BIAPHUAN 11:12 - Lai (Hakha) Common Language Bible 2006

¹² Cun cu profet pahnih hna nih cun, vancung in, “Hika ah hin hung kai u,” tiah aw thang piin a run titu hna aw kha an theih. An ral nih an zoh ko hna lioah cun, vancung ah khuadawm in an kai.

Laibaibal Thiang (BSI)

¹² Cun van in aw thang ngai a rak chuakmi nih, “Hika hin rak kai uh” tiah an ti hna. Cun minmei lak in van ah an kai i an ral hna nih cat loin an zoh hna.

BIAPHUAN 11:12 ပူးပေါင်းရင်းမြစ်များ

2 SIANGPAHRANG 2:1

Cun Bawipa nih Elijah cu phuchim in van ah a cawi hnik tikah khan Elijah le Elisha cu Gilgal in an i thawh.

2 SIANGPAHRANG 2:11

Cun an kal lengmang i bia an i ruah lio lengmang ah cun, zohhmanh, mei rangleng pakhat le mei rang hna nih annih pahnih cu an ṭhen hna. Cun Elijah cu phuchim in vancung ah a kai.

2 SIANGPAHRANG 2:5

Cun profet fapa hna Jeriko i a ummi kha Elisha pawngah cun an ra i, “Bawipa nih nihin ah hin na bawipa cu na sinin a lak lai kha na hngal maw?” tiah an ti. Cun anih nih, “A si ka hngalh; dai tein um ko u,” tiah a leh hna.

2 SIANGPAHRANG 2:7

Profet fapa hna chung khan sawm nga an kal ve i Jordan tiva pawng i an pahnih in an dir lioah khan lamhla nawn in an dir.

SALM 112:10

Miṭhalo pawl nih khan hihi an hmuh i an ing a puang, an hacang lawng an rial ko; an rak i ruahchanmi kha pakpalawng ah a can dih bantuk khan annih zong an lo ve.

SALM 15:1

Bawipa, na biakinn chungah ahodah a lut lai? Na tlang thiang Zion cungah ahodah a um lai?

SALM 24:3

Bawipa tlang ah ahodah a kai kho lai? A biakinn thiang chungah ahodah a lut kho lai?

SALM 86:17

Bawipa, na ṭhatnak kha ka cungah langhter ko, cu tikah keimah a ka huami hna nih khan hnangamnak le bawmhnak na ka pek kha an hmuh lai i an ning a zak lai.

EXODUS 14:25

An rangleng ke cu a taapter hna i har lengmang fangfang in an kal kho, cucaah cun Izipt mi nih cun, “Israel mi hi zamtak hna u sih, Bawipa pei anmah lei ah a ṭang i kanmah a kan do ko hi,” an ti.

ISAIAH 14:13

Vancung i hung kai i a sang bikmi arfi nak sang i na bawiṭhutdan hung chiah cu na rak i zuam. Chaklei i a ummi tlang, pathian hna an i pumhnak tlang ah khan siangpahrang bantukin ka ṭhu lai tiah naa ruah.

ISAIAH 40:31

Sihmanhsehlaw Bawipa aa bochanmi cu thazang thar an la. Mupi bangin an zuang lai; an tlik tikah an baa lai lo, an kal tik zongah an tha a di lai lo.

ISAIAH 60:8

Khuadawm bantukin a zuan in a zuangmi lawng khi zei lawng dah an si? An bu hlam ah a zuangmi ṭhuro bantukin a zuangmi lawng khi zeidah an si?

MALAKHI 3:18

Miṭha kha miṭhalo sinin nan thleidan khawh ṭhan hna lai i Pathian rian a ṭuanmi kha a ṭuan lomi sinin nan thleidan khawh ṭhan hna lai.

LUKA 16:23

Mirumpa cu Hell chungah a tla i nganfak ngaiin a um; cunglei hi a hun zoh i lamhlapi ah khin Abraham le a pawng i Lazaruh kha a hun hmuh hna.

LAMKALTU 1:9

Hi bia a chim dih in an hmuh hngan te ah cun vancung ah a kai; cun minmei nih a hun phenh i an hmu kho ti lo.

1THESALON 4:17

cu caan i a nung rihmi kannih pawl cu khuadawm lakah khin Bawipa cu van i hung ton awkah pumh kan si dih lai. Cun Bawipa sinah cun zungzal in kan um lai.

BIAPHUAN 12:5

Cun miphun vialte thirfung in a uktu ding fapa kha minu nih cun a hrin. Sihmanhsehlaw ngakchia cu an lak zau i Pathian le a bawiṭhutdan sinah an kalpi.

BIAPHUAN 3:21

Keimah kha teitu ka si i ka Pa pawngah a bawiṭhutdan cungah ka ṭhut bantuk hin, teitu a simi cu ka bawiṭhutdan cung i ka pawngah ṭhutnak nawl kha ka pek hna lai.

BIAPHUAN 4:1

Hi dih hin langhnak a dang pakhat ka hmuh ṭhan i vancung ah khin innka pakhat aa hungmi kha ka hmuh. Cun hlan deuh ah ka rak theihmi aw, muko aw bantuk a simi kha, a hung thang i, “Hika ah hin hung kai law, hi dih hin zeidah a um lai ti kha kan hmuhsak lai,” a ti.