a hme he, bawiṭhutdan hmai i an ṭhut kha ka hmuh. Cauk kha an kau hna, cun cauk a dang pakhat, nunnak cauk zong kha an kau ve. Mithi cu an rak tuahmi cauk chung i aa ṭialning khan an bia an ceih hna.

BIAPHUAN 20:15

Nunnak cauk chungah an min aa ṭial lomi paoh cu mei tili chungah cun an paih hna.

BIAPHUAN 22:12

Jesuh nih cun, “Ngaihmanh, ka ra zau lai. Mi kip an rianṭuanning cio ah pek awkah ka laksawng cu ka rak i put lai.