BIAPHUAN 1:9 - Lai (Hakha) Common Language Bible 2006

⁹ Kei cu nan unau Johan kha ka si. Jesuh ah kan i pehtlaihnak thawngin hremnak nan innak ah ka ing ve, nan umnak a Pennak chungah khan ka um ve i temhinnak nan inmi kha ka ing ve. Pathian bia ka chim ca le Jesuh nih a phuanmi biatak ka phuan ruangah, Patmos tikulh ah khan an ka chiah.

Laibaibal Thiang (BSI)

⁹ Kei Johan nan unaupa le Jesuh Krih ah harsatnâk le pennâk le inkhawhnâk an hrawmhpitu hna hi Pathian bia le Jesuh Krih bia hngalhternâk ruangah Patmos tikulh an timi ah ka um;

BIAPHUAN 1:9 ပူးပေါင်းရင်းမြစ်များ

MATTHAI 20:23

“Ka hrai cu a din zong nan din khawh taktak ve ko lai. Sihmanhsehlaw ka orhlei ah anih ṭhu seh, ka kehlei ah anih ṭhu seh, ti cu keimah thim khawhmi a si lo. Cuka hmun cu ka Pa nih a timhpiakmi hna caah a si,” tiah a ti hna.

MARKA 10:39

Annih nih, “Kan ti khawh ko lai,” tiah an leh. Jesuh nih cun, “Ka din dingmi hrai hi nan din khawh ve taktak ko lai i ka in dingmi tipil inning hi nan in khawh ve taktak ko lai.

JOHAN 16:33

Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei nih hin harnak an pek hna lai, sihmanhsehlaw ṭih hlah u. Vawlei cu ka tei cang,” tiah a ti.

LAMKALTU 1:15

Cu hnu ni tlawmpal ah khan Jesuh a zummi hna kha an i pum i an dihlak ah za khat le kul tluk an si; cu pumhnak ah cun Peter cu a tho i,

LAMKALTU 14:22

Zumtu hna kha thazang an pek hna i nan zumhnak ah khan fek tein hmun ko u, tiah an forh hna. “Pathian Pennak chung luh awkah hin harnak tampi kan ton a hau,” tiah an cawnpiak hna.

ROM 8:17

Kannih cu Pathian rocotu kan si, Khrih roco-hawi kan si; zeicahtiah Khrih temhinnak kha kan i hrawm ahcun a sunparnak zong kan i hrawm ve lai.

ROM 8:25

Sihmanhsehlaw kan mit in kan hmuh lomi kha kan i ruahchan ahcun, cucu lungsau in kan hngah a langhnak a si.

2 KORIN 1:7

Cucaah nan cung i ruahchannak kan ngeihmi cu zeitikhmanh ah aa hnin bal lo. Temhnak kan inmi nan kan inpi bantukte khan hnangamnak kan hmuhmi cu annih zong nih nan hmuh ve.

FILIPI 1:7

Ka hnakkar ah nan i tenh zungzal ko. Hi bantukin nan cungah lungthin ka ngeih hi ka ngeih hrim awk a si ko, zeicahtiah nan ka dawt tuk hringhran i thong i ka tlak ah siseh, leng i ka luat ah siseh, Thawngṭha kha ahmaan i biatak a si tiin ka chimnak rian ah khan nan ka bawmh zungzal.

FILIPI 4:14

Asinain harnak ka tonmi ah nan ka bawmh caah kaa lawm ngaingai.

2 THESALON 3:5

Pathian dawtnak lei le Khrih nih an pekmi hna intuar khawhnak leiah khan Bawipa nih nan lung cu hruai ko seh.

2TIMOTE 1:8

Cucaah kan Bawipa kong chim cu na ningzak hlah, a ca i thongtlapa keimah zong hi ka zahpi hlah. Pathian nih thazang an pekning in Thawngṭha ca i temhnak in kha ngamh lehlam ko.

HEBRU 10:36

Pathian duhnak nan tuah khawh nakhnga le bia an kamhmi hna nan co khawh nakhnga lungsau thinfual in um u.

1 PETER 5:1

Khrihfa upa hna, kei zong Khrihfa upa ka si ve bantukin kan nawl hna. Khrih nih temhnak a inmi tehte pakhat ka si ve i a lang laimi sunparnak zongah kaa tel ve lai.

BIAPHUAN 1:1

Hi cauk hi Jesuh Khrih nih a phuanmi thil kong a si. Cu a phuanmi cu a um zau dingmi thil, Pathian nih a sal hna hmuhsak awkah a pekmi kha a si. Cu thil hna cu Khrih nih a sal Johan kha a hngalhter i cu hngalhtertu ah cun a vancungmi kha a thlah i

BIAPHUAN 1:2

Johan nih cun a hmuhmi thil vialte cu a chim dih. Pathian sinin hmuhmi bia le Jesuh Khrih nih a phuanmi biatak Johan nih a chim chinmi cu hihi a si.

BIAPHUAN 1:4

Asia peng chung i a ummi Khrihfabu pasarih kha Johan nih bia kan cah hna: Atu i a um liomi le a rak um cangmi le a um lai ding a simi Pathian le a bawiṭhutdan hmai i a ummi thlarau pasarih le Jesuh Khrih nih vel le daihnak in pe ko hna seh.

BIAPHUAN 1:6

a Pathian le a Pa rian kha tlangbawi bantukin a ṭuantu dingah siangpahrang phun ah a kan ser. Cu Jesuh cungah cun sunparnak le ṭhawnnak kha zungzal in zungzal tiang um camcin ko seh! Amen.

BIAPHUAN 11:7

Cun bia chim awk an ngeihmi an chim dih tikah, dongh hngal lo khor thukpi chungin a hung chuakmi sahrang nih khan a doh hna lai. A tei hna lai i a thah hna lai;

BIAPHUAN 12:11

Kan unau hna nih amah cu Tuufa thi thawngin le an chimmi bia biatak a simi thawngin an tei cang; an nunnak pek kha an rak sian i thih zong an rak ngamh.

BIAPHUAN 12:17

Limkeng cu minu cungah khan a thin a hung ngaingai i minu tefa a tang rihmi vialte hna doh awkah khan aa thawh; cu hna cu Pathian nawlbia a ngai i Jesuh nih a phuanmi biatak, zumh awk tlak tein aa tlaihmi kha an si.

BIAPHUAN 13:10

Tlaih awk a simi cu tlaih a si hrimhrim ko lai; vainam in thah awk a simi cu vainam in thah a si hrimhrim ko lai. Hi ah hin Pathian mi hna nih in khawhnak an ngeih le zumhawktlak an si kha an langhter awk a hau,” a ti.

BIAPHUAN 14:12

Pathian mi hna, Pathian nawl a ngai i Jesuh cungah zumh awk tlak in khua a sami hna nih cun, hi zawn ah hin in khawhnak an ngeih awk a hau.

BIAPHUAN 19:10

Amah biak awkah a ke hramah ka bawk, sihmanhsehlaw a ka thawh i, “Bawk hlah. Keimah zong nangmah bantukin Pathian sal ka si ve, Jesuh nih a phuanmi biatak aa tlaihmi nan unau hna lak i pakhat ka si ve. Pathian tu bia tuah,” a ti. Profet hna kha lungthawhnak a petu cu Jesuh nih a phuanmi biatak kha a si.

BIAPHUAN 20:4

Cun bawiṭhutdan hna le a cung i a ṭhumi hna kha ka hmuh hna; annih cu biaceihnak nawl kha pek an si. Jesuh nih a phuanmi biatak le Pathian bia an chim ruangah thahnak a ingmi thlarau hna zong kha ka hmuh hna. Sahrang kha an bia lo, a milem zong an bia lo, an cal le an ban zongah sahrang hmelchunhnak kha an ngei lo. An hung nung i Khrih he cun siangpahrang bantukin kum thong khat chung uktu bawi an si.

BIAPHUAN 3:10

Lungsau in um tuah, tiah kan timi kha na zulh caah, vawleicung mi vialte hneksaknak ding caah vawlei cung dihlak ah a tlung laimi harnak caan kha tong loin kan luatter lai.

BIAPHUAN 6:9

Cun Tuufa nih cun cakhenh panga-nak kha a phoih. Pathian bia an chim ruangah le Pathian tehte an sinak ah zumhawktlak in an um ruangah an thahmi hna thlarau kha biakṭheng toiah cun ka hmuh hna.

BIAPHUAN 7:14

“Ka hngal lo, bawipa, Nangmah nih ta na hngalh deuh lai,” tiah ka leh. Cun a ka thawh i, “Hi mi hna hi hremnak nganpi a ingmi kha an si; Tuufa thi chungah an puan kha an suk i an puan cu an vaar cang.