BIAPHUAN 10:5 - Lai (Hakha) Common Language Bible 2006

⁵ Cun rili cung le vawlei cungah a dirmi vancungmi ka hmuhmi nih khan van leiah a orhlei kut a hler i

Laibaibal Thiang (BSI)

⁵ Vanmi rili le lei lamh bu i a dirmi nih khan vanlei ah a ban a thlir,

BIAPHUAN 10:5 ပူးပေါင်းရင်းမြစ်များ

GENESIS 14:22

Sihmanhsehlaw Abram nih cun a leh i, “Van le vawlei a sertu Cung Nung Bik Pathian hmaiah chiatser tein bia kaa kam i,

NEHEMIAH 9:6

Nangmah lawnglawng hi Bawipa cu na si; nangmah nih van cu na ser, a sang bik van cu a chung i a ummi thil vialte he na ser hna i vawlei le a cung i a ummi thil vialte zong hi na ser hna i rili le a chung i a ummi thil vialte zong hi na sermi an si dih. An dihlak hin nangmah nih na hmunhter hna i van i a ummi thil vialte nih khin nangmah cu an in biak.

SALM 146:5

Jakob Pathian kha bawmtu ah aa serhmi cu mi lunglawm an si, Bawipa a Pathian kha aa hngatchanmi cu mi lunglawm an si;

EXODUS 20:11

Ni ruk chungah Bawipa nih van le vawlei le rili le an chung i a ummi thil vialte kha a ser hna i ni sarih ni ah cun aa din. Cucaah cun Bawipa nih dinh ni cu thluachuah a pek i amah ca rian ṭuannak caah a duh.

EXODUS 6:8

Chiatser tein Abraham le Isak le Jakob sinah kan pek hna lai ti in bia kaa kammi ram ah khan kan kalpi hna lai; cu ram cu nanmah ta ding hrimhrim ah kan pek hna lai. Kei cu Bawipa kha ka si,’ a ti, tiah na va chimh hrimhrim hna lai,” a ti.

EZEKIEL 20:15

“Cuhleiah, ramlak ah cun kut hler in ka chimh hna i kan pekmi hna ram, cawhnuk le khuaihliti in a luangmi ram, ram vialte lak i ram ṭha cem ah cun kan luhpi hna lai lo, tiah chiatser in ka ti hna.

EZEKIEL 20:23

Cun annih nih ka nawlbia kha an ngai lo i ka phunglam kha an hlawt hna i ka sabbath kha an thurhhnawmh hna i an pupa hna siasal kha an mitthlirh peng hna caah, ‘Nannih cu miphun hna lakah kan ṭhek hna lai i khuazakip ah kan kalter hna lai,’ tiah kut hler in an sinah ramlak ah chiat kha ka ser.

EZEKIEL 20:28

Annih cu kan pek hna lai tiah kut hler in chiat ka sermi ram i ka luhpi tik hna ah tlangbo kip le thingkung a hnah a ṭhami paoh kha an i chingchiah i khika ah khan an raithawinak kha an tuah hna, ka thin a ka phoktu an laksawng kha an pekchanh hna i an rim thaw thawinak le an thlet thawinak kha an hun hna.

EZEKIEL 20:42

“Nannih cu kut hler in nan pupa hna sinah pek awkin bia ka kammi ram, Israel mi vawlei ah khan kan tlunpi hna tikah, Bawipa cu keimah ka si kha nan hngalh lai.

EZEKIEL 20:5

mah hihi Bawipa Pathian bia a si, ti hna: Israel kha ka rak thim tikah khan kut hler in Jakob phun sinah khan chiatser in ka rak i ṭem chih i an sinah Izipt ram ah khan ka rak i phuang; ka kut kha ka hler i, Keimah cu Bawipa nan Pathian ka si, tiah ka rak ti.

EZEKIEL 36:7

Cucaah nan velchum i a ummi miphun hna cu annih nih an in nihsawh hna ruangah khan dantat an si lai, tiah kut hler in chiat ka ser cang.

EZEKIEL 47:14

Kut hler in nan pupa hna sinah pek awkin chiat ka sermi ram cu pakhat le pakhat nan i cheu cio lai; camcawhfung khiah in nan ro ca ding cio ah khan pek nan si lai.

DANIEL 12:7

Puan hmangṭhia aa aihmi nih cun a kehlei kut le a orhlei kut kha van leiah a hler hna i, “Caan khat, caan hnih le caan cheu chung a si lai; mithiang mi hna a hremtu hna kha a donghnak caan a phak ve tikah hi thil vialte cu an donghnak an phan ve lai,” tiah zungzal a nungmi Pathian min chalh in chiat a ser kha ka theih.

LAMKALTU 14:15

“Zeicahdah mah hihi nan tuah? Kannih zong minung sawhsawhte kan si ve ko, nanmah bantuk minung kan si ve ko. Hika i kan ratnak cu nannih kha hi santlailo thil hna hi hlawt i van le vawlei le rili le a chung i a ummi thil vialte a sertu Pathian lei i mer awkah Thawngṭha ra chim kha a si.

LAMKALTU 17:23

Zeicahtiah nan khua chung i kaa chawh i nan biaknak hmun kha ka zoh hna tikah biakṭheng pakhat cu a cungah “Hngalh lomi Pathian Caah” tiin aa ṭial kha ka hmuh. Cu nan biakmi cu, a hngalh cu hngal hmanh hlah u law, nan sin i kan thanhmi hna hi a si.

ROM 1:20

an hmu duh lo, cucaah dan a tat hna. Vawlei a ser hramthawkte khan Pathian nih cun, hmuh khawh a si lomi a sining, zungzal hmunmi a ṭhawnnak le a Pathian sinak kha, fiang tein a langhter ko. Cucaah i silhnalh khawhnak zeihmanh an ngei lo!

DEUTERONOMI 32:40

Zeitintiah van ah ka kut ka hler i Hi bangin chiat ka ser: Zungzal in ka nun bangin,

HEBRU 6:13

Pathian nih Abraham bia a rak kamh ah khan, aa kammi cu ka tuah hrimhrim lai tinak ah khan chiat a rak ser. Cun amah nakin a ngan deuhmi an um lo caah cu chiatsernak ah cun amah min kha a hman i,

BIAPHUAN 1:18

Kei cu a nungmi kha ka si. Ka rak thi, sihmanhsehlaw zohhmanh, zungzal in zungzal tiang ka nung cang. Thihnak cung le mithikhua cungah nawl ka ngei.

BIAPHUAN 10:2

A kut in aa samhmi cazual hmete pakhat aa put. A orhlei ke in rili kha a lamh i a kehlei ke in vawlei kha a lamh,

BIAPHUAN 14:7

Aw thang piin, “Pathian kha ṭih u law a lianhngannak kha thangṭhat u. Zeicahtiah amah nih minung vialte bia a ceih hna lai caan kha a phan cang. Van le vawlei le rili le tiput a sertu kha bia u,” a ti.

BIAPHUAN 16:17

Cun vancungmi pasarihnak nih khan a kanto cu thlitu lakah a bungh. Biakinn chung bawiṭhutdan khan aw thangpi pakhat a ra chuak i, “A dih cang!” tiah a ti.

BIAPHUAN 4:11

“Kan Bawipa le kan Pathian, Nangmah cu sunparnak le upatnak le lianhngannak kha hmuh awkah aa tlakmi na si. Zeicahtiah zeizong vialte kha nangmah nih na ser hna i Nangmah duhnak bangin annih cu ser an si i nunnak an ngei,” tiah an ti.

BIAPHUAN 4:9

A nungmi saram pali nih cun bawiṭhutdan cung i a ṭhumi, zungzal in zungzal tiang a nungmi cu, sunparnak le upatnak le lawmhnak hla in an thangṭhat.